اشترك في نشرتنا البريدية ليصلك كل جديد

mnk-391 · 30-09-2009, 01:00 PM

مبروك عليكي الطير و يتربى بعزك

في الخبر في محل طيور مقابل نادي القادسية

فيه دكتور بيطري يقص جناح الطير بعشرة ريال

و على ما أعتقد انه يتواجد بعد صلاة العشاء في المحل

و فيه برضو في الدمام شارع الملك سعود مكان سوق الغنم القديم

تقريبا اربع او خمس صيدليات بيطرية بعضهم يقصون أجنحة الطير
و بخصوص الأكل فيه في بعض المحلات أكل بلجيكي للطير

يتكون من الحب الشمسي و الذرة و مكونات أخرى

النوعية هذي ممتازة للطيوربالتوفيق مع طيرك

ms.candy · 01-10-2009, 01:52 AM

يسلمو كثيير
بس أنا اليوم طلعتة ومراضي خليني أمسكه بس أحك راسة
ولا يرضى يدخل القفص بلموت دخل شلت السقف ودخلتة فية
عطوووني حل بليييز

كاسكو معذبني · 01-10-2009, 04:14 AM

في حل واحد انا استخدمه مع كل الطيور لو طلعتي ميشو^_^ براء القفص وجيتي بعدين تبغي تدخليه ومارضي دخليه باي طريقه ولاتطلعينه اله بعد يومين عشان يعرف انه عقاب ولو سوها بعد يومين دخليه يومين ثانيه ولو بعدين رضي يدخل قليله شاطر او صفقيله او امسحي عليه عشان يعرف انك مبسوطه منه وهاذي الطريه نفعت مع جميع طيوري ومن ضمنهم الكاسكو

ms.candy · 01-10-2009, 04:45 AM

ههههههههههه رهيب العقاب يسلمو
بس أنا غيرت أسمها إلى شادن"شدون"
يقلون أسم ميشو مو حلو
تحياتي لكم

في خاطري شي · 01-10-2009, 05:03 AM

اقتباس:

المشاركة الأصلية كتبت بواسطة ms.candy

يسلمو كثيير

اقتباس:

المشاركة الأصلية كتبت بواسطة ms.candy

بس أنا اليوم طلعتة ومراضي خليني أمسكه بس أحك راسة
ولا يرضى يدخل القفص بلموت دخل شلت السقف ودخلتة فية
عطوووني حل بليييز

اولا مبروك عليك الكاسكو الحلووووو..

ثانيا صبرك على الطير .. لسه بدري على مسكاته ليش مستعجله خل يثق فيك ويتقمص شخصيتك هل انتي عصبيه او صبوره عليه

بعدين راح يطلع على يدك وياكل معاك على الغدا ... راح تملين منه بس الصبر ثم الصبر

وبالنسبه لطريقة ادخاله للقفص لما يكون خارج .. شوفي يااختي بطبيعة الببغاوات وخاصة الكاسكو .. يحب يكون دائما خارج القفص .. بس عشان وقت النوم لازم تدخلينه لان القفص امان له وحتى انتي تكوني متطمنه عليه .. وانا بصراحة كنت اعاني من هالمشكلة مو راضي يدخل وياخذ مني وقت طويل على بال مادخله

حتى وصلت طريقة حلوه وسهله ولاتاخذ وقت .. خلي عندك قطعة عصى حوالي 40 سم .. مثل العصا الخشبيه اللي في القفص .. ودخلي قطعة العصا من بين رجوله مع رفع خفيف للاعلى بس خليك هاديه عشان مايفكر انك بتأذينه .. وحاولي ترفعينه لفوق حتى يصعد عليها وثبتي يدك عدل عشان مايطيح ويخاف ثم دخليه من باب القفص .. محتمل راح يكون فيه عناد وتعب خفيف .. بس مع الايام خلاص راح يفهم مجرد مايشوف العصأ راح يصعد عليها عشان يدخل جوا القفص

الاهم خليك هاديه ولاتخافين عشان هو بعد مايخاف

ms.candy · 01-10-2009, 06:39 PM

أن شاء الله
بس اليوم مو معطيني وجة كل البيت يعطيهم وجة إلا أنا
كني ماكله فلوس أبوه
قاهرني الحين مطنشته من الظهر

ابو محمــد · 01-10-2009, 06:54 PM

مبرووووووووك ويتربى بعزك.

ms.candy · 01-10-2009, 07:54 PM

يسلمو

ms.candy · 01-10-2009, 08:40 PM

قلبي متقطع على"شدون"
صايرة هاديه ولا ترضى أحك راسها زي كل مرة وتخاف مني
أذا جيت تنفش ريشها
مع أني ما سويت شي لها
ألا عبها وأكلها
وصفر معها ألا اليوم
تتوقعون لأني طلعتها أمس واليوم لا ؟؟!!

ساعدوني بليز

كاسكو معذبني · 01-10-2009, 08:52 PM

لا ماعتقد لاكن يمكن باقي ماتعودت عليك اصبري عليها شوي تتعود على البيت كله وبعد ابداي اكليها بنفسك ومسحي عليها وحاولي تطلعيها على يدك طبعا مو على طول تطلعيها على يدك لا اقري المواضيع الخاصه وشوي شوي والله تسير معاك زي العسل