سؤال عن قضاء الحاجة (وانتم بكرامة)

[Musab Pro]

السلام عليكم .. شكلي تآخرت واجد .. رمضان وما يسوي

والشباب اجاباتهم وافيه والحمد لله فيها احتراف . وانا بادلي بدلوي بعد

اولا الحمد لله اللي سخرنا لبعض والله يتمم علينا هالتواصل الطيب والمحبه والاحترام

واللي هي السبب الرئيسي بالتطورات اللي صارت معك وفعلا بديت يا جيرمان من نقطه تحت الصفر و

وصلت الى مرادك وانت في اول الطريق والنتايج سريعه واستمر لترى الافضل انشالله

اولا مسآلة الترويش فيها تطور جميل جدا ولكن انتبه قبل لا تدخله البيت لازم يكون ناشف

حيل عشان ما يتعرض لا سمح الله للمرض ولازم تكون بيئته اللي يعيش فيها بارده

عشان دايم يكون بهذا النشاط و اكثر .

اما بالنسبه للعض فاستخدام الالعاب حلو .. ويمكن البلاك بيري يجرحه بالمستقبل لا سمح الله

او يكسر له سن او شي من هالقبيل فانا ما انصح فيه .. استخدم الكره او العضاضه افضل

وحاول تحببه فيها .

وبالنسبه للالعاب تلقاها في معضم محلات الحيوانات وانا بوريك كم نوع منها و بالنسبه لتحبيب الكلب

باللعبه يجي عن طريق نرفزته فيها .. مررها من تحته وفوقه واضربه فيها شوي شوي خله ينجن

يحاول يصيدها ما يقدر وبعدين ارمها له وهو بيلحقها .. وحاول تسحبها من فمه وتديفش معه شوي

وخلك ابثر منه بس بدون ما يتآذى .. يعني خل السلامه هو عنوانك الاول .

خله هو يسحب وانت تسحب وهذي اللعبه القانون الاول فيها انك ما تخليه يغلبك وياخذها

عشان ما يحس انه اقوى منك .. دائما فوز عليه واسحبها وارفعها بيدك عنه وبعدها قول له

سيت .. ولما يجلس ارمها له كمكافئه مع تشجيعه بالكلام مثل قووود بووووي . والقانون الثاني

المهم في هذي اللعبه هو انك تسحب وهو يسحب ولكن لما تعطيه امر ترك اللعبه لازم يتركها

وطريقة التدريب على هالشي كالتالي ..

انت تسحب وهو يسحب وتعطيها امر اللعب .. مثلا بااايت او عضها وتلعب معاه بنرفزه يعني سو قلق باللعب

باايت باااايت قوود دوووق و و و زي كذا وبعدين توقف وانت ماسك اللعبه وهو يهدا وهو عاض اللعبه

تقول له امر out وتحط له مكافئه تحت اللعبه .. هو يترك اللعبه وياكل المكافئه وانت تشجعه على

فعل الامر بالشكل الصحيح .. وعلى هالحال لين تصل الى مرحله وانت تلعب معاه تقول له out

يترك اللعبه ويخليها لك وتكافئه .

وخذي امثله على الالعاب فهي كثيره وانا بغرررق كلبك العاب لكن اشتر له وحده او ثنتين بالكثير ..



هذي العضاضات .. وانا اشجع الصناعه اليدويه الوطنيه تقدر تسويها له من الخيش وتحشيها

باسفنج النوع اليابس شوي وتخيطها بخيط قوي من الخيش مثلا وتقدر تركب فيها حبل

عشان تجننه اكثر واذا مالك خلق اشترها .



بعض الالعاب وجيهم تنرفز غصب







هذا الدنبل .. حلو ومفيد و ينفع للعض و لعبة الفيتش اللي ترميها وهو يلحقها وبعضها فيه وصواصه

يعني توصوص للكلب يجيك من اخر الدنيا يبي يلعب



هذا يسمونه كورن او شي زي كذا نسيت اسمه بالضبط .. له احجام اختار اللي يناسب كلبك

وميزته تقدر تحط فيها دراي فوود وكلما عضض فيه الكلب ولعب فيها يطيح له اكل

وهذي طريقه تحبب الكلب باللعبه اذا كان ما يحب الالعاب


وننتقل الى الكور




كرة التنس العاديه .. يمكن تلقاها غاليه بالمحلات .. انا حصلت وحده ب 45 ريال سعودي ولقيت

بالبقاله اللي جنب استراحتنا بريالين وكلهم قويات ويأدون نفس الغرض

حاول تختار الوان تجذب الكلب يعني شوي فاقعه .



لما اخذت دورة انقاذ عندنا بالعمل تعلمت ربطات انزل فيها من المباني العاليه والهليكوبترات

يسمونها knots سويت ربطاة من تأليفي وسويت كره تشبهه هذي الى حدٍ ما

جرب حووس يمكن يطلع معك شي حلو .. ترى هنا تكمن المتعه .



السووط تقدر تسوي فيه كنترول قوي وتجنن الكلب

واذا ما عجبتك ولا لعبه من هذوول يا سيديي انت تدلل شوف هالمجموعه واختار ما يحلو لك



واخيرا وليس اخرا بالنسبه للعض فمثل ما قالو الاخوان .. هذي قاااااعده قاااعده ممنوع منعا باتا

الكلب يعضك لا خفيف ولا قوي واذا سواها ازمر عليه وقوله نووو هذي مافيها لعب ابد .

والاشياء اللي عضها كلبك مثل الدرج اللي عندك او نعالك الله يكرم من يقرا ممنوع يعضها ولما

يقرب يبي يعضها ازمر عليه نوو بصوت عالي شوي وصارم ولما يتجاهلك شده عنها

ولو ما سمع الكلام طقه خفيفه على الانف توضح له ان الشي اللي سويتها غلط ..

انتبه تعاقبه لما تجي وتحصل شي معضوض من فتره طويله .. يعني لو عض قدامك عاقبه

لو عض من زمان ما راح يفهم اذا عاقبته على شي سواه من قبل .


اعرف اني طولت حيل لكن اتمنى الفائده للجميع والله ولو معلومه واحده على الاقل .

واتمنى ان الشرح وافي مفيد و ممتع .. تقبلو تحياتي

[Musab Pro]

والله اني اقول احس اني ناسي شي


الاكل نسيت ارد عليه ولكن بو حسين ما خلا شي

[german shepherd male]

المشاركة الأصلية كتبت بواسطة Musab Pro

والله اني اقول احس اني ناسي شي


الاكل نسيت ارد عليه ولكن بو حسين ما خلا شي

هههههههههههه الله يسلمك انا اعرف وش نسيت

والله من كثر اسئلتي نسيت وش سالتك انا

المهم السؤال يا طويل العمر مكتوب في عنوان الموضوع

عن قضاء الحاجة

بالتوفيق يالغالي

[german shepherd male]

مصعب !

الله يجزيك كل خير ويعينك على امور الدنيا ويوفقك لآخرته

جعله الله في ميزان حسناتكـ

وما قصرت اخوي بيتبول
والله ما قرأت ردك الي تسأل فيه عن نوع وفترة الاكل الا الآن
الاكل احياناً مرتين واحياناً مرة واحده لآنشغالي عن الكلب

الفترة الزمنية بين الوجبتين لا تقل عن 6 او 7 ساعات !

وانا كلبي نحيف جداً فما عرفت كمية ونوع الغذاء الي اعطيه للكلب دائماَ !

يعني مثلاً يا اخ مصعب واخوي بيتبول

الكلب عمره قرابة الـ 5 شهور
وانا ااكله من المعلبات البدقيري واخلطه مع الدراي فود لكن الظاهر خلص كيس الدراي فود
فـ كم علبة بالبيوم ؟ لآن باقي انواع الاكل متعبه مثل الأرز و البيض
لذلك افضل الجاهز

والحليب ؟ الكمية الي تنصحون بها
و بإمكانكم تحضير جدول للأكل في اليوم
علماً بأن المعلبات من كافة الانواع يعني بعضها باللحم البقري
وبعضها بلحم الدجاج وبعضها الكبد و... الخ

اكرر شكري لكم والحاضرين والمجتهدين

[Musab Pro]

توني انتبه اان فيه سؤال !!

خطآي واعتذر عن التآخير .

يالغالي انا افضل انك تعطيه وجبتين مثلا .. الاولى تكون فها حليب و لحم و الاشياء هذي

و حاول قدر الامكان انك تنوع بالاكل لفائده اكثر .. يوم بيض يوم رز ولحم يوم صدور

دجاج وهكذا او علب البدقيري زي ما قلت ولكني احرص .. التنويع فيه فايده اكبر

الوجبه الثانيه خلها دراي فوود

والحليب الكميه غير محدده بس لا تبالغ .. يعني العلبه مراعي ام ريالين مع اكل تكفي وتوفي

و باليوم مره او يوم وترك .. انا احب استخدم الحليب لاني احط معاه بروتين والكلب يكره البروتين

بس مع الحليب حاجه ثااانيه

[الـــــــرازم]

ماقصرتو اخواني بالردود على السائل

واعتقد انكم كفيتو ووفيتو وبارك الله فيكم

واتمنى لصاحب السؤال التوفيق