ممكن تساعدوني مع الكاسكو حقي ..

[moonlight angel]

السلام عليكم ورحمة الله وبركاته

أشركم على هذا المنتدى وهذا الموضوع الرائع .. ودي اول مشاركة ليا

اشترالي خالي ببغاء كاسكو افريقي الآن له ثلاثة أيام عندنا وعندي عدة استفسارات بخصوصه .. معليش اتحملوني شوية !!

أول شي دي الصور تبعه .. ما شاء الله تبارك الله على أنيس ^^





1_ قريت في موضوع عن الكاسكو هنا في المنتدى عن تحديد عمره .. وعرفت انه حقي القزحية
حقته ميالة للإصفرار يعني عمره فوق سنتين ... وقريت في موضوع تاني انه لازم ينطق كلمته الأولى قبل ما يكمل ثلاثة سنوات ولا مستحيل يتكلم ..
انا ما عرف كم عمره بالظبط واخاف انه يكون كمل 3 سنين فمح يتكلم ودا الشي مررة سببلي احباط

2- كل ما اقرب من القفص يجعر بصوت عالي وينفش ريشه ويفتح منقارة ويرتجف بقوة... واذا قعدت معاه شوية بهدوء يهدأ ... كيف اخليه ما يخاف مني ؟ .. وكيف اقدر اخرجه واوقفه على يدي من غير ما يعضني؟؟

3- خالي قال انه اذا اطعمته فلفل حار يتكلم بسرعة .. هل دا صحيح ؟؟ وكيف اخليه يتكلم بسرعة؟
4- هل ممكن اخرجه من القف من غير ما يطير ... هوا مقصوصة اجنحته زي ما شايفين