كم سؤال بخصوص الكروان

[mex]

مرحبا بالجميع

حبيت اسألكم كم سؤال بخصوص الكروان

اولا كيف اقدر افرق بين الذكر والانثى في الكروان الوايت فيس ؟

انا اشتريت واحد كروان وايت فيس بالغ على اساس انه أنثى لكن لما رحت محل ثاني للطيور لقيت منه لون افتح
وحسب خبرتي ان الانثى يجي لونها افتح ، وثاني شي ان الكروان الي اشتريته يضرب كروان ثاني بنفس القفص ونوع الثاني ذكر بس من فصيله مختلفة لونه اصفر وفي الجناحين لون رمادي والخدو فيها دوائر برتقاليه غامق
الأصفر اشتريته فرخ وربيته والان صار وليف ماشاء الله وكان عندي أمل انه لما يكبر يتزوج الوايت فيس على اساس انها انثى

الان اسئلتي هي :

كيف اقدر افرق في الذكر والانثى في الوايت فيس خصوصا انه مافيهم الوان غير الرمادي والابيض بس والطير الي عندي للاسف قصيت ذيله وجناحاته عشان مايطير

هل ممكن يصير تزواج بين نوعين مختلفين من الكروان والا لازم كل نوع يتزوج من فصيلته ؟

الكروان الفرخ الي عندي عمره حوالي شهرين وشوية .. متى يصير بالغ يعني قادر على التآلف مع انثى حتى لو ما انتج ؟


لو افتكرت اسئلة ثانية برجع اكتبها .. وشكرا لكل الي حيقرا اسئلتي ولكل الي حيرد عليها


تحياتي