انا و هامستري!!!

[ISRAABK]

السلام عليكم و رحمة الله و بركاته!
عندي هامستر و بعد ما حطيت صورتو هنا قالولي انو نوعو سوري!!
لكن مره استغرب منو! و دحين اخاف يكون مريض او شي
في البدايه قبل ما اشتري كنت دايما اقرا انو اول ما الواحد يشتريه ممكن يعوضو و من دا الكلام و ما يتأقلم بسرعه يحتجلو وقت!
انا هامستري ما عضني ولا مره!!!! :| ما يعض ابدا حسيت شي غريب -.- !
و اول يومين اللي كان ما يرضى يجلس في يدي! بعدها سار يجلس عادي و بدون ما يتحرك كمان! بس كدا في يدي!
و ديلو مو زي اللي اشوفهم فيلو فرو! -.-!! بس كدا شي طالع من غير اي فرو عليه, طبيعي دا؟
و هوا عشان غريب لونو اسود مره !
و فجأه دي الفتره حسيت نشاطو قل!!! و الفرو عندو مدري كيف! و من عند فتحة الشرج! كان حولينها عادي بلون الجسم! طبعا من تحت افتح! بس دي الفتره داير مدارها لون غامق!!!!
و ما سرت اشوفو ينظف لنفسو من تحت زي اول! و لين دحين يرتجف كتير!! انا اول كنت اقول امكن بردان او حتى خايف او حتى من نفس طبيعة الهامستر ممكن يكون كدا!! بس فجأه يكون جالس و يرتجف مررره!! مني عارفه دا الشي طبيعي؟ او ممكن يكون مريض؟؟ جزاكم الله خير

[ISRAABK]

للتوضيييح
دا هامستري الجميييل



و دا ديلو اللي اتكلم عنو!! اللي حاستو غريب يعني



ودا اللي من تحت


هل ممكن يكون فيلو شي؟

[artos]

اهلين

الهامستر طبيعي وسليم


وللعلم الهامستر حيوان ليلي يعني اغلب نشاطه في الليل


وينام في النهار وخصوصا ان الان الجو حار

[محبه الحيوانات]

هامستر طبيعي جنسه ذكر نوع سوري

لونه طبيعي

[hsson]

كل شي فيه طبيعي بس الجو الحين شوي حر

[عاشق كلب الجيرمن شيبرد]

همسترك طبيعي لكن الشئ اللي من تحت يدل علي انه ذكر

[ISRAABK]

شكرا ليكم , وانا اقصد على الاسوداد الي موجود انه ما كان موجود اول فخفت يكون فيه شي
ودحين مزكم و بس يعطس و نايم!بس في نفس الوقت يقوم ياكل طبيعي و يسوي شويه شيطنه! لسا في بداية الايام و ان شاء الله يتحسن لاني قرأت مواضيع و افادتني جدا ..

[ahmedbesoo]

انا هامستري اخوووووه بس اللون يختلف ومن يوم ماجبته ماعضينيش ولا مره بردو و اتعود عليا علطول و ديله زي ديل هامسترك بالضبط . بس هامسترك جميييل ربنا يحفظهولك

[ISRAABK]

شكرا ليكم!! طب هامستري دا تحسوه عجوز؟؟ يعني كبير في السن مو صغير؟ لانو ما يفرفر زي الصغار و مره ما يلعب بعجلتو!! و لما احد يجي يمسكو ما يهرب! عادي الوضع عندو -.- و الرجال قلي ما يعرف كم عمرو

[بائع الهامستر]

من الواضح ان الهامستر سليم ان شاءالله

وهو نوعه ذكر

بالغالب الذكور تكون خامله ما هي نشيطه زي الاناث

بالنسبه انه ما يعض ، صحيح هالشي لان الهامستر السوري ما يعض الا اذا تأذى

يعني احد يمسكه بقوه او يضربه او يأذيه ،، وقتها يعض

بس اذا تمسكه بلطف وبدون اذى ، يكون مسالم معك

بالنسبه للعمر ما نقدر نحدد عمر الهامستر ، لكن من علامات تقدم سن الهامستر :

سقوط الفرو

قلة الحركة بشكل ملحوظ

طول الاظافر

وان شاءالله اكون افدتك