اريد تعليم الكاسكو الكلام ارجو الدخول

[كاسكو حبوب]

السلام عليكم

أخواني الأعزاء

انا عندي كاسكو من سنه وروضته علمته على الصعود على اليد وعلى الاكل من اليد وعلى التصفير وعلى الوقوف على الستاند وعلى اللعب وترى هو اليف وحبوب بس باقي له انه يتعلم الكلام الموضوع واضح من عنوانه ارجو منكم يااخواني الاعزاء وياخبراء انكم تعطوني طرق ممتازة لتعليم الكاسكو الكلام ارجو منكم كتابه طرق لتعليم الكاسكو الكلام لاتبخلوا علينا بردودكم


تحياتي لكم جميعا

[فلاش قطر]

يا هلا فيك اخوي

اذا تبي طريقة سهله ولا تحتاج تعب

سجل صوتك بالتلفون ... مثلا قول : السلام عليكم

وخل التلفون قريب منه ويتكرر التسجيل

شوف النتيجه بعد 4 ايام او اسبوعين وبالتوفيق

[yooyoo]

ما شاء الله


اخوي انا اشوف بالترديد

او لمن تجي تعمل شي تعلقه بكلمه وحده

ولا تبعثر مخه بميت كلمه

لا ركز على كلمه وحده مثل الله

مثلا او الحمد لله

وركز عليها في كل شي لا تبعثر مخه بكلمات كثير

ولمن تسوي له شي ردد هاذي الكلمه او تضع له مسجل يردد

وبالتوفيق

[abo_cady]

كرر الكلمه كل ما جيت عنده وانشاء الله بينطقها وحاول تردد الكلمه وانت تمسح عليه وانت مبتسم او اذا جيت توكله من يدك واول ما تشوفه وان شاء الله بيتكلم ((والتكرار يعلم ال..........ببغاء))........

[Wizo]

زي مآقآلك انا .. سجلت صوتي بالمآيك .. وغطيت الكىآسيكو بغطآ وطفيت الليت وخليت اللابتوب فوق القفص .. وخليته يعيد ويكر عليه مآكذب عليك ... في نص سآعة قآم يحآول يقول .. ولحد احين يتذكرهآ ..

[طبيعة الحيوان]

السلام عليكم

اخوي انا ابي اشتري الكاسكو مالك وانا كلمتك كذا مرة انا معاشي 4750 دينار اذا تبيهم كلهم خذهم بس انا ابي الكاسكو مالك قول ليش لان انا بسافر تايلند وفي محل اعرفة ايقول الكاسكو النادر بيشترية ب 12000 دينار وارجوك انك تبيعة لي ارجوك ومستعد اجيك لين باب بيتكم

[Need not to know]

وعليكم السلام..

أنا عندي كاسيكو.. كنا نكرر علي كلمة (يا واد) بالحجازي طبعا إلين ما تعلمها.. وكزا كلمة تانية..

بعدين خلينا في الصالة فترة سار يقلد أسماءنا.. الله أكبر.. ألو.. السلام عليكم.. عشان ساير عايش يشوف الناس ويسمع كلامهم..