للخبراء عندي كم سؤال عن الببغاء نستفيد من خبراتكم

[n o v a]

والصلاة والسلام على اشرف الانبياء والمرسلين نبينا محمد وعلى اله وصحبه اجمعين اما بعد ..

بما اني فاضي وجالس اتدحوس بالنت والفوتشوب ..

قلة خلني استفيد من اخواني الكبار الي بالمنتدى واطرح عليهم مشاكلي لعلي استفيد

انا اعاني من كم مشكلة .. اشتريت قبل فتره ببغائين بلوفرنتد ..

الحمدلله كلهم متكلمات وحركتهم كثيره ولله الحمد ولا يسكتون الا قليل .. لاكن

فيهم طبع غريب مادري توحش مدري غيره مادري وش السالفه

على العموم واحد منهم اول ماشريته شلته ولا عضني

لاكن الثاني صار يهجم علي هجوم كامل لاكن كلامه كثير وحركته كثيره

ومدري سبحان الله ارتحت له حيل فقلت اخذهم كلهم الي طلع على يدي والي يتكلم كثير ..

طبعاً الي طلع بيدي ماعمري شفت بلوفرنتد مثله يحرك راسه زي المهبول ويدور بالقفص

مايوقف اذا تكلمت معه وتصغر عينه وفيه طفره وماشفت مثل حجمه ويتكلم بكلام جميل

المهم سببو لي ازعاج بالبيت ورجه ههههههههه

كلن يتكلم مع جهه وينهبل مع جهه فقررت مع مرور الوقت افضى لواحد فترة

وديت واحد لصاحبي وقررت اخلي عندي الي يتكلم واجد الي هو الثاني الي كان يهجم

علي هجوم كامل المهم خلال ذا الاسبوعين الي فرقتهم انشغلت فيه

كل يومي معه بدا يتعود علي حتى ماصار الحمدلله رب العالمين يعضني ويلعب معي ويتدلع

ويطير لين عندي بس مايحب يطلع على اليد ويهتز ويخاف بس بقت مشكله

مايخلي احد في البيت يلمسه ولا يقرب منه غيري والي يقرب منه يعضه الا الصغار !

احياناً يخليهم ويلحس اصابعهم لاكن المصيبه اذا كنت موجود وجاء احد كبير ومد يده

يروح يعضه بقوة ويناظر فيني ! واذا شافني قام يعض اكثر واكثر ؟ وانا انسان مابي كذا

ابيه مايعض ويخاف من اليد يطلع على اليد بس يترجرج ويخاف ويحاول يطير للقفص ..

والشي الثاني فيه في يوم من الايام وانا نايم ازعج البيت فقام الوالد

واخذه وحطه بغرفه والغرفه هذي فيها ستاند وفيه مشرابيه ماتغيرت لها يومين لني مادخلت لها

ولا دخلت الببغاء فيها فتركتها فحطه الوالد فيها بدون علمي يوم صحيت تفاجأة بذبان ميت

بالمشرابيه ومره وصخه بعدها لاحضت بطنه فيه زي الاسهال الابيض

على العموم الحمدلله الطير له اسبوعين يتكلم ويلعب كل الوقت بس احسه

تعيبان وبرضو الاسهال وخف اكله شوي عن اول بس الحمدلله ياكل كثير

والشي الثاني انا جبت الاول بس صار مره مرعب يهجم علي وكل همه يعضني انا

من بد كل الناس اخواني الصغار يلمسونه وعادي انا اقرب بس من القفص يهجم علي

ومع ذالك اذا سمع صوتي ينادي بابا ويزاعق لين اجيه اذا جيت هجم علي بكل قوة

حتى والله اذا طلعته يتمشى بالغرفة يركض يلاحقني هههههههههههه بيعضني !

ابغى حل للإثنين يا اخواني واسف كاني طولت عليكم بالكلام

[مح ـمد]

برايي يكفي طير واحد في البيت

الله يعينك الامازونيات مزعجه

يفيدونك باقي الاعضاء

[monybat]

اخي الفاضل
طيورك متكلمه ولكن غير مروضه بشكل جيد
ولذلك تواجه هذه المشاكل فعليك بالتدريب الفردي كل واحد لحاله لين يكون مثل الحمامه

اما بالنسبه للاسهال اذا شاك عليك بماء الرز بعد غليه حطه في المشرب وخليه يشرب منه
ومافي خوف عليه من الذبان اللي لقيته بالماي بس المره الجاي دير بالك
اكله خبز اكله بطاط الاكل اللي يمسك البطن وماي الرز بعد غليه بدون اضافات طبعا
وبالتوفيق

[n o v a]

يعطيكم العافيه على مروركم ,,
طيب وما العمل مع الي تروض معي لاكن مع الغير مشكله !

[عزوزالعبدالله]

لكن* وليست لاكن ههههههههه

المهم ي الغالي بقولك حاجه ترا الطيور تغار من بعض وبقوة لذا عند التدريب كل واحد لحاله حتى من الانسان تغار
واذا تبي تتاكد من الكلام

شوف الطير اللي اليف معك ويحبك مو اللي يهاجمك
اجلس قدامه وخلي معاك طفل اللعب معاه شوف ردة فعله وتعال يمه مره ثانيه لحالك وشوف الفرق

[the_gostman]

برأيي المتواضع تقتني واحد وتحسن ترويضه وتدريبه أفضل لك من اثنين..لانهم بحاجه الا وقت
وانت تعرف ان الببغاءات اذا حبتك ممكن توصل معك لدرجة الغيره@@

كل التوفيق انشالله

أخوك رمزي

[n o v a]

المشاركة الأصلية كتبت بواسطة عزوزالعبدالله

لكن* وليست لاكن ههههههههه

المهم ي الغالي بقولك حاجه ترا الطيور تغار من بعض وبقوة لذا عند التدريب كل واحد لحاله حتى من الانسان تغار
واذا تبي تتاكد من الكلام

شوف الطير اللي اليف معك ويحبك مو اللي يهاجمك
اجلس قدامه وخلي معاك طفل اللعب معاه شوف ردة فعله وتعال يمه مره ثانيه لحالك وشوف الفرق

ههههههههههههههههه لاكن قلتها بالسوداني بس انت مافهمتني

والله الي شفته مصاله بصراحة واحد يخليني انا اشيله الحالي غيري لا

والثاني كل الناس عادي بس انا لا على العموم راح واحد باقي القمر حبيبي

[n o v a]

المشاركة الأصلية كتبت بواسطة the_gostman

برأيي المتواضع تقتني واحد وتحسن ترويضه وتدريبه أفضل لك من اثنين..لانهم بحاجه الا وقت
وانت تعرف ان الببغاءات اذا حبتك ممكن توصل معك لدرجة الغيره@@

كل التوفيق انشالله

أخوك رمزي

يعطيك العافيه على مشاركتك القيمة ومرورك يكفي يابطل ورايك على عيني وراسي

وصادق بكلمتك بس بيني وبينك ترى تربية كم واحد فيها متعه ايضاً

الغيره حلوه صراحه بس لاتزيد عن حدها لنها تبعث شعور لك يالممربي
انك شي كبير عند هذا الحيوان الاليف