مجموعة اسئلة

[sweety2007]

سويتي هل الهامستر يكتفي من الاكل اذا شبع ولا يكمل زي بعض الحيوانات الى ما يموت

الهامستر يأكل حتى يشبع ويوقف عن الأأكل ..يعني لاتخافين عليه حطي له الأكل في قفصه وهو راح ياكل اذا جاع .. يعني لاتشيلينه

يعيني اقدر احط من الاكل الجاف كمية كثيرة الى ما يشبع بعدين اشيل الباقي وارجعه بالكيس واحطله بكرا؟؟

اي لازم انج تحطين له كمية في قفصه الى ان تقل الكمية وبعدها زيديه .. بس لاحظي ان الأكل الجاف مو كل شي ياكله الهامستر ..يعني بعض الأشياء ماياكلها .. واذا انتي شفتي الأكل ماتغيرت كميته كثيير غيري له الأكل ..لأن مثل ماقلت لج ماياكل كل شي في الأكل الجاف .. وحطي له خضروات وفواكه ...

ولاتشيلين الباقي وترجعينه .. خليه في القفص بس كل ماشفتي الأكل قل زيديه .. ونوعي له الأكل

هل يتضرر اذا قام الصباح او احد ازعجه؟ لان امي تقومني الصباح للمدرسة واخاف اذا سمع الصوت يقوم ويموت

الهامستر غالبا مايكون قاعد في الصباح الباكر لكن من الظهر ينام الى نص الليل .. اهو صحيح ينزعج بس مايتضرر لاتخافين عليه .. مابيصير له شي

متى ينام الهامستر ؟؟ يعني هو حيوان ليلي ينام الصباح ويقوم الليل بس انتي عن هامستراتك متى تنام ومتى

تقوم على اي ساعه؟؟

هامستراتي تكون نايمة من الساعة 11 الظهر الى 12 بالليل تقريبا

بس يعني ماتكون طووووووووول الوقت نايمة .. ساعات تقوم تلعب وتاكل وترد تنام ..بس نشاطها في النهار مو مثل نشاطها بالليل يعني الحين عندي الساعة 4 العصر تقريبا .. والهامستر قاعد يلعب بالفرارة بس بنشاط اقل من الليل

واذا رحت المدرسة اشغل المكيف او اكتفي بالشباك

اذا كنتي بالخليج طبعا الجو مايحتاج له .. موووت حر ..واكيد ماراح يقدر يتحمل الشباك .. شوفي انا اذا كنت باطلع مكان .. قبله يكون المكيف مفتوح بعدين اغلق المكيف وتكون حجرتي باردة .. بس اكتفي بالمروحة واغلق الباب عشان مايطلع الهواء البارد .. وساعات احطهم بالصالة يكون المكيف مفتوح .. بس لاتفتحي الشباك في الوقت الحر مثل هالوقت ...لكن اذا برد الجو شوي افتحي الشباك

[milk cat]

ميرسي حبيبتي جد زودتها معاك

تسلمين تعبتك معاي