أبغي أشتري كاسكو - أرجو إفادتي

[بن سلومه]

السلام عليكم ورحمة الله وبركاته..

ما أعرف إذا الموضوع في مكانه الصحيح ولا لكن ببدأ بموضوعي وتسؤلاتي..


أنا حاب أشتري فرخ كاسكو ذكر غير مدرب ويكون صغير في العمر، وعندي كم سؤال أرجو مساعدتي فيها:

1. كم سعره التقريبي بيكون؟
2. هل فيه مزارع مرخصة في الإمارات تبيع الكاسكو؟
3. شو هوه أحسن عمر أختاره بالنسبة للفرخ؟



والله يجزيكم ألف خير مقدما..

[حايلي111]

أحسنت الاختيار . الكاسكو احلا طير بنظري .
بالنسبه لذكر او انثى هذا صعب تحديد نوع الجنس الا عن طريق فحص الحمض النووي للطائر .
سعره عندكم يمكن ارخص من السعوديه . عندنا الفرخ الي ابو 4 الى 5 شهور غالي يوصل الالفين والي 8 الى سنه يوصل ال 1600 ريال سعودي .
تشتريه من اي محل طيور احنا كذا او حراج طيور .
اذا انت بتهتم بصحته كثير وماتعرضه لتيارات هوائيه تسبب له مرض قاتل . خوذ 5 الى 7 شهور .
اما اذا بتهمله شوي خوذ عمر 9 شهور يكون قوي شوي وصحته اقوى من الصغير .مع ملاحظه ان كل ماكان العمر اصغر كل ماسهل تدريبه . والكل قابل للتدريب .هذا الي اعرفه واتمنى يفيدوك الاخوان .. بالتوفيق للجميع .

[فيوزي]

اخوي وانتبه من الهولندي اذا ما راح تهتم لا تشتري هولندي اشتري صيد
تحياتي
ابو سدران

[بن سلومه]

شكرًا أخواني على المعلومات، شكلي بدور في المحلات

[S h a i 5 a ..]

قبل ابوي شرالي كاسكو بـ 1800 درهم

كان عمره من 5 لـ 7 شهور

بس ف المحلات احس اغلى

و طبعاً ما اقدر احدد سعر محدد لان على حسب المحل وووو ..

)(

[بن سلومه]

شكرًا أختي، بدور وبشوف وعقب بقرر وإن شاء الله أتوفق في اختياري