يوميات ببغاوات ؟؟؟ ادخل وشوف ؟؟؟

[المستمتع]

السلام عليكم ورحمة الله وبركاته
شكرا على الردود الرائعه ونريد منكم المزيد والله يعطيكم العافية
وانا قد وعدكم اني اكتب لكم يوميات سيكو
هو نوعه افريقي جامبو واسمه (سيكو )وعمره سنه وشهر شريته من سوق الرياض للطيور ب900ريال
من حوالي 5 شهور وهو الحين اليف مره ويخليني امسكه وينام على يدي واعلقه برجوله ويحبي مره ويلاحقني في البيت من غرفه لين غرفه
اما بالنسبه للكلام فهو توه موب واضح لكن يقول سيكو ويقلد صوت قطو لعبه عن اخوي الصغير ويقول (اوووومح) يبوس و يصفر ويطلع اصوات كأنها كلام لكن مو مفهومه
انا اوديه ينام يمكن الساعه وحده ويقوم إذا طلعت الشمس وياكل (يفطر) وإذا شبع يرجع ينام لين الساعه تسعه وبعدين خلاص يصحصح وبعدين ياخذ قيلوله الساعه اربعه العصر
و هو طول النهار في الصاله على الستاند بس وقت النوم اوديه المطبخ عشان الإزعاج والنور وبعيد عن المكيف
اما حجم القفص فهو يمكن ارتفاع 90سم وعرض50سم ومليان العاب واحسن لعبه عنده هي كوره بلاستيك ملونه فيها فتحات يتخل اصابعه فيها ويشيلها وجواها جرس إذا حركها تطلع صوت
اما اكله المفضل (دوار الشمس والفول السوداني و الفاصوليا والتفاح وفصفص الخشب )
ويحب الخضار المسلوق المطحون ويحب احطله مكان المويه عصير
اما الحركات (يطلع على يدي و يبوس و اناديه وهو فوق الستاند واقوله طير ويجي يطير على كتفي و قريبا يصافح )
وهو يعتبر خواف درجه اولى يخاف من كل شئ اول مره يشوفه (الناس الغرباء -الشماغ- الدبدوب حق اخوي- القفازات-الجوال- الشغاله ...)
اما كم من الوقت اقضيه معه فهو مو انا إلي اقضيها معه هو الي يقضيه معي لأنه اربع وعشرين ساعه على يدي يعني اكثر الوقت معاه

وإن شاء الله تكون يوميه سيكو اعجبتكم