محتاجكم يا الخبيرين في عالم الجيرمن شيبرد

[Musab Pro]

مبروك عليك يالغالي هالتطور

وانشالله من افضل الى افضل الى القمه ،،

استمر بالوجبات ٣ في اليوم .. وحده الصبح وتحتوي الحليب وحاول تسخن له الحليب شوي

وتقدر تقطعه عنه ولكن الافضل انك ما تقطعه الحين خصوصا انه بنيتة الجسميه تحتاج تعويض

الوجبه الثانيه تكون بمنتصف اليوم والثالثه بالليل .. واشتر له الدراي فوود كيس كبير اوفر لك

لانه شامل لجميع العناصر اللي يحتاجها كلبك .. وممكن تستخدم الدراي فوود كمكافئه

او تستخدم اي شي ثاني غير مكلف ..

تقببل تحياتي

[german shepherd male]

يعطيك العافية يالغالي على المتابعه المستمرة من قبلكـ

وان شاء الله اوافيكم بالتطور بعد فترة


عن اذنكم صلاة الجمعه

[Musab Pro]

جمعة مباركه على الكل انشاء الله

وما سوينا شي ابد بالعكس هذا واجبنا كلنا .

وحنا بانتضار الاخبار الساره انشالله

[german shepherd male]

السلام عليكم


اخوي انا شريت الكيس 4 كيلو بـ 70 ريال , هل هذا سعره وانت بكم تشتريه ؟ (من غير اسم محل عشان ما يتقفل الموضوع ^_^)

وقدرت استخدمه كمكافئه

والآن عشان يتعلم الاسم ..
اقول اسمه واذا ناظرني مباشرة اعطيه المكافئه .؟

وكيف اعرف انه عرف اسمه ؟

وكيف انزع الخوف نهائيا منه ؟ واخلي شخصيته قوية ؟

والله ادري كثرت عليك بس المعذرة لآني ما حسبت حسابها من قبل

بانتظارك يا افضل عضو
والله يجعل ايامك من اولها لآخرها سعادة ويوفقك في دنياك واخرتك يارب

[Musab Pro]

المشاركة الأصلية كتبت بواسطة german shepherd male

السلام عليكم
وعليكم السلام ورحمة الله

اخوي انا شريت الكيس 4 كيلو بـ 70 ريال , هل هذا سعره وانت بكم تشتريه ؟ (من غير اسم محل عشان ما يتقفل الموضوع ^_^)

صحيح يالغالي اذا كنت تقصد هذا النوع



فهذا هو سعره تقريبا واخر مره قالو لي الشركه بترفع اسعارها .


وقدرت استخدمه كمكافئه
تمام التمام وتقدر تكافئ باشياء ثانيه

الاجانب يسمونها treats وانا قريت مواضيع كثير عنها بمواقع اجنبيه و اكتشفت ان كثير

منهم يسوونها بالبيت ولها فائده كبيره خصوصا انهم يحطون فيها خضار

وانشالله بكتب موضوع عن طريقة صنعها باقرب وقت ممكن بس تخبر رمضان زحمه شوي

ويقولون ان تبديل المكافئه بين فتره وفتره يجيب نتائج افضل .


والآن عشان يتعلم الاسم ..
اقول اسمه واذا ناظرني مباشرة اعطيه المكافئه .؟

بالضبط مثل ما هو موضح بالموضوع اللي عطيتك اياه



وكيف اعرف انه عرف اسمه ؟

لما تناديه بيناضر فيك و يكون جاهز لتلقي الامر

يعني تقوله come راح يجي بإذن الله اذا انت مدربه على هالامر


وكيف انزع الخوف نهائيا منه ؟ واخلي شخصيته قوية ؟

هذي المسآله تحتاج الى وقت

زيد وقت تواجدك معاه .. العب معه وشوي شوي خشن اللعب .. خل فيه عض اشياء

و شوية دفاشه دفدف فيه وخله يتحمس معك بس بدون لا تآذيه واذا حسيته بدى يخاف خفف شوي

خلك معه بوجود اصدقائك او العايله والعب معه الى ان يصل مرحله انه ما يدق لهم كرت

يكون مرتاح سواء كانو الناس موجودين ولا لا .

والله ادري كثرت عليك بس المعذرة لآني ما حسبت حسابها من قبل

بالعكس يالغالي هذا واجبنا وصدقني انا استمتع بقضاء الوقت هنا

بانتظارك يا افضل عضو

لا يكبر راسي

والله يجعل ايامك من اولها لآخرها سعادة ويوفقك في دنياك واخرتك يارب

انشالله الجميع يا رب

[german shepherd male]

سلمك ربي يالغالي , كل جواب اوفى من الثاني
- - - - - - - - - - - - - - - - - - - - - - - - - - - - - - - - - - - - - - - - - - - - - -
قررت ادخله مركز تدريب عندنا في الرياض

لكن بجرب معه هالكم يوم واشوف وضعي معه

والبيت او (القفص الخاص بالكلب ) ان شاء الله بيوصل اليوم

زيادة استفسار بسيط والله منحرج منك

اخوي الآن الكلب يقضي حاجته وانت بكرامة في حديقة البيت على الزرع (العشب) كيف اعوده يسويها في بيته او قفصه .؟

وهل تنصح بنشارة الخشب او تراب كأرضية للبيت ؟

شاكر لك تواضعك يا بطل.!

[Musab Pro]

المشاركة الأصلية كتبت بواسطة german shepherd male

سلمك ربي يالغالي , كل جواب اوفى من الثاني
- - - - - - - - - - - - - - - - - - - - - - - - - - - - - - - - - - - - - - - - - - - - - -
قررت ادخله مركز تدريب عندنا في الرياض

حلوين بس نصيحتي لك لا تخليه مره كل يوم وحاول تكون دايم جنبه عشان يتعلق فيك

انا عن نفسي عندي كلب ما يسمع الا كلامي .. مثلا لو صديقي جنبي ويقول له اجلس ما يجلس !

ومجرد ما اقول له اجلس قبل لا تخلص الكلمه هو جالس .. السبب هو تعلق الكلب فيني




لكن بجرب معه هالكم يوم واشوف وضعي معه

والبيت او (القفص الخاص بالكلب ) ان شاء الله بيوصل اليوم


الله يبشرك بالخير .. الله الله بنضافة البيت والتطهير والتبريد



زيادة استفسار بسيط والله منحرج منك


اذا بتنحرج بزعل منك ولا عاد برد عليك .. كلنا جينا هالمنتدى عشان نتبادل خبرات

ولو ما رديت انا بيرد غيري من الشباب


اخوي الآن الكلب يقضي حاجته وانت بكرامة في حديقة البيت على الزرع (العشب) كيف اعوده يسويها في بيته او قفصه .؟



لا يالغالي لا تخليه يقضي حاجته في بيته .. ترضى انت تقضي حاجتك في غرفتك ؟

مع فارق التشبيه والله يكرمك عن الكلب لكن الحيوانات تشعر مثل ما نشعر

هذا غير الجراثيم والحشرات والاوساخ اللي راح تتجمع وبتصير ريحته زي الزباله الله يعزك

وما راح تداني تقرب جنبه .. انا انصحك يا بعدي تختار له زاويه في الحديقه تحط فيها كم طابوقه

تسوي له شكل مربع يعني ويكون مساحته 75X75 cm او نصم متر في نص متر و حط له

تراب نضيف داخل المربع خل هذا المكان يكون شوي بعيد عن بيته وبعد الاكل بربع ساعه تقريبا

اخذه الى هذا المكان وخلك قريب منه .. لما يبدآ الكلب يشم الارض هذي اشاره الى انه ينوي

قضاء حاجته .. على طول تدخله داخل المربع وتخليه يقضي حاجته هناك .. طبعا اثناء قضاء

الحاجه انت تعطيه الامر اللي تبيه .. مثلا Get busy او خلص شغلك او بيبيييي

ولما يخلص انت تشجعه وتعطيه مكافئه و تطبطب عليه .. وتستمر على الموضوع هذا

لين يفهم الكلب مكان قضاء الحاجه وغالبا ما تتعدى هذي الفتره اسبوع .. بتتعب فيه شوي لكن

بعدين بترتاح طول العمر .. اذا كان الكلب ياكل 3 مرات باليوم خله يقضي حاجه 3 مرات وانت معه

بعد اسبوع راقبه هل عرف المكان ؟ .. خلال هذي الفتره ايضا يجب انك تجعل البراز حقه في المكان

يعني ما تنضف المكان عشان تساعده انه يتوجه لمكان قضاء الحاجه وتمييزه

باستخدام حاسة الشم .


وهل تنصح بنشارة الخشب او تراب كأرضية للبيت ؟

اعتقد انك كلما ابعدت عن الاشياء اللي تجمع الحشرات افضل .. يعني اعرف ناس يستخدمون

نشارة الخشب ولكنه كل اسبوع يحرقها ويستبدلها وهذا الشي متعب .

الصبه العاديه او البلاط المتوسط الخشونه يعتبر ممتاز وسهل التنضيف والتعقيم وايضاً مفيد للاضافر

لو عاش الكلب طول عمره على تراب تحتاج قص الاضافر .. اما لو كان على صبه غالبا تكون كفايه لبرد

الاضافر .

شاكر لك تواضعك يا بطل.!

العفو يا سيدي ما سوينا شي .. انا اشكر الوعي اللي فيك و شي جميل انك تسأل وتطور

معلوماتك والخطأ كل الخطأ الاجتهادات اللي ممكن تصيب وممكن تخطي .

تحياتي لك يا غالي ..

[pitbull terrier]

اقف احتراما لك يا Musab Pro على هذه الاجوبة الشافية ..

احتراف واضح يا Musab Pro ..

بارك الله فيك ..



..

[Musab Pro]

المشاركة الأصلية كتبت بواسطة pitbull terrier

اقف احتراما لك يا Musab Pro على هذه الاجوبة الشافية ..

احتراف واضح يا Musab Pro ..

بارك الله فيك ..



..

ما عليك زوود اخوي علي

شهادتك وسام على صدري

واسعدني مرورك الحلو

[german shepherd male]

يعطيك العافية يالغالي - - الله يوفقك في دينك ودنياك

والله يزوجك المرة الي تسرك وترضيك ويرزقك الذرية الصالحة < اذا متزوج الله يهينك ويرزقك الذرية الصالحة


طيب اخوي بخصوص الأرضية القفص او اليت ارضيته خشب .!
فـ وش الإقتراح علي ؟
وكيف يتعود ينام في البيت علماً انه دائماً مفلوت في الحوش (الفناء الخارجي للمنزل ^_^) ويدور في كل مكان , لكن وقت النوم يتجه للمكان الي وضعت له فيه تراب ودائما ينام فيه ؟




خارج الموضوع :
ممكن ترسل المواقع الاجنبية الي تستفيد منها
والمنتج الي تستخدمه لتعقيم بيت او مكان الكلب


يعطيك ربي الف عافيه يا بعدهم (L) ^_^