أنواع البلاك جاك

[black horse]

السلام عليكم و رحمة الله و بركاته :في عندنا ستة أنواع أساسية للبلاك جاك:

الأول :الجيرمن شيبرد:و ده في منه النقي (بيور ) و في الهجين و النقي بيتعرف بتقليبه يعني شكل راسه وودنه وعظمه و طوله و ميل الجزء الخلفي من جسمه و طول ذيله و هكذا.


الثاني:الكينج جيرمن شيبرد:و ده نوع خاص من الجيرمن شيبرد حيث انه بيمتاز بفخامة الهيئة وضخامة الجسم بمعنى اصح له رونقه الخاص يعني بتحس انه كلب فعلا مش قطة في صورة كلب!!!!!!!!

الثالث:البلجيكي :و في منه نوعين (1) البلجيكي القصير و في الغالب الأصلي منه بيكون لونه أحمر و بكمامة سمراء و أحيانا راسه بتبقى سمراء و ده مش معناه ان الاسمر منه او الاسمر في دهبي يبقى مش بيور لأ ده كلام مش مظبوط (2) البلجيكي الطويل و ده برضه في منه نوعين في منه الهجين بالألماني او الجيرمن شيبرد و في منه البيور و ده بيتعرف من هيئته و حجم شعره (طوله يعني) و في الهجين ببلاك كوت شرابات أو البلاك جاك الأسمر ما عدا قوائمه الاربعة.

الرابع : المالينيوس : و ده كلب لونه أحمر له هيئة الألماني مع اختلاف في الحجم و الطول و التقليب (الالماني أفضل طبعا) الا انه بيمتاز برشاقته و ذكائه و سرعته و عنف هجومه او انقضاضه على الشخص لذلك فهو بيستخدم في عمليات الشرطة الا اني شخصيا ما باعترفش بيه ككلب.

الخامس: الألماني اللونج هير: وده كلب بيمتاز بأنه بيجمع ما بين الجيرمن شيبرد و الكينج جيرمن شيبرد فبيأخذ من الأول حجمه و شكله و ميل الجزأ الخلفي و التقليب بتاعه و بيأخذ من الثاني طول الشعر الى حد ما حيث ان شعره أطول من شعرة الالماني و أقصر من طول شعر الكينج جيرمن شيبرد.

السادس:البلاك كوت: و هو كلب أسمر تماما و في منه ثلاثة أنواع هى : الالماني و البلجيكي و العادي و هو كلبي المفضل حيث انه بيمتاز بغباء شكله و كراهيته لأن اللون الاسمر في العادة غير محبب للبشر عامة كما انه بيمتاز بالجرأة الفطرية و ثقته في نفسة و شجاعته كما ان من الصفات الاساسية اللي بتميزه عنفه في التعامل ده بالاضافة الى ذكاؤه الحاد و سرعة استجابته للأمر و سهولة و متعة تدريبه , و دي صورة لكلبي روي أتمنى انها تنول اعجابكم .


انا عارف ان الموضوع موجز باختصار شديد و ان في جوانب و تلميحات انا مابينتهاش في كل نوع لأن البلاك جاك من الأنواع اللي هتحتاج لمجلدات تسرد في مزاياها و صفاتها و أشكالها بس التقصير ده لأني تعبت بس مش أكتر.........!!!