الى متى هذا التخلف !!!

[SleepyMiracle]

السلام عليكم ...


من جد التخلف هذا كل يوم يزيد والناس وتعليقاتها ونظراتها لنا حاجه ترفع الضغط

ومثل ما قال Candy Man هي مو بس على الحيوانات في كل شي الناس تعلق وتتدخل
والقهر انهم ينسوا انفسهم ... انا مشكلتي مع اهلي ... مع اني ساكنه لحالي الا انهم مو عاجبهم موضوع تربيتي للقطط .. لكن انا اسوي الشي اللي انا مقتنعه فيه ..


شكرا على اثارة هالموضوع المهم

[Ghuwara]

اي والله يا شي يقهر JoLie

وما فيداعي تعلميه الشراسة انتي بس حسي بعدم الامان شوفي شنو راح يسوي .. راح يحاول يحميك حتى لو ما يعرف اشلون راح يدبر نفسه صدقيني ..

احنا بالكويت او المكان الي كان ساكنه فيه يوجد 7 كلاب بالاضافة الي كلابي.. وكلهم يعرفونهم ويحبونهم ..

وفي اطفال ورعان عندهم فضل يسالوني ذيب ولا كلب .. اقولهم ذيب ابعد عني ترى يعض

وفي ناس ملتزمين والحمد احنا في الكويت كل قطعة في منطقة فيها مسجد وبيتي قريب عليها -
ومرة جورجيتا طلعت الظهر وقت صلاة الجمعة برة فلما طلعت برة - سفتها رايحة لرجل .. قال لي الله يرضى عليكي وخريها عني علشان انا متوضي ورايح اصلي .. فاعتذرت من الرجل ..

انتو في السعودية في غنم ما عندهم كلاب للحراسة ؟؟؟

الشرطة السعودية ما عندهم كلاب للحراسة وتفقى الاثر ؟؟؟

[رفاع_البحرين]

تعالي البحرين يبا لاتعورين راسج

الله يساعدكم والله

وانا اقولج طلعي ومشيه وماعليج من كلام احد .. اصلن حرام الكلب كل يوم قاعد بالبيت .. ملل يصيده .. طلعيه ولا عليج من احد

[بوجعفر]

الله يعينج عليهم خشية عنهم وحطيه داخل البيت
احسن
شكرا

[ابو تميم]

ما دريانا عادي اروووح واجي كتير ومعي الكلب
وساكن انا بالملز بعد
يمكن اول مرة كان شوية احراج
بس بعدين عادي
ةالكلب اللي معي هايسكي لون اسود وابيض
اللي ميبن عندكم على الصورة الرمزية تبعي
!@@!

[الفارس الخيال]

صدقج والله تخلف بلا حدود أنا أواجه مشكله ويا ربعي على سبة الحمام و الخيل كل ما أمشي وياهم يقولولي شو تبى تربي خيول و تسوي و حمام و متعب عمرك وياهن و مع كم من رفسه من حصان فأنا أتم ساكت أقول كل واحد يحب شي يفعله
و أنا أقول حق أعضاء المنتدى ما عليك من الناس بيتكلمون شو عليك منهن طنش لهم بعدين بيسكتون عنك

[JoLie]

المشاركة الأصلية كتبت بواسطة Ghuwara

انتو في السعودية في غنم ما عندهم كلاب للحراسة ؟؟؟

الشرطة السعودية ما عندهم كلاب للحراسة وتفقى الاثر ؟؟؟

بالنسبة للغنم اسمع كثير قصص عن سكان البادية يربون سلق بس في المدن ما اعتقد


اما الشرطة اللي عندنا هههههههههههههههههههههههههههه ماعمري شفت اتوقع انها ممنوعة

ترى الكويت والبحرين تختلف مية مرة عن السعودية انتم ما تتصورون شكثر درجة التخلف عندنا

وعلى فكرة احنا عندنا يشوفون تربية الكلاب منكر وكفر والعياذ بالله

[معلم الحب]

والله انك صادقة بس لازم فترة ويتعودوا على الوضع يعني لازم من هواة الكلاب جميعهم انهم يعودوا الناس على وجود حيواناتهم الأليفة معهم بالشارع وشكرا

[Cute MeDo]

المشاركة الأصلية كتبت بواسطة JoLie

طيب سؤال مافي احد يعرف اماكن مخصصة لتمشية الكلاب

او على الأقل فيها الاغلبية تمشي كلابها عشان اوديها هناك تتمشى بدون مشاكل المسكينة اغلب وقتها بالبيت ماتطلع

ادا كنتي في جدة روحي الممشا حق جدة الي ورا البحر

[Ghuwara]

طنشي .. وعيشي

وكل واحد وايمانه ..

والشتايم تلف تلف تلف .. وترجع لصاحبها على قولت أخوانا المصريين