ارجو المساعدة

[WILDCAT]

لو سمحتوا اخواني اتمنى تفيدوني
عندي قط شيرازي من فصيله شانشيلا وعمره 9 اشهر
تعبت معاه كثير لان ماكان ياكل بالمرة بس كان عايش على الماء و ماظل بيطري ماوديته بس للأسف البيطريين اللي عندنا مو على مستوى
اروح واطلع بدون فايدة اللي قالي عندة حرارة وعطاني مضاد حيوي واستخدمت الادويه بانتظام ومافي فايدة بالعكس زادت حالته سوء والبيطري الثاني قال انوا فيه ديدان في البطن وحقنه إبرة وقال اكيد بيشفى انتظرت وبعد اسبوع ونص مافي فايدة بل زادت حالته سوء حتى انه صار يلاقي صعوبة حتى في المشي والبيطري الثالث قال انوا فيه ديدان وعطاني كبسولة لديدان وعلبه فيتامين ومشهي للاكل استمريت اعطيه العلاج بدون فايدة كنت انا اللي اشربه حليب واكله زبادي مع سكر مثل ماقال البيطري
أستاءت حالته جدا واخذته معاي العيادة البيطريه التابعة لجامعة الملك فيصل في الاحساء مع العلم اني من الدمام وماكان في متخصص
ولكن اللي كان موجود اجتهد وعطاني إبرة مضاد حيوي وإبره مشهي وشراب مضاد حيوي استمريت على العلاج وبعد ثلاثة ايام صار شبه مشلول و زادته حالته سوء حتى شرب الحليب كان يرفضة وكنت اشربه واكله بالقوة
بعدين خلاص حسيت بالياس وقطعت عنه كل الادويه
وبعد ثلاث ايام من قطع الادويه تفاجأت انوا صار يقوم ويمشي بروحه لكن عنده عدم توازن ومازال ماياكل
أرجو المساعدة من اهل الخبرة لانوا قطي جالس يموت بين ايدي وانا ماعندي له حل
قولوا لي ايش الحل؟ شسوي معاه؟كيف اقدر اكله؟ وهل في مكان كويس تعرفوة ممكن يفيدني؟
عذرا عارف اني طولت عليكم لكن من جد محتار وابي من يساعدني
وسلامتكم

[dr.kitkat]

والله ما نقدر نسوي اي شي واحنا مو عارفين الاعراض كويس ولا شي....
بس تابع على الفيتامينات لانو ما عليها ضرر ووقف المضاد الحيوي واديه شوربة دجاج حلوة للبسس ولبطنها ....
وحافظ على مكان دافي ليه ...
ونشوف يتحسن ولا لأ....
وربي يشفيلك هو

[kuwaitia]

السلام عليكم

واااي عورت قلبي ادري ان الموضوع قديم وانا مابيدي اساعدك بس ان شاء الله ربي يشافي قطوتك

طمنا عليها شصار

[Al-Tubaiykh]

السلام عليكم
والله احزني ما اصاب قطك شافاه الله و عافاه
وانا ماني دكتور وله شي لكن بعطيك بعض المقترحات لعل و عسى اتفيد واتمنى من الله انه اتفيد
اول شي خلك من كل الادويه الي عطوك اياها الدكاتره لانك اتقول انه القط سائت حالته بعد ما اخذ الادوي
روح حق صيدليه وخذ احبوب كالسيوم و اخذ فيتامين شراب واخذ خميره حق الاكل
وحط الخميره على الاكل وحاول انه ياكل حتى لو الغليل عشان يفتح شهيته
واذا ما كله اكل المعلبات جرب الدراي فود حاول باكل الاطفال السيريلاك ممكن ينفع
واذا ما نفع حاول انك اتذوب الاكل وتحطه اب ابره و اتوكله بالابره عنطريق الفم

حاول ان ايكون في مكان دافي

عطى اشويت عسل عنطريق الفم بس اشويه مو اتكثر عشان اذا فيه رعشى اتروح

نصيحى دور في المواقع عن هذا القط وحاول اتعرف عنه اكثر لانه ممكن ايفيدك في التعامل مع القط
وحاول انك ادش على مواقع علاج القطط و البيطري و تشوف الامراض و العلاج احتمال تلقه الحل

والله اشافيه ان شاءالله

[قطو_Q8te]

هذيله الي يدعون فهمانين بلبيطره مفروض نطلع لنا قانون عليهم ونوديهم بداهيهـ
قاعدين ويتفلسفون على روسنا جنه الاراوح لعبه بين ايديهم
عموما
عطيه 3 نقاط زيت زيتون بابره .. راح يسترجع قوته ويعيد توازنه والشعر راح يصير اقوى والعين تلمع ..
وعوديه علدراي فود

[sisi_moon]

مثل ماقاالوا اترك الادويه هي اللي بتموت قطوك اسم الله عليه

عطه فيتامينات وكالسيوم ودراي فود

وعطه فانسي فيست اكيد بيحبه

ودراي فود رويال كانون بعد القطاوة يموتوون عليه

...

قطو كويتي ..

انزين انا عادي اعطي قطوتي زيت زيتوون كل يوم ثلاث نقط ولا ؟؟

[قطو_Q8te]

اختي سيسي
اكيد تقدرين وراح تشوفين تغيرات واضحه جدا من حيث الشعر والعين وملمس الشعر والنشاط ..