تسجيل الدخول

مشاهدة النسخة كاملة : فرخ رمادي دخل حياتي (مع صور)

TOP-GUY
05-03-2006, 11:37 PM
السلام عليكم..
مساكم الله بالخير..
ما أدري إذا تخبروني من قبل شهرين تقريباً كنت وإياكم بس انقطعت عن المنتدى لانشغالي, والليلة أرجع لكم.
هذا المنتدى يربط ما بينّا - سواء هواة أو محترفين أو بيطيريين أو حتى مطالعين -, بهذه المخلوقات العجيبة والجميلة; خلفية بسيطة عني:
أبو رياض من الجبيل, هاوي ومربي الكاسيكو (الرمادي الأفريقي), لدي معلومات كثيرة عنه لكن بدون خبرة طويلة, حيث بدأت بتربيته من ثلاثة أشهر.
كان أول رمادي أشتريته عمره حول السنة وثلاثة أشهر, والحمد لله قدرت أروضه -وإن كان مش ولا بد بس أنجزت شيء معه في ظرف أسبوعين _ وقد كتبت تقرير بسيط عن ذلك بهالمنتدى.
بعد شهر من امتلاكي لهذا الطير تعرفت بشخص يمتلك فروخ الرمادي, صغيرة جدا في العمر. واشتريت منه على بركة الله بعد ما بعت الأول تقريبا بنفس السعر فرخ واحد, وسميته ميسون (مادري هو ذكر ولا انثى). طبعا بتسألون قد ايش عمر الفرخ, وأقول لكم عمره يوم شريته ست أسابيع بس (شهر واسبوعين) يعني يأكل بالإبرة, فصفصة وحدة مايقدر عليها. وبصراحة المبلغ كان شوي جامد بس قلت تجربة عمر إن فلحت فلحت وإلا........$^*[#@$%^ألأأ’@#لإي’ ٍءبإ&(+
المهم, عمر ميسون الحين شهرين واسبوعين والحمد لله زي الحلاوة. صحيح فيها شوية معاناة بس الشغلة تستاهل. استفدت من تجاربي مع الرمادي الأول (واللي شوي كبير على التدريب) ومن هالفرخ الصغيرون عفواً ميسون أقصد, حيث أصبح فرداً من العائلة ونحسب حسابه في البيت.
كل أسبوع أصوره وأكتب تقرير بسيط عنه وملاحظاتي عليه, (يمكن تقولون مبالغ بس والله هذا اللي صاير) والله ياجماعة الخير أحبه أحبه هذا الزعنطوط.
وودي يا إخوان اللي عنده شيء عن فروخ الرمادي أنه يشاركنا إياها حيث أني لن أبخل عليكم بشيء, وما جينا هالمنتدى إلا عشان نستفيد من بعض. وأكيد اللي عنده أي استفسار يسأل ولا يتردد وكلنا حاضرين باللي نقدر عليه.
وهذي شوية معلومات عن ميسون:
-كان يالله على خطوة ولا خطوتين ثم يقعد
-شهيته مرة مفتوحة, بس يشوف إبرة الأكل يقوم ينطنط عليها ويصيح.
-لحمه باين من برا ياجماعة الخير
-كان ياكل سريلاك مع خلطة خاصة بمقدار 45 ملم, وكل أسبوع تزيد الكمية 5 ملم. ويعطى بعدها القليل من الماء بالإبرة.
الحين ما شاء الله عليه يفر البيت فر يروح ويجي على كيفه, ويطير بس حق مسافات قصيرة.
يصيح وكل يوم يزيد صراخة ويقوى بعد, وإذا كان رايق يقعد يصفر ويبربر مثل اللي يبي يقول شي بس مو قادر.
مخالبه حادة وعدمت إيديني, ولا أبغى أقصها حتى يكبر شوي ويقوى جسمه والله يصبرنا على جروحه.
ونفس الشي للريش ماودي أقصه حتى يكتمل نموه. (أفكر ما أقصها خير شر)
أليف جداً وطيب (ابن حلال يعني) لاصياح ولا شيء بعض الأحيان أخذه ينام معي بالسرير.
هذا اللي عندي الليلة وآسف جداً على الإطالة بس والله ماودي إلا الخير للجميع والفائدة
وأرفق لكم بعض الصور..
والسلام عليكم..
أبو رياض
TOP-GUY
05-03-2006, 11:50 PM
(http://www.q999q.com/)
http://www.q999q.com/uploads/e55c3713f6.jpg (http://www.q999q.com/)

http://www.q999q.com/uploads/c61b6b94fc.jpg (http://www.q999q.com/)
possessed
06-03-2006, 01:00 AM
ماشاءالله مبين عليه نظيف وايد
لحن الخلود
06-03-2006, 01:45 AM
ابو رياض يعطيك العافيه على النبذه الجميله
وماشاء الله ميسون روعه الله يهنيك به
ولاتحرمنا من مشاركاتك الطيبه :)
المنتج
06-03-2006, 02:00 AM
الغالي ابو رياض :
صحيح زي ماقلت فيها معاناة لكن النتيجة تنسيك التعب
نصيحتي لك لا تقص جناحة.
والله الموفق
بوفهد
06-03-2006, 07:17 AM
الله يبارك لك فيها ويعطيك خيرها ويكفيك شرها

بالتوفيق
FAWAZ
06-03-2006, 09:04 AM
ماشا الله تبارك الله يابو رياض...... أتمنى لي ولك ولجميع الإخوان هنا بالتوفيق....
بصراحة طائر جميل ... والأجمل إنك أنت من قام بتربيته وهو صغير ...
وان شا الله نستفيد أنا والإخوان هنا من تجاربك معك,,,

وفقكم الله,,,
تاكو
06-03-2006, 11:02 AM
ماشاء الله تبارك الله
المهم عدم التفريط فيه
أبو الجامبو
06-03-2006, 10:43 PM
أخوي أنا شوي بتلقف
بكم شريته ومن فين ؟؟؟؟؟
TOP-GUY
07-03-2006, 01:40 PM
السلام عليكم..

possessed
إيه نعم بس والله متعبني شوي معه, ما يروح محل بالبيت إلا ويترك له (بصمة أو توقيع)

لحن الخلود
ويعافيك بعد وأبشروا باللي أقدر عليه

المنتج
صحيح كلامك, وبالنسبة للجنحان زي ما قلت أفكر ما أقصها بس الخوف أنه يروح وأقعد بها, مو فكة مني بس ممكن يتوه ومايدري وين يروح

بوفهد
ويبارك فيك بعد وترا للحين مدري هو ذكر ولا انثى بس سميته ميسون لانه يركب على الذكر والانثى

FAWAZ
إن شاء الله وأبشروا بالمفيد وباللي أقدر عليه في سبيل الكل يستفيد

تاكو
لاااااا وايش دعوة ماجا إلا بعد ما طلع عيوني

أبو الجامبو
أهلين, تلقف آمر, الطير يالحبيب غالي, تاخذه صغيييييييير وضمانة حياته وسلامته عليك
وتراه فوق الألفين



ومشكورين على تفاعلكم,,,:cool:
dahem
08-03-2006, 02:37 PM
ما شا الله تبارك الرحمن


الله يهنيك في اخوي

بس انصحك تقص جنحانه اذا كمل اربع شهور تقريبا


لان ناس واجد اعرفهم طارت طيورهم ولا رجعت وتحسفو بعدها
المكاو الأزرق
09-03-2006, 12:22 AM
أخي العزيز / أبو رياض

ألف ألف ألف مبروك على هذا الطائر الجميل .
ويتربى في عزك . :)
ولكن أطلبك يا الشيخ تقولي من وين شاريه لأني معزم أشتري واحد يكون فرخ تقريباً في عمر طائرك . :cool:
وأنا من سكان الشرقية .
ولا عليك أمر تعطيني أسم الشخص اللي شريت طيرك منه .
حتى ولوكان السعر مثل ماتفضلت فوق 2000 ريال .
والطير الجيد ماعليه كلام ولا خسارة فيه هالقيمة .
لأني يا خوك شريت طير أفريقي مو انتاج بلدي وبهذا السعر وماتتم عندي اسبوع للأسف الشديد . :(

وأرجو الرد سريعاً . :cool:
خلود
09-03-2006, 12:52 PM
السلام عليكم ..
أخي Top-guy
ما شاء الله فرخ جميل جداً جداً .. الله يبارك لك فيه .. لكن الفروخ حساسة و تتأثر كثيييير بتغيير الجو .. لذلك نصيحتي لك انتبه لفرخك خصوصا من التيارات الهوائية و المكيفات ..
كان عندي فرخ صغير عمره 5 شهور لكن مات بسبب المكيف كان يتمشى مثل ما يبي بالبيت صغير يحب يستكشف كل شي و جات له ضربة هوا جابت أجله في 3 ايام بس ..
تمنياتي لك و لطيرك بالتوفيق :)
TOP-GUY
09-03-2006, 10:21 PM
السلام عليكم..dahem الله يسمع منك أخويوالله للحين مدري أبدرس الوضع معه, يا أقص ولا أخليهباشوف لي طريقة معه ممكن تخليه يروح يجي وأعوده على مناظر برا...المكاو الأزرقالله يبارك فيك , بالنسبة للشخص الحين ماعنده لأن والله على كلامه يقول طابورالرجال من أهل الدمام, بس زي ماقلت المفرخ محلي يستاهل..خلودشكراً على النصيحة, وصحيح كلامك ان التيارات ضارة للبغاء, بس هي مضرة أكثر للبرية, أما التفريخ المحلي - على حد علمي - فالضرر أقل . مو معنى هذا انه مافي ضرر بل الاحتياط واجبوالله يعوض عليك بخمسة احلى منه
MAJHOOL
10-03-2006, 12:20 AM
ما يوسخ في البيت؟
المكاو الأزرق
10-03-2006, 11:59 AM
أخي العزيز شكراً لردك
ولكن لم تخبرني بأسم الشخص أورقم تليفونه لأني ما صدقت قرأت موضوعك لأحصل على فرخ انتاج محلي لأني كما أخبرتك اشتريت فرخ ليس إنتاج محلي وفقدته وخاب ظني وفقدت الأمل أن أحصل على فرخ بلدي انتاج محلي .
لذلك لا تنساني عزيزي فلربما أكون ضمن طوابير الرجال أو لعلي أزيد السعر قليلاً فأحضى بطائر طالما حلمت بامتلاكه .

لا تنساني أرجوك .....
أخوك / المكاو الأزرق :confused:
TOP-GUY
10-03-2006, 07:31 PM
السلام عليكم..

والله البيت قالب مزبلة عندي, بس تعودنا :confused: :confused: تصدق توني أحس اني تعودت عليه زبالته؟؟؟!؟!

بس ترا مشروعي جاي وان شاء الله أطلعكم بتفاصيله لمن أخلص منه, وهو عبارة عن ديكور للبيت وفي نفس الوقت بيت للطيور بدون سياج , وتوني بادي فيه لكن بعدين يجيكم خبره
باذن الله...


أخ مكاوي أزرق, تم
TOP-GUY
12-03-2006, 12:48 AM
يكمل ميسون شهرين و ثلاثة أسابيع...
أنا وخوييّ اشترينا اثنين, واحد لي وواحد له, خلى حقه عندي كم يوم, وحطيت
الثنين مع بعض. مع العلم أن حقه أكبر من ميسون بأسبوعين, لاحظت ان حق خوييّ كبير في حجمه, وقوية بنيته, ومتماسك ريشه ما شاء الله, وميسون خفيف وزنه, وريشه ماهو قوي (هش) ومسكة مخالبه ماهي بقوة الثاني, أنا قلت يا أن ميسون من النوع الثاني من أنواع الأفريقي الرمادي (الغاني أو الغرب أفريقي)
- حيث الفرق بين النوعين, أن الأول يتراوح وزنه مابين 450 إلى 500 جرام وطوله من الرأس حتى الذيل يبلغ 35,5 سم. والنوع الثاني يشبه الأول إلا أن الوزن يبلغ من بين 350 إلى 400 جرام وطوله 25,5 سم -, أو (أنها) أنثى!!!!!!
الأنثى أفتح لوناً من الذكر, وهذه أيضاً ملاحظة اخرى.
-------------------------
حاجة ثانية, فيه ضربة أو جرح بوسط صدر ميسون -مرفق صورة لذلك- وأعتقد أن هذا اللي خلاه يرفض باقي الأكل, حيث إذا جاع الأيام ذي ياكل حول من 30 إلى 40 ملل, بينما العادة ياكل 55 ملم أو أكثر (تزيد الكمية 5 ملل كل أسبوع).
أعتقد انه أخذ له عضه من الطير الثاني.
يعني, انتبهوا (للصغار) إذا لعبوا مع بعض.
ملحوظة ثانية بعد, يوم كان صغير, أول ما أخذته, لمن أجي أشيله من فوق أي شي قماشي (بطانية, فرش, مخدة...) يتمسك فيها بقوة بمخالبه,
وكنت أحاول تلافي اني ما أجره بقوه عشان مخالبه توها طرية, لكن الظاهر اني قد جريته مرة بقوة من غير قصد فصار فيه جرح في المخلبين الأماميين الأيسر والأيمن, فصارت تدمي وتصدي بس الحمد لله طابت رجوله, رغم انه باقي فيها أثر.
وفي الصورة الأخيرة بتشوفون ميسون نازل منه قشور وشيئ مثل البودرة, هذا شيء طبيعي ولاحد يخاف من هالشيء, هذي قشور الريش اللي قاعد ينمو.
الريش يطلع من مثل الأنبوبة, وتنشاف بكثرة في فترة نمو الريش وهو صغير.

ولنا لقاء ان شاء الله...
TOP-GUY
12-03-2006, 12:50 AM
توه متعشي ((أيام زمان))
http://www.jojokw.net/uploading/mm1.JPG



مقيل
http://www.jojokw.net/uploading/mm2.JPG



ميسون وبدوري
http://www.jojokw.net/uploading/mm3.JPG





2
http://www.jojokw.net/uploading/mm4.JPG




3http://www.jojokw.net/uploading/mm5.JPG

4

http://www.jojokw.net/uploading/mm6.JPG



الجرح اللي برجله
http://www.jojokw.net/uploading/mm7.jpg

..ويعرف يلعب بالسوني ترون..
http://www.jojokw.net/uploading/mm8.JPG


القشور..
http://www.jojokw.net/uploading/mm9.JPG

الجرح اللي بصدره 1
http://www.jojokw.net/uploading/mm10.JPG


2
http://www.jojokw.net/uploading/mm11.JPG
TOP-GUY
12-03-2006, 01:44 AM
مقطع فيديو
http://www.jojokw.net/uploading/New WinZip File (2).zip (http://www.jojokw.net/uploading/New%20WinZip%20File%20(2).zip)
aMoOoNah
12-03-2006, 07:19 AM
::

ما شاء الله تبارك الله
الله يبارك لك فيه يارب
شكله مرة حلو
حافظـ عليه :)

::
TOP-GUY
13-03-2006, 07:12 PM
ويبارك فيك بعد, وشكرا على الرد
اشجان الزمن
29-03-2006, 11:22 PM
مــــــــــــــــاشــــــــــــــــــــاء الله تبارك الله! اللهم صلي عاى محمد
جريحة الحياة
03-04-2006, 03:22 AM
يهببببببببببببببببل ماشاء الله عليه

الله يخليه لك يارب

اخترت كم صوره له وخليتهم خلفيه لشاشه الكمبيوتر :)

يعطيك الف عافيه اخوي

وانتظر تقريرك الجديد لاطول علينااااااا


تحياتي لك
TOP-GUY
06-04-2006, 08:24 PM
إن شاء الله,,,

تامرون:)
:d
TOP-GUY
18-04-2006, 07:02 PM
k
TOP-GUY
18-04-2006, 07:22 PM
السلام عليكم..

ها نحن نعود إليكم من جديد (حضرتي, والمحروسة ميسون), بما استجد معي وإياها.
ميسون طبعاً زاد وزنها وحجمها, وصارت أحلى من أول (بس لو ما قصيت جنحانها, كان تكون ست الحلاوة)..ومعرفتها لي زادت والعلاقة صارت أكبر. والملاحظات هي كالتالي:

1- كمية الأكل قلت وصرت أعطيها ما بين 25 إلى 40 مل فقط بعد ما كانت تاخذ 75مل. ما عاد صارت تتقبل الخلطة* مثل أول -واللي رفض صاحبها يقول لي وايش مكوناتها-, بس عشان أخليها تتقبل الأكل, صرت أخلط الكمية مع شوية عسل وحليب بودرة مجفف, أو الخلطة مع شوية لبن أو حليب مراعي, أو الخلطة مع بسكويت الأطفال اللي يذوب بالماء الحار... إلخ.
والحمد لله انفتحت نفسيتها للأكل بكثير.

2- الملاحظ على برازها ما زال بلون مو بعاجبني ( بني مصفّر أو بيج غامق) مع الكثير من السوائل. وتكراراً ومراراً على مدار اليوم. أغلب الوقت جالسة على الاستاند, لكن لمن تنزل الأرض تتبرز كل دقيقة كل ثلاث دقايق, ولا مبين عليها اثار مرض أو إصابات, الصحة ممتازة والنفسية ما يحتاج, وتروح وتجي ولا عليها, بس برازها المتكرر ذبحني. والله البيت جديد وراح مزبلة.


http://www.jojokw.net/uploading/IMG_0052.JPG
وانتم بكرامة



3- قصيت جنحانها بعدما زقت فوق الدواليب والرفوف, لكن الحين جاء دورها مع الأرضية. وسبب ثاني هو إني خفت لاتطير علي.

4- ما زالت لا تحب الترويش, مدري ليه؟! رغم محاولاتي الكثيرة, يا إما في مغطس إلى مستوى مناسب لها, أو بالرش من فوقها.

5- مشكلة في الحجم, صح أنه زاد عن أول بس مو باللي كنت أتمناه, وأستغرب لماذا!.

6- المشكلة الكبيرة والمحيرة أنها لا تتكلم ليشششششششششششششش؟!؟!؟ وعمرها الحين وصل أربعة أشهر ويومين, ودوم أنا أتكلم معاها (زي المجنون) وأكرر عليها كلمة (حبيبي) (حبـــــــــييييييييييـــبـــــــيييييييييي)

7- بس عاد تدرون (وحرمتي لا تدري), ميسو ريحتها حلللللللللللللوة..

8- إذا جيت طالع من البيت وعارف نفسي إني بأطول برا, أخذها معي.
ومثل ما قلت لكم من أول, إنه عندي (مشيريع صغير, وهو بناء بيت للمحروسة) وقد بديت فيه بس باقي عليه أشياء بسيطة, بأطلعكم على الصور لمن أخلص منه..

بس تدرون؟ مافيه مانع أعطيكم (طلة)...

http://www.jojokw.net/uploading/IMG_0003.JPG


http://www.jojokw.net/uploading/IMG_0008.JPG



http://www.jojokw.net/uploading/IMG_0010.JPG (http://www.jojokw.net/uploading/IMG_0010.JPG)







http://www.jojokw.net/uploading/IMG_0024.JPG (http://www.jojokw.net/uploading/IMG_0024.JPG)


http://www.jojokw.net/uploading/IMG_0018.JPG (http://www.jojokw.net/uploading/IMG_0018.JPG)



http://www.jojokw.net/uploading/IMG_0013.JPG (http://www.jojokw.net/uploading/IMG_0013.JPG)




ويا جماعة الخير, إذا أحد فيكم شايف أنه فيه شي غلط أسويه أو أي تعليق أو سؤال فتكفون, ترون (تكفا) تهز الرجاجيل, لا تبخلون علينا...
حنا ما جينا هنا إلا لتبادل الخبرات ونستفيد من بعض.
والله يجزاكم بالخير.
azi300z
19-04-2006, 01:35 AM
مشالله عليه

:)
TOP-GUY
22-04-2006, 07:30 PM
؟؟؟!؟!؟!؟
Moz3ej
22-04-2006, 11:15 PM
ماشاءالله عليها

الله يحفظها ويخليها لك



بس حبيت استفسر عن شي .. ملاحظ رجلها اليسار ..

طول الوقت رافعتها .. هل هذا طبيعي ولا لا؟؟

لأني مو خبره بالطيووور .. فـ حبيت اعرف بس :)
جريحة الحياة
23-04-2006, 03:06 AM
هلا وغلا اخوي

تجنن ماشاء الله عليهااااااااا
اشتقت لميسووون وايد ولشقاوتها :)

*بالنسبه للسباحه اغلب الطيور يخافون ,, حاول تحط لها طاسه فيها ماي ,, واصبر عليها وان شاء الله تحبه
*اما للكلام فيهم بسرعه يتكلمون ,, الي عندي بعد سنه واكثر اعتقد تكلم كلمتين
والباقي مشربك الكلام :p ,,,
والي اعرفه تقولها كلمه حبيبي 3 او 4 مرات باليوم الكاسكو مايستوعب الجمل الطويله
و لان بتتخربط وماتعرف شنو تقول من كثر الكلام فحالياً قولها بس كلمه حبيبي . <<<<<الكلام هذا من ابوي :>
*والبراز (( وانتم بكرامه )) عندي كتاب عنه ان شاء الله اطبعه وارسله لك .

تسلم ايد حلوووووو البيت بس براي مجرد راي طبعاً تحط زرع طبيعي افضل واحلى


اااااسفه على الاطاله :rolleyes:

انتظر القادم بشوق


تحياتي لك بالتوفيق
TOP-GUY
23-04-2006, 09:10 PM
هههههههههههههههه

لا أخوي مزعج أبداً, ذا جداً طبيعي, هذا دليل من الطير على الراحة والأمان
TOP-GUY
23-04-2006, 09:20 PM
السلام عليكم..

جريحة الحياة
كم تسعدني مشاركتك جداً,:)


* بالنسبة للسباحة, الله يعين, توها صغيرونه وماتعرف المويه, الظاهر يبالها ببغاء ثاني تتعلم منه.

* الكلام,,!,!,! غريبة, اللي شريت منه ميسون يقول - وهو عنده خبرة وايد- ممكن انهم يتكلمون بعمر شهرين, بس سالت خبير يقول انها حالة غير شائعة بان تتكلم الطير قبل عمر 6 شهور. وهذا موقعه:
http://www.birdtricks.com/survey2.shtml

* أنتظر كتباك بفارغ الصبر;)

ولك كل شكري وامتناني ولك كل من شارك معنا:rolleyes:
mmya1
02-05-2006, 11:29 PM
ماشاء الله عليه والله يباركلك فية ويتربى بعزك وخلي بالك علية بس أنا حابب أعرف معلومات عن المصدر الإنت جبتو منو لأني ماشوفت بالسوق ببغاء من هذا النوع وبهاذا العمر وهل الشخص الشتريتو منة هو البفرخ هذا النوع من الببغاوت وإذا ممكن بكام إشتريتوا
NONO
03-05-2006, 03:26 PM
مشكور أخوي ع الموضوع الصراحه اندمجت في الموضوع

ونال أعجابي الصور الرائعه والمنظر الجميل وان شاء الله نسمع منك ونستفيد..

يعطيك العافيه..والله يخليه لك ميسون..
TOP-GUY
18-05-2006, 12:30 PM
الأخ mmya1

المصدر هو شخص متخصص من الدمام, يفرخ الكاسيكو, وصعب تفريخ هذا النوع عشان كذا تندر فروخ زي هذي, وسعره غالي شوي, لكن للي يفهم بالكاسيكو ما يقول غالي...



NONO
الله يسمع منك وانا بعد ودي اسمع من الجميع ونستفيد
ابو الليل
08-06-2006, 04:30 PM
ماشاء الله تبارك الله يتربى في عزك مع انها متأخره فرخ جميل ونظيف ماشاء الله
طبعاً سؤالي مثل الاخوة ابي مصدر البائع انا ادور لي فرخ بعمر شهرين والسعر مو مشكلة فوق الالفين مثل ماقلت يستاهل الفررررخ المحلي انتظر ردك هنا او في الخاص بلييييز ضروري
الله يعطيك العافية
عاشق الهامستر
08-06-2006, 05:29 PM
مشكور أخوي