ارجو المساعدة قطتي لا تأكل ='(

[Shoosha]

ارجو المساعده قطتي لا تأكل ='(


السسلام عليكم


ببدأ بدون مقدمات انا اشتريت كيتن امريكيه عمرها شهرين من 6 ايام !
اول ما جبتها كانت تلعب معانا بس لاحظت انه اذنها تحكها و اخذتها على البيطري ثاني يوم
طلع عندها جرب في اذنها اظن و مسببلها سخونه قالي 5 ايام بالكثير و تطيب
و عطاني ادوية لها و قاعده اعطيها الدوا بالوقت كل يوم

^ حتقولوا اكيد اش دخل ذا في الموضوع بس حكيتلكم عشان اوضح احد اسباب قلة اكلها

من لما جبتها ما تاااكل و اذا اكلت قلييل مرا و بعد فترات طويلة =(
صاحب المحل عطاني دراي فود ويسكاس و قالي ذا اللي كل يوم تاكل منوو انا اشتريته مع اني سمعت انه مضر لإني خفت
انها ما تاكل !!
بس برضو ما اكلته غيرت الدراي فوود عطيتها جبنه ما رضيت و اليوم اكلت دجاج في الظهر و كثرت منوو فرححت جيت ابا اعشيها دجاج مارضيت
تاكل !! خلطت دجاج و جبنه برضو ما رضيت ='(
و ما تجلس معانا و طول الوقت نايمه تحت كنبه او طاوله نادرا ما تدور علينا !
انا كنت اقول يمكن لأنها تعبانه بس خلصت الخمسة ايام و احس انها تحسنت كثير ! طيب ليه ما تاكل !! و انطوائيتها غريبه !
و ذحين مر يوم كااامل بدون اكل و ما اعرف عيادات بيطرية في مكة !!

ما ادري اشبها بنجن ><"
بدأت ايأس و افكر اني اعطيها حد بس مرا احببها و ما صدقت متى اشتريتها حرام افرط فيها ='(

اسسسفه طولت الكلام بس من قهرري والله =(
اتمنننى من كل قلبببي تساعدووني 3/>

[Abo_fahed]

ينقل الى قسم سؤال وجواب

بأذن الله يفيدونك خبراء هالقسم ماشاء الله عليهم شعلة من الإحتراف والنشاط

[Shoosha]

ان شاء الله 3/>

[Shoosha]

معقوله محد يعرف ححل لمشكلتي !!

ياليت تردو قريب لأني خايفه عليها ='(

[Octopus]

المشاركة الأصلية كتبت بواسطة Abo_fahed

ينقل الى قسم سؤال وجواب

بأذن الله يفيدونك خبراء هالقسم ماشاء الله عليهم شعلة من الإحتراف والنشاط

مشكور على المدح اخوي ابو فهد


و المهم شكلها قطتك توها جديدة عليكم و الويكاس ما انصحك به و بالنسبة ل دجاج لا تكثرين منهم

و حاولي تعطيها من الاكل البيت

و بالنسبة ل سالفة البيطري ف ارجو من الاخوان مساعدة الاخت عبر الخاص و حاولي تدورين عيادات في مكة او جدة

[باغيرا]

وعليكم السلام والرحمة والاكرام
اهلا وسهلا ومرحبتين وحدة سلف ووحدة دين حياك الله بالقسم وهلا وغلا بالزين
طيب بما انه عمر قطتك شهرين يعني سن اللعب وانلشاط والمفروض انه قطتك ماتكون هادية ومنطوية
وبما انه كان عندها جرب في اذنها وهالشي كان مسبب لها حرارة
اظن انه الحرارة للحين مرتفعة يعني القطة مسخنة تقدري تقيسي حرارتها من خلال لمسك لاذنها
وبخصوص الاكل الدراي فوود لوحده مايكفي القطة لازم تنوعي للقطة وتشوفي هي ايش ممكن تحب
ممكن تعطيها زبادي وممكن سيريلاك بالقمح وممكن دجاج مسلوق وممكن لحمة مسلوقة ممكن رز بالخضار
وقطتك ضروري تاخذ فيتامينات وفاتح شهية من الصيدلية البيطرية
ولو فعلا لسا القطة مسخنة لازم تسوي لها كمادات بمنشفة مبلولة بماء فاتر وليس بارد
وامسحي راس القطة وقدميها وايديها وبطنها
وحاولي تسليها وتواسيها وتكوني جمبها ولعبيها بالخيط والكورة عشان تتنشط
والف سلامة عليها مافيها الا العافية

[شاهستا]

اتاكدى من حراره القطه

[Shoosha]

شكرا لردكم ،،

بسويلها كمادات و بعطيها دواها زي ما قلتلولي ^^

و دوبها اكلت زبادي و دراي فود الحمد الله

شاكرة لنصائحكم ❤