✿[ اسئل هنا عن الارانب ]✿

[7amod_AD]

السلام عليكم ..

مرحبا اخوي ..

جزاك الله ألف خير على هالموضوع ..

اخوي عندي سؤال .. انا عندي أرنبين صغار .. وما اعرف كم عمرهم بالضبط ..

بس اتوقع شهرين ..

المهم .. فالبداية كنت احسهم ما ياكلوا عدل ..

بعد فتره .. عطيتهم بقدونس و حبوه وكانوا يكلوه وايد ..

يوم شفتهم ياكلوه كله وكل ما ازيدهم ياكلوا صاروا ياكلو وايد ..

.. قلت شهيتهم انفتحت .. ولا توقعت انه البقدونس مضر ..

ممكن تقولي ضرره ؟؟ .. لأني خايف عليهم ..

وسؤالي الثاني حاولت اعرف من فيهم الذكر والأنثى ولا عرفت .. كيف اميز .. ؟؟

ممكن تجاوبني؟؟ .. اخوي العزيز ..

[رعوود]

اخوي بالنسبه للبقدونس هو فيه ماده مضره بالارانب


لكن ايش هي مو عارف والله



لذلك يفضل تغير البقدونس بالخس


وانت تقدر تصور لي الارانب من عند

فتحت الاخراج - الله يكرمكم -

عشان احدد الجنس

لانه دورت صور عالنت مو لاقي


حاولت انزل صور من عندي تطلع مو واضحه

[7amod_AD]

اوك .. بصور وبطرش ..

^^

[7amod_AD]

اخوي خلاص عرفت اميز ..

عرفت الذكر من الأنثايه

[رعوود]

اوكي خيو لو ممكن حتى تعطيني صور



عشان نسويها ونسقها بموضوع


عشان تعم الفائده عالاعضاء جميعا

[7amod_AD]

إن شاء الله من عيوووني

[رعوود]

تشكر اخوي مقدما عالخدمة

[الصهباء]

السلا عليكم,لو سمحت ياخوي أرنبي من كم يوم بدت تطلع على جسمه حبوب في رجليه وفمه فأخذته على الصيدليه وأعطاه الصيدلي إبره و أعطاني صبغه اليود أدهن فيها الحبوب كل يوم بس من وقتها تقريبا ماعاد ياكل مثل قبل وماعاد يخرجأبدا إلا بول (وأنت بكرامه)و ماد حركي زي قبل وأمس طلعت له حبه على الشق اللي بين أنفه وفمه وزادت الطين بله, ما أدري إيش أسوي؟

[رعوود]

اختي والله ماقدر افيدك بالموضوع


يفضل تعرضينه على بيطري


واذا احتاج الامر انك تخلينه عند البيطري بالعياده يعالجه بنفسه

[مفترس الخيول]

اخويييييييييييييييييي رعوووووووووووود

شخبارك؟؟


اخوي عنجي سوال؟؟

انا اشتريت اليوم ارانب امريكية اللي تظل اذونهم طول عمرهم على تحت



المهم وريحتهن خايسه وانا سبحتهن بالماء ولكن الى الان ريحتهن خايسه


اقوللللللللل رعووووووود؟؟

هل تنصحني ان استخدم شامبو جونسن للاطفال بدون بلسم؟؟؟

ولا شو ؟؟