ما رأيكم في وضع البادجي في المزرعه

[بادجي الخفجي]

السلام عليكم

انا عندي طير بادجي صارله عندي من بداية الرمضان و صاير تغريده حيل مزعج ..

و قلت احطه بالمزرعه احسن و اسوي له سلاكه بس سؤال

* عادي احط البادجي بالمزرعه و ما يأثر عليه درجة الحراره بالصيف و بالشتاء الجو يكون مره بارد و بالصيف مره حر عندنا مدري لازم يكون فيه تكيف او لا عادي احطه بشبك مفتوح , و ايه عادي احط البادجي لحاله بالمزرعه بدون زوج معه . ولا لازم احد يونسه يعني

* ابي اجيب بادجي زوج من الرياض الى الخفجي بس سؤال في تعب على البادجي بما ان طريق مسافته تقرب5 او 6 ساعات . و كم سعر زوج البادجي المنتج .؟ وش المحلات الزينه بالرياض المضمونه .

و اسف على الاطالهه و شاكر لكمم ..

[الكادي هواها]

وعليكم السلام
ممكن انك تحطه في المزرعه ولاكن في الشتاء
تغطي السلاكه بمشمع مع ترك فتحات التهويه
وفي الصيف وضع مكيف صحراوي لان البادجي
مايتحمل الدرجات المنخفظه ولا المرتفعه كذلك حاول
تكون الدرجات الحراره متقاربه وبعيد عن التيارات الهوائيه
بنسبه الوضعه ماينفع الوحده راح يحس بالوحده وممكن الاسمح
الله يموت جب معاه ثاني قريب من عمره حتى ينتجو ان شاء الله
المسافه ممكن يتحملها خاصه ان المسافه مو طويله حيل بس الازم تغطيه
ويكون القفص امن حتى مايفزع و يؤذي نفسه
اما سؤالك الاخير جوابه عند اهل الرياض على الخاص لاهنتو

[ذكريات بادجي]

المشاركة الأصلية كتبت بواسطة بادجي الخفجي

السلام عليكم

انا عندي طير بادجي صارله عندي من بداية الرمضان و صاير تغريده حيل مزعج ..

و قلت احطه بالمزرعه احسن و اسوي له سلاكه بس سؤال

* عادي احط البادجي بالمزرعه و ما يأثر عليه درجة الحراره بالصيف و بالشتاء الجو يكون مره بارد و بالصيف مره حر عندنا مدري لازم يكون فيه تكيف او لا عادي احطه بشبك مفتوح , و ايه عادي احط البادجي لحاله بالمزرعه بدون زوج معه . ولا لازم احد يونسه يعني

اخوي لازم تخلي البادجي بالشتاء دافي وبالصيف الجو داخل السلاكه يكون مرطب يعني حلو

وسكر السلاكه زين وتكون ثابته جداا وتكون بالشتاء دافيه والصيف العكس ولو تعرض الطيور لاشعه

الشمس المباشره ابداااااا

* ابي اجيب بادجي زوج من الرياض الى الخفجي بس سؤال في تعب على البادجي بما ان طريق مسافته تقرب5 او 6 ساعات . و كم سعر زوج البادجي المنتج .؟ وش المحلات الزينه بالرياض المضمونه .

5الى 6 ساعات عادي بس ركب لهم مويه اهم شئ ولو تمكنت ركب لهم اكل يكون احسن بكثييييرر

و اسف على الاطالهه و شاكر لكمم ..

تعبك راحه

[الجوهرة هنادي]

تقدر تحطه في المزرعة بس لازم تغطي السلاكة في البرد

ولازم تبعد الطيور عن التيارات الهوائية والبرد الشديد

وفي الحرارة يلزملهم مكيف،كمان انتبه من اشعة الشمس المباشرة

يلزم اكثر من طير واحد لانو راح يحس بالوحدة ويمكن يموت لسمح الله

موفق