اسئلة عن الهامستر الحامل

[عاشقة البسس]

اسئلة عن الهامستر الحامل الروسي

كيف اخليهم يتزوجون وعادي اخلي اولاد الهامستر عندها للابد او ابعدهم بعد فتره وايش الغذاء المتكامل للام الحامل والام العادية والصغار
هل عادي اذا ولدت باليوم الخامس مثلا اخليه الذكر ولا لازم ابعده والى متى

طلبتكم جاوبوني ولا تطنشون والي ما يعرف لايرد عشان بالنهاية لا اتورط

شكرا لكل الي بيردون وجعل حيواناتهم يشوفون احفاد احفاد احفادكم وانتم كذالك

[wld-.-q8]

كيف اخليهم يتزوجون?
خليهم مع بعض في مكان هادي وبعيد عن الأزعاج واهما بيتزوجون

وعادي اخلي اولاد الهامستر عندها للابد او ابعدهم بعد فتره?
اذا الهامستر روسي تقدرين تخلينهم شهر بعدين تفصلينهم عشان يتزاوجون

وايش الغذاء المتكامل للام الحامل والام العادية والصغار?
بياض البيض زين والفواكه والخضار

هل عادي اذا ولدت باليوم الخامس مثلا اخليه الذكر ولا لازم ابعده والى متى?
اذا الهامستر روسي مافي مشكلة تخلينه
اذا سوري تعزلينهم قبل الولاده بجم يوم

أي سؤال ثاني آنا حاضر

[sweety2007]

اسئلة عن الهامستر الحامل الروسي

كيف اخليهم يتزوجون

ماعليكي سوى انك تخلي الذكر مع الأنثى في قفص واذا ماشفتي اي عملية تزاوج افصلي الذكر عن الأنثى لمدة 3 او 4 ايام وبعدين رجعيهم لبعض

ملاحظة: في بعض الأحيان الانثى ماتتزاوج مع اي ذكر ...!

وعادي اخلي اولاد الهامستر عندها للابد او ابعدهم بعد فتره

لا ... بعد مايكتمل 3 الى 4 اسابيع افصليهم .. وانتي بنفسك راح تلاحظي هجوم الأم على اولادها بعد مايكبرون .


وايش الغذاء المتكامل للام الحامل والام العادية والصغار

عادي حطي لها خضروات مثل خيار وجزر وخس والحبوب الخاصة للهامستر .. وفواكه مثل تفاح..وجبن سلايس او كيري

مايختلف الغذاء .... انا كنت بالأول مثلك اسأل كثيير عن الأكل لكن بالنهاية عرفت ان الطعام عادي للأم الحامل والغير الحامل والصغار .. يعني لكل الحالات

بس الأم الحامل كثري اكلها وهي في فترة الحمل وبعد الولادة

هل عادي اذا ولدت باليوم الخامس مثلا اخليه الذكر ولا لازم ابعده والى متى

الأفضل انك من تشوفي عملية التزاوج او شفتي تغيير في حجم الأم افصليهم لأنك ماتعرفين مته موعد ولادتها بالضبط ..

انا مرة لاحظت الأم انها حامل وقلت توها في بداية حملها وخليت الذكر معاها..وجيت لهم اليوم الثاني الا الأم والدة بس بعض الأولاد كلاها الذكر ..مابقى غير 3 مع انها جابت 7


طلبتكم جاوبوني ولا تطنشون والي ما يعرف لايرد عشان بالنهاية لا اتورط

شكرا لكل الي بيردون وجعل حيواناتهم يشوفون احفاد احفاد احفادكم وانتم كذالك

[N_S_S]

ان شاء الله تشوفون احفادهم

ويا عاشقة البسس

رديت عليك برساله خاصه وانتي حاطه منع

[عاشقة البسس]

بجد ؟؟؟ ما اذكر ههههه لول

بس ما اعرف اوخر المنع اممممممم باقي سؤال

سـ1 كيف احط لها الاكل وهي والده اخاف تاكلهم

مشكوره لكم على ردكم وتشجيعكم اني اشتري هامستر بس المشكلة بشتريه بدون ما امي تعرف لانها تقول لا وع فار

[sweety2007]

عادي تقدرين تحطين لها اكل مافي مشكلة ..بس لاتلمسينها ولاتطولين قعدة معاها ..يعني حطي لها اكل وخليها بروحها

وبانتظار نشوف صور هامسترك لين شريتيه

[milk cat]

thanxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx سويتي وان شاء الله اول ما

اشتريه احط لكم صورته بس انا متحمسة بزيادة يعني بشتريه تخيلي متى؟؟ بعد رمضان يعني اذا بدت المدرسة

بشتري هامسترين وسلحفاتين ان شاء الله