انصحوني كوكاتو او مكاو ازرق

[ابوصقر]

نبي نصيحتي

الرمـــــــــــــــــادي وبـــــــــــــــــــــس

اسئل مجرب

[ThE aSHeN joKeR]

الرمادي من أروع الطيور و أذكاها
وهو الأفضل في كل شي ماعدا
شي واحد يؤثر عند بعض الناس مش كلهم
هو لون الطير الكاتم او العادي
بس هذه المشكله تصير عند فئة محدوده من المربين والهواه
ولي هم يبحثوا عن المنظر أولا بعدين الكلام و الذكاء و الخ...
لكن الأفريقي زعيمهم كلهم وشخصياً
انا اعشق اللون الرمادي وذيله الأحمر
ومثل مايقولون ياما تحت السواهي دواهي
يعني هذه الطير الخجول يطلع منه بلاوي
على العموم الطيور كلها ممتازة وياما طيور عاديه غلبت الافريقي وغيره
بس هذه النوادر او التعلب عليها أضعاف التعب على الأفريقي

مع تحياتي يوسف رضوان
0559055176

[tooz44]

الكوكاتو انا كان عندي لو طاح ريشه مايطلع ابدا لان في فايروس يصيب هذا النوع ما الببغاء والله بعته بخساره وهذا النوع مايتكلم وايضا عندي مكاو الازرق اشتريته قبل كم يوم اخذته من سوق الحمام في جده سعره 5200ريال سعودي

[تركي .ي.م]

ممممممم انا أفضل بصراحة الكوكاتو لان يتفاعل من الناس أسرع

[عاشق الامازوني]

اخوي المساله مسألة ذوق واختيار

وانت اللي تعرف رغباتك وميولك

لكن انصحك اذا كنت ساكن بشقة او بيت صغير

تبعد عن المكاو لانه مره مزعج اذا قام يجاعر وبيشتكون جيرانك

[النظرة الخجولة]

نحن عنا الكاسكو (الافريقي الرمادي)
ذكي وبسهولة يتعلم الرمسة،لكن انا افضل يكون عندي الكوكاتو
لان الرمادي ما يحب حد يمسح ريشة او يعلب وياه،ولا يهتم يسوي آكشن
بس يحب يسمع الاصوات ويقلدها

لو اتحب ببغاء يتكلم و فطين خذلك الكاسكو((بس شكله مب لين هناك ،وخاصة يوم يمد رقبته جنة ثعبان))
بس لو اتحب خفة الظل والحنان والجمال والدلال والورد عالخدين ((خذ الكوكاتو))

والناس اذواق في النهاية