اشترك في نشرتنا البريدية ليصلك كل جديد

سمساار · 04-09-2009, 03:32 AM

اقتباس:

المشاركة الأصلية كتبت بواسطة FrEe LeGeNd

هلا استاذ سمسار

اليوم بسجل عندك ببغائي ريكو

عمر الكاسكو (لون العيون)؟ بيضاء
2-الكاسكو أليف ولا لاء؟ ما يخاف ولا يجعر وياكل من اليد وجريى ويتكلم ويصفر بس ما يطلع على اليد وما يسمح امسح على راسه واذا قربت يدي منه يضربني بمنقار ما يعض يضرب
3-جناح الكاسكو كامل ولا مقصوص؟ ما يطير
4-عندك طولة بال على الكاسكو؟ نعم
5-انت اتخاف من الكاسكو يعضك؟ نعم
6- حاط الكاسكو داخل قفص ولا على استاند؟ على استند

وانتظرك يا غالي

حياك الله
اول شيئ تقليل الاكل لي نص الكميه اليوميه المعتاده
رفع القفص عن الارض بارتفاع يناسب طول جسم المدرب
اخراج الطير من القفص ووضعه فوق القفص ليتلقى مراحل التدريب
تأكيل الطير من اليد مباشرتا
بالبدايه ماراح يتقبل وبعدها بياخذ الاكل ولكن للاسف راح يرميه
طولة البال ضروريه في هذي المرحله والمعامله الطيبه مهمه ايضا
معاملة الطير وكأنه طفل صغير جدا مهمه
التكلم مع الطير اثناء التدريب ايضا مهمه
بعد كل هذي المعامله اكيد بخف منه الخوف وخف الجعير
ويبدأ ياكل من ايد المدرب
تكرار هذي المرحل ليتم التاكيد عليه انه ياكل من اليد

طريقة المسح على الطير
يتوجه المدرب بيده باتجاه الطير تدريجيا من تحت الى فوق ببطئ شديد الى ان يصل للرقبه والمسح عليها بحنيه الى ان يصل بالمسح لراس مع مراعات الكلام معه اثناء التمرين كي يخفف من روعة الطير اذا تمت المرحله بنجاح تقدم له اكراميه مثل (حبة عباد الشمس - حبة فول سوداني - قطعة من الفواكه - الخ الخ الخ )
تكرار التمرين ياكد حفظ الطير للحركه مهم

طريقة الصعود على اليد

يتوجه المدرب بيده الى الطير من تحت مستوى الطير الى ان يصل لبطن الطير تدريجيا وببطئ شديد مع مراعات التكلم معه
يقوم المدرب برفع الطير تدريجيا وببطئ شديد الى ان يصعد الطير برجله على يد المدرب مع مراعات التكلم معه والمسح عليه وارجاعه الى مكانه مره اخرى ودفع الاكراميه له
تكرار التمرين ياكد حفظ الطير للحركه مهم
وبعدها يقوم المدرب بتصعيد الطير على يده والابتعاد عن مكان القفص تدريجيا بمسافه كافيه كي لا يحاول الطير الرجوع الى مكانه مع مراعات التكلم معه والمسح عليه

يقوم المدرب بنقل الطير من يده اليمين الى يده اليسار مع التكرار مراعات التكلم معه والمسح عليه وبعد نجاح هذي المهمه يقوم المدرب بنقل الطير من يده الى يد شخص آخر متكرار ومراعات
التكلم معه والمسح عليه

وهكذا نكون قد انتهينى من مراحل التدريب الحركي ويتبقى تدريبه على الكلام
اتمنى لكم التوفيق والنجاح
في حال اي استفسار مستقبلا انا موجود وانا دائما بالخدمه

الذئب الاول · 04-09-2009, 03:38 AM

[QUOTE=سمساار;1036199]حياك الله اخوي بومحمد
مبروك عليك الطير والله يهنيك فيه
اتمنى انك تشوفه من مشاهير الطيور الناطقه
بنسبه للعمر الي يبدأ الطير عليه بالكلام
المتعارف عليه انه يبدأ بالكلام من 5 شهور
وفي بعض الطيور تبدأ بعمر اقل وبعض منها تتأخر
وكله بيعتمد على المدرب

اتمنى اني لبيت طلبك وقدرت اوصل لك المعلومه بوضوح اتمنى لك التوفيق والنجاح[/QUOTE

ما قصرت كفيت ووفيت وما كنت اتوقع فيه حد مثلك مهتم بمساعدة الهواه والله يجزيك خير ولكن شوه احسن طريقه لتعليمه الكلام مع العلم انه ابني طول الوقت عند الطير بس ما يبهدله يحب يشيله ويمسح عليه والطير احسه يستانس فهل وجود اكثر من شخص يعتني فيه مشكله واهم شي طال عمرك ابا اعرفه اسهل طريقه لتعليمه الكلام

سمساار · 04-09-2009, 03:44 AM

اقتباس:

المشاركة الأصلية كتبت بواسطة البطريقه

الطير هو محجل
صحيح هو اليف ويجعر
اول مايابوه كان مايرضى يطلع من القفص امد يدي له مايرضه يوقف بس مايعض وعضته كأنه عسل يعني عاديه معنه يفسفس الفواكه الخشنه المجففه
بس بعد ايام قليله اطلعه يطلع من القفص وصار اهو الي يبي يطلع من القفص ووصار حبوب ويجي ويلصق فيني يحليله بس ماوقف جعير وايد يجعر

مرحبا بكي مره اخرى (البطريقه)
اختي العزيزه
طائر الرمادي من الطيور الحساسه والحنونه
كثفي الاهتمام فيه وعطيه وكت اكثر من قبل
دائما عاملي طيرك وكأنه طفل صغيرون امامك
ودوم لاعبيه وكلميه ومسحي عليه بهالحاله
بحس بالأمان معاك وبتخف منه الجعره تدريجيا
اتمنى لكي التوفيق والنجاح

FrEe LeGeNd · 04-09-2009, 04:24 AM

اخوي؟؟

الطير ما يجعر؟

والطريقه الي انت حطيتها لي هذا لطيور الي تجعر وتخاف

بس انا طيري ما يخاف وجرى ولا يجعر وياكل من يدي
بس ما اقدر امسح عليه
ولا يطلع على اليد
ويعض اذا قربت منه يدي

ashoog · 04-09-2009, 06:03 AM

السلام عليكم اخي
انا عندي الدرة المطوقة وامس اشتريتها ونزلت موضوع
عنها وفيه صور لها
http://www.2zoo.com/vb/showthread.php?t=118811

اقتباس:

عمر الكاسكو (لون العيون)؟

مدري كم عمرها بس لون عيونها اسود وحوله لون احمر

اقتباس:

الكاسكو أليف ولا لاء؟

اليف وحبوب بس انه يخاف جدا جدا

اقتباس:

جناح الكاسكو كامل ولا مقصوص؟

كامل

اقتباس:

عندك طولة بال على الكاسكو؟

حاليا انا متشجعه ان شاء الله يكون عندي طولة بال

اقتباس:

انت اتخاف من الكاسكو يعضك؟

هو مايعض بس اخاف

اقتباس:

حاط الكاسكو داخل قفص ولا على استاند؟

داخل القفص

انتظر ردك اخي

ashoog · 04-09-2009, 09:34 AM

اخوي اليوم قصيت جناحه
و سويت له مساج على راسه
ههههههه وطلعته برا القفص
وللحين يخاف بس خوفه قل

Q8xQ8 · 04-09-2009, 03:39 PM

اخوي انت مارديت علي انا كتبت في الصفحه47

وعندي بضعة اسئله

كمية الطعام ؟ انا اذا لقيت حوض الطعام فاضي افوله بالحب لاني ما اعرف الكميه ولا الفتره والأكل الي ياكله شنو ؟

ايهما افضل الأستاند ولا القفص ولازم اشتري قفاز حق التدريب ؟

والقفص الي عندي فاضي ماعنده العاب ومدري شنهي العابه ؟

ويعطيك الف عافيه