اريد حلاً......

[Withered Rose]

ما شاء الله حلويــــــــــن الشانشيلات الله يخليلهم لك انشالله

بعطيك النصائح الاساسيه جمعتهم من موقع اجنبي:
- قبل لا تبتدي تشيله امسح عليه بالخفيف و حرك يدك ببطئ لأن الحركه السريعه تخيفهم.
- كلمهم و نادهم بصوت هادئ بأسمائهم قبل لا تشيلهم عشان يتعودن على الاسماء و اهم يميزون الصوت راح يعرفونك و يقل خوفهم.
- لازم تجلس عند قفصهم يومياً بوقت نشاطهم (بالليل) و تمسح عليهم وتكلمهم عشان يتأقلمون عليك.

التدريب عن طريق الأكل :
- اول شي اجلب الطعام اللي يحبونه ومثال على ذلك الزبيب او قطعه فاكهة مثل التفاح.
- اجلس بجانب القفص و نادهم و خلي باب القفص مفتوح و قدم لهم قطعة الاكل.
- بعد ما تلاحظ زال خوفهم غيّر طريقة تقديم الطعام .. حط قطعه الطعام على يدك بحيث يصعدون على اليد من تلقاء نفسهم.
و استمر على هالطريقة لحد ما يزول خوفهم تماماً بحيث تقدر تمسكهم و تحملهم ..

اذا هرب الشانشيلا من القفص لا تلاحقه او تحاول تمسكه و هو يركض .. لأن هالشي يعقده .. بس اقترب منه و عطه قطعة طعام يحبها و اذا مسكها و اكلها شوي شوي شيله و رجعه القفص ..

على فكرة عمرهم هو العمر المثالي للتدريب لا تيأس