طريقه ثانيه لتعشيش اليمام

[قطرررررررررررري]

بسم الله الرحمن الرحيم


السلام عليكم ورحمة الله وبركاته



من فتره نزلت موضوع وكان بعنوان (( للمبتدئين فقط )) وعرضت فالموضوع

بعض الجاونب المهمه لتربية اليمام القمري ( اليكريم ) وكان من بين الجوانب طريقة التعشيش

وكانت عباره عن طريقة اقتصاديه وسهله الكل ممكن يحصل عليها بسعر ارخص حتى من سعر

العش الجاهز او المخصص لليمام

وكانت عباره عن معلف للحمام بحجم الوسط وكذالك الحجم الكبير لثنين يؤدون نفس الغرض

مع وجود بطانه خفيفه من رمل البحر وباقي العش يكمله اليمام






والطريقه والحمدلله كانت ناجه بشكل حلو دون تأثر الانتاج

ونشوف الصور










----------------------------------------------------

لكن هذي المره راح نغير شوي من طريقة العش لبلاستيكي الى العش الخشب

والفايده من العش بتكون المساحه مناسبه اكثر وبعد نقدر نستفيد من العش

انه يكون مظله لمشرب الماي علشان يحافظ عليه من بعض الاوساخ اللي يمكن تسقط داخله

والطريقه سهله جدا جدا والكل يقدر يسويها ونفس الشي ماتكلف شي يذكر

ويكون شكلها النهائي حلو فالمحكر

نبتدي ان شالله الشرح مع الصور وان شالله اي نقطهة ماتوضح نتناقش فيها


الخطوه الاولى : عمل الصندوق الخشب (( العش ))

قياسات الصندوق 20سم * 20سم طبعا من الصوره بتعرفون انه سهل جدا







الخطوه الثانيه : صنع الاعمده وتركيبها

طبعا قبل القطع الواحد يحسب في باله الارتفاع اللي يشوفه مناسب وبعدها الله يعينه يقطع

العامودين بشكل متساوي







بعد القطع يثبت العامودين اسفل الصندوق من الجهه الاماميه









وبعد التثبيت الاعمده يتم تركيب برقين او مسمارين في الجهه الخلفيه للاعمده







طريقة تبطين العش من الداخل نستغني عن الرمل ونستخدم طريقه ثانيه

جربتها على الحمام وكانت مناسبه وبعد طريقه حلوه تقدر تستخدم التبطين اكثر من مره بعد

الغسل والتطهير كل ماتنظف العش

استخدام سجاده الحدايق والمسابح (( سجاد بلاستيك ))







وطبعا الشكل فالاخير بيكون مثل ماتشوفون فالصوره طبعا ثلاث اعشاش لان المحكر ثلاث طوابق







بعد مايجهز العش وتتثبت كل اجزائه نجي حق عملية التركيب

ومثل ماتشوفون فالصوره سهله ثبت المسامير في فتحات الشبك وخلاص يثبت العش

ونشوف طريقة مشرب الماي تحت العش للحفاظ على النظافه بشكل اكثر







ونشوف اللحين صور لتوزيع المحكر من الداخل (( العش + المعلف + المشرب + القصن ))








ونشوف اللحين المحكر كامل بثلاث طوابق شلون شكله










------------------------------------------------


الغصن تكلمنا عنه في موضوع للمبتدئين فقط عن طريقة صنعه طريقة صنعه

والطريقه هذي للعش طريقة ثانيه حلوه من جوانب كثيره

1- تحافظ على نظافو المياه
2- مساحه مناسبه لليمام
3-المتعه في تصنيع هذي الاعشاش للعلم ماتحتاج شي كثير اي مجموعة خشب راح تعمل العش



ومثل ماعودتكم دوم مواضيعي احبها تكون من تصويري ومن تجربتي الخاصه

اتمنى الموضوع عجبكم واتمنى الصور كانت واضحه للكل

و اتمنى الموضوع يستفيد منه الكل..................واخيرا اتمنى انى ماطولت عليكم

تحياتي

[الفارس الخيال]

مشكور الشيخ قطرررري على الموضوع الحلو و انشالله نستفيد من موضوعك الأكثر من رائع

[ehap_ali2005]

شكرا قطرى على موضوعك العظيم

[امبراطور البادجي]

مشكور ياخبير

[The black knight]

بارك الله فيك علي الموضوع الروووووووووووووووعة.................

[قطرررررررررررري]

مشكووووووووووورين على الردود والكلام الطيب اللي ذكرتوه

جزاكم الله خير..............تحياتي

[نويصر]

مشاء الله عليك قطري

ابداع بس اشوف حمامك ليس مقنبر

ياليت تجرب اليمام الامريكي يكون ابيض مقنبر عيون سود ررررررررررررررعه

[قطرررررررررررري]

مشكور نويصر على الرد

وياليت لو تنزل صوره لليمام اللي تقصده.........................تحياتي

[الأبطح]

حلو خووووووووش طريقه
ومنها الحمام ما يوقف على مشرب الماء ويوصخ فيه

[قطرررررررررررري]

مشكور على الرد