اشترك في نشرتنا البريدية ليصلك كل جديد

زينة البنات · 25-04-2009, 08:09 AM

مرحبا بالكل
انا عضوه جديده كنت ابحث مرة مادري عن شنو وطلع لي منتدى تو زوو
اذكر بذاك اليوم سنترت هنا واستمتعت كثير بالمواضيع والمعلومات
<<<وبعدييين؟!!<<<أكيد وراها شي هالمقدمة
الموووهم
اليوم كنت اطالع سمكاتي الجميلة وتفاجئت بمخلوق جديد صغيير معهم بالحوض!!

انا قلت يمكن عيالهم <<<احلفي صج اكتشاف عظيم!!
بس شكلهم غريب
وماادري تبع أي سمكة هذا اذا هم عيال مولودين جدد<<<اما مولودين>> ابو الثقافة
اللي خوفني انو لاحظت سمكتي الاورنج<<<سمتها بكيفها ماتعرف نوعها
المووهم لاحظت انها متأذية منهم كثير وتصفع بنفسها وتنقز <<<انا فكرت محاولات انتحار
بس عرفت انو هالكائنات لاصقة بزعانفها ومعذبتها
وبعديييين<<<قصة حياتها>>>خفت على سمكتي الغالية وشلتهم وحطيتهم لحالهم
.....
الحين بتقولوا مادري ايش تبي هذي
بصراحة انا مالي خبرة بالأسماك
فأتمنى تفيدوني
أدري ماراح تقصروا

هذي صورة الكائن الغريب<<<تقول اختي شكلها مخلوقات فضائية
واخوي اكتشف انو هذي كائنات طفيلية
وانا مادري شنو

بس غششوني

افيدوني بمعلومات من بعض ماعندكم

هذي سمكتي الاورنج

وهذي السمكة وايت

هنا بالزاوية الكائن اللي اكتشفته

وهذا بعد ماعزلتهم عنهم

أدري الصور حييل مو واضحة التصوير فاشل بس ان شاء الله تفهموا لهم
هذا اذا طلعت اصلا لأني أول مرة أنزل صور

وشكرا لكم

hhma · 25-04-2009, 08:58 AM

ياختي ما في صور واذا تبين تتخلصين منه نضفي الحوض <<<<<<<<<<<<<حاس انه ناموس صغير تعرفون الناموس يحط البيض حقه في الموية

Octopus · 25-04-2009, 09:57 AM

أختي أضني هذا هو القمل السمك
وهذا موضوع عنه في المنتدى
http://www.2zoo.com/vb/showthread.php?t=55367

ومرحبا بك في المنتدى و نتمنا نشوف جديدك

kuk · 25-04-2009, 05:10 PM

ياختي ما في صور

يوسف 2008 · 25-04-2009, 05:21 PM

حطي صوره وان شالله خيرررررررررررررر

انجل مان · 25-04-2009, 05:38 PM

ياااساتر ..

باين من كلامك هذا قمل للسمك .. واكيد نوع الاسماك قولد .. مع ان الصور لم تظهر ..

لكن قمل السمك ويجب علاجها سريعا لانه قاتل بطيء للاسماك ..

تمسك السمكه باليد .. ويزال القمل بالملقط لان ما فيه دواء يزيله ..

ولازم تزيلينه بسرعه قبل ما يتكاثر ..

ميدو مدحت · 25-04-2009, 07:39 PM

متل ما قال انجل مان والله ما قصر هذا اكثر شئ بكرهه (قمل السمك) لازم تزيليه بسرعة

تحياتى لكى .....

زينة البنات · 25-04-2009, 07:48 PM

هلا فيكم
اشكر كل من مر بصفحتي وكل من رد
hhma...kuk...يوسف 2008...
جزاكم الله خير

octopus...ألف شكر لك
يسلموو عالرابط مع انو الصور ماطلعت لي بس اتضح لي انو هو
وبحثت عن صور له بالقوقل وطلع نفسه

وشكرا عالترحيب

انجل مان
يسلموو عالمعلومات الحلوه
استفدت كثير ربي يعطيك العافية

وعرفت شنو نوع سمكتي الاورنج الجميلة >>جولد فيش<<

ايي نسيت ماقلت لكم اني قبل اعرف شنو هالكائن عزلته بحوض لحاله
وبعدها نزلت الموضوع وطلعت
لما رجعت البيت كانت الوالدة الله يحفظها كابة الماي تفكر مافي شي لأنهم صغار مو واضحين خخخ<<<زين سوت

بكرة ان شاء الله راح أنظف لهم الحوض واحاول احط ملح على السمكة مكان ماتطفلت عليها هالكريهة

سلاااااام

زينة البنات · 25-04-2009, 07:51 PM

ميدو مدحت
كلكم ماقصرتوا ربي يعطيكم العافية
أفدتوني كثير
شكرا لكم