احتاج نصيحتكم، مترددة في شراء القطة

[brutal bunny]

ما قصرو الاعضاء ما شالله بالنسبة لي التطعيم بس يكمل 3 شهول القط ياخذ اول تطعيمة بعدها بشهر تطعيمة و بعدها بشهر تطعيمة و بعدين حبة الديدان و خلاص الين سنة كاملة ياخذ تطعيمة تنشط التطعميات ايلي اخذها
ولو مكانك في الشرقية انا عندي ذكور قطط شيرازي لونهم رمادي لعوبين مرا ما شالله و شعرهم كثيف و ابيع الواحد ب800 ريال
هاذا ايميل الكاتري حقي rainfall-cattery@hotmail.com
لو حابب تشوف صورهم او تستعلم ان اي سؤال حتى لو شريت قط من مكان تاني و تبا مساعدة انا في الخدمة

[iJo0oDi]

المشاركة الأصلية كتبت بواسطة sanjnaa

السلام عليكم و رحمة الله وبركاته

اخواني و اخواتي انا اتابعكم من زمان .. مع اني ما قد ربيت قطط ..
لكن فيني فضول اعرف عن تربيتها اكثر ..
من سنين ابي اربي قطة لكن الأهل كانو رافضين .. الحين وافقوا لكن انا مترددة حبتين

اولا : اللتر بوكس ، يعني انا ابي افهم كيف القط يقضي حاجته ؟ يروح للتر بوكس وخلاص وعادي بعدين المسه والعب معاه؟ مايحتاج غسيل؟ طيب كذا يعتبر نظيف ؟ معليش جدا ع السؤال لكن مابي اشتري القط بعدين انقرف منه لهذا السبب .. حرام كذا
اي بس ما يحتاج غسيل بس شيلي فضلاته بمجرفه وارميها ، ويفضل تحطين زباله او كرتون مخصص ترمين فيه فضلاته لان لما رميت فضلات جولي بالزباله امي هاوشتني تقول ريحته دوختني خخخخ بس خلي الزباله بعيده عن الليتر بوكس لان يمكن يحسبها الليتر بوكس حقه ويطب فيها ويعملها هناك XD
ثانيا : هل تربيتهم مكلفة ؟ يعني الرمل و الاكل و الالعاب و الامور هذي تكلفني كم شهريا ؟؟ اانا مره سألت وحدة كانت عندها قطط كثيرة و قالت لي انها مكلفة فعلا
لا مو مكلفه جدا ، الرمل اشتري كيس كبير ب تقريبا 70 ريال ويكفيك شهرين او 3 والاكل انا اشتري كيس متوسط ب 20 او 30 ريال ويكفي برضوا شهرين او 3 والالعاب اشتري كور اللي يكون داخلها جرس من محلات الالعاب ارخص لك والالعاب ممكن تقعد 3 شهور بالكثير
ثالثا : وقت الدوام الصباح ، وين احط القط ؟ عادي يجلس لحاله 8 ساعات ولا بيجيه اكتئاب ؟
(اي عادي بس اهم شي يكون الاكل والماء والليتر بوكس متوفر عنده واذا كنتي تحطينه بغرفه ف خلي المكيف مفتوح ع درجه متوسطه و اذا رجعتي عوضي الوقت اللي راح باللعب وملاطفته)
رابعا : الافضل اشتري ذكر او انثى ؟ انا لقيت عرض على قط ذكر و مره عاجبني وتحمست اشتريه بس ترددت شوي و السبب هو اللي ذكرته لكم
(الذكر لعوب اكثر لكن الانثى احن اكثر من الذكر و بمرحلة التزاوج الذكر رح يزعجك و يعمل فضلاته بكل مكان لكن الانثى بس تماوي وتتمسح بكل شي ، يعني كل جنس له طريقته بتثبيت رائحته بالمكان لجذب الجنس الاخر)
أخيرا: التطعيم ؟ انا وانا اقرا لقيت ان تطعيمات القطط كثيرة .. بس لما اسأل اللي عندي يقولو لي طعميها مره بس عشان مايطيح الشعر .. مدري انا مو فاهمه فكرة التطعيم ذي كثير .. ياليت احد يوضحها لي
(التطعيم اول تطعيمه بعمر 3 شهور بعدين بعمر 4 شهور بعدين كل سنه مره )
معليش اسفه لو السئلة كانت مكررة أو غير مفيدة .. بس احتاج منكم النصيحة بحكم خبرتكم ..
وشكرا لكم على تعاونكم ..

جد فرحت لك لان حلمك بيتحقق ، لا تنسي تصورين لنا قطك بعد ما تشتريه ^^ موفقه