موني ..صار فيها التهاب معوي.. =(

[الشــيرازيــه]

اهلين ياجماعه..

اليوم رحت لواحة الحيوان..علشان قطقوطه مدحتلي دكتور عندهم كويس اسمه سيد..بس للاسف اليوم جمعه وعنده اجازه..ومافيه الا الدكتور قاسم..اظنه اردني..وماشاالله عليه امبين عليه شاطر..شرحتله بالتفصيل وش صاير لموني..من طق طق لسلام عليكم..وكشف عليها ياعمري دخل فيها حديده زي مقياس الحراره..وتعورت المسكينه..على العموم قالي انو الامعاء عندها فيها فيروس او تعبانه ..وانو التشنجات اللي جتها ابدن مو كويسه وحتأثر فيها لآكبرت..وهالشي اللي فيها يافيروس ياماكله اكل متسمم..ياداخلها برد ..وشاورني وقالي انصحك ترجعينها او تبدلينها ..لانو حرام من جد يلعبو عليك..يكفي كذبو عليك وقالو انها مزكمه..وهي ابدن مو مزكمه ويكفي انها ماعطست..
وقالي لاعاد تعطينها اكلها الاول..وعطاني اكل جديد لها يكفيها ليومين..وبرضو عطاني دواء ..وقالي لآخر المساء اذا ماصارت كويسه ..انصحك ترجعيها..

وش رايكم..!!

هذا أكلها القديم-ريحته جداً معفنه وآلاحظ فيه زي الجلاتين..وهو لحم ارنب وفيه منه سمك(سلمون)
http://www.gulflobby.net/upload/uploads/8985537265.jpg

وهذا الاكل الجديد..دجاج طري مع مرق

http://www.gulflobby.net/upload/uploads/7f0f05940c.jpg
وهذا الدواء اعطيها فترتين صباح×مساء

http://www.gulflobby.net/upload/uploads/4f3b985d58.jpg

وش رايكم ياجماعه ..انا تعلقت فيها بصراحه..وفوق كيذا ابغى اتهنى فيها..موب كل شي رايحه فيها لعياده وادويه وحوسه..!!

والله احترت..:confused:

[ثعبان]

الأكل اللي وصفة لك كويس للقطط

والدواء اللي أخذتية عباره عن مضاد حيوي

على العموم الحمدلله على السلامة وتحملي البسس وهي صغيره مشاكلها كثيره

وماعليك الا انك تصبير

وتحياتي لك

[فطوم]

الله يشفيها انشالله لاتخافين انشالله ماكو الا الخير بس انا انصحك انها بعد ماتتشافى ماتعطينها غير الدراي فود(البسكوت) والماء فقط وانا القط مالي هذا نظامه الغذائي صارله 3 سنين والله يشهد انه ولا مره أصابه اي مرض وصحته ممتازه.....


ثعبان ماشالله عليك خبير بكل شي اخاف احسدك ويصير فيك شي ماشالله مااااااااشااااااءالله

[Withered Rose]

ماشاءالله ثعبان حتى انا اخاف احسدك ماشاء الله:d
يا رب تشافيها و الله يقومها بالسلامة ان شاء الله و تصير احسن من قبل :)

[FAISAL//AB]

الدوا مثل ماقال اخوي ثعبان مضاد حيووي


وانا قد استخدمته قبل ...


واهتمي بقطوتك ولاتاكلينها كل شوووي اعملي لها وجباااات


يعني الكيس مال "ويسكاس" عطيها منه ثلاثه في اليوم صبح وعصر وليل


والماي حطيه 24 ساعه ... وانتبهي لدرجه حرارة الغرفه لاتكون بارده او حاره

وافضل تكون بمكان يكون فيه زل يعني مش رخااام.. ويكون مكان يتبدل الهواء فيه

يعني بين فتره وفتره تفتحين الشباااك والصبح افتحيلها الشباك وسكري الشبك وخليها تجلس جمبه طبعا لاتجبرينها بس هي بنفسها بتروح


والله يشفيها ان شالله ..

ولاتنسين تراجعين الطبين بين فتره وفتره عشان يتاكد من صحتها وتابعيها اول باول

ولاسمح الله لو صار شي او شي على طول اخذيها عنده وخليه يفحصها

[عاشق الحيوانات]

انشاء الله تتعافا وتربى بعزج

[my_der]

انا قلتلك لا تاكلينها سمك اوتونه او حتى سلمون لكن ما سمعتي الكلام

خليكي على الدراي فووود وكمان اكل البيت النظيف يعني تقطعينلها صدره الدجاج حق الغدا الي يكون زايد مو حار ولا بارد ولا بايت (حق امس يعني) وانصحك الاكل المعلب هاذا لا تقربينه منها


حتى النوع الويشيكاتس الجديد الي عطاك اياه الدكتور لا تاكليها منه كله مواد حافظه ويجيب اسهال وريحته جدا جدا جدا خايسه

وتيك كير كل حلاوه ولها نار

[twety]

الحمدلله على سلامتها ..
وماتشوف شر =)

واتبعي اللي قال لك الدكتـور ..

وطمنينا عنهـا =)

[فطوم]

انا اردد واكرر لاتعطون قططكم اكل غير الدراي فود لانه كل الدكاتره والمواقع الاجنبيه تقول جذي لانه في كل القيمه الغذاائيه واكبر مثال القطو مالي صحته فل الفل واهم شي الماء ترا القطط بالذات االشيرازيه تموت عالمااااااااااء

[الشــيرازيــه]

حيا الله كلن بأسمه ..هلا وغلا بكل من رد..بس فطوم بسالك..الحين يعني ااكلها دراي فود ..طيب وش نوع البسكوت..وهل هو مخصص لها..طيب طول حياتها تقعد تاكل فيه..مااغير لها ابد..وانوع بالاكلوعلى فكرة مون ماتشرب ماي كثير ..اشربها برضاعه ..وعلى فكره ماقلتولي ..ابدلها واسمع كلام الدكتور..ولا اتحمل واصبر

[قطقوطه]

هلا اختي
زي ما توقعت تمام التهاب معوي جا لقطوتي ميمي

بس بقول لك شي اختي علشان لا تتفاجئين
القطوه صغيره بالسن وما تطعمت ومرض زي ذا يعتبر قاتل انشاء الله تتعافى لكن حطي ببالك ممكن تفقدينها لا تتعلقين فيها كثير واسفه اذا كلامي جارح بس ما ودي تنصدمينى لا صار شي وخلي املك بالله كبير وانشاء الله تتعافى ولا صار لك وقدرتي يشوفها دكتور سيد يكون افضل


تحياتي

[الشــيرازيــه]

قطقوطه =(رايك ارجها للحياة والطبيعه ..

[قطقوطه]

لا خلك بالواحه احسن من الحياه

وانشاء الله خير

[my_der]

يا جماعه والله المحلات مالها ذنب في القطوه ولا لهم علاقه لا من قريب ولا بعيد واغلب الدكاتره هذول نصابين بياعين حكي يعني او بالاحرى يسون دعايه للمحل الي هم شغالين فيه يعني لا تعطونهم اذنكم

القصه وما فيها انو هاذي ارواح ومر عليها كل الي يمر علينا وحنا ناس نبي نشتري ونمتلك الشي بدون ما نكون مثقفيلن ودارسين وعارفين كيف نعتني نبي قطوه وخلاص ولا ونتشرط نبيها صغيره وحنا ما نعرف انو القطوه لمن تكون صغيره يبيلها 10 اضعاف العنايه بالكبيره وعنايه لصيقه ويالله ياساتر انها تنجو لانو مناعتها تكون ضعيفه وخاصه الشيرازيه الاصيله وناعتها تضعف اكثر لمن نطلعاه من البيت او عن تنقلها من مكان الى مكان يعني من عند راعيها الي باعها على المحل (يعني لا تفكرون انها مولوده عند المحل لا تراهم شارينها من ناس) وبعدين تنتقل من لمحل الى المالك الجديد يعني تمر مسكينه بضغط نفسي عظيم

والله الموفق

[الشــيرازيــه]

مير دير..المحلات لها اكبر ذنب..لانها هي الاساس تبيع وتكذب على اللي بيشتري وترفع فيه وهذا مافيه ازين منه وجاي من الدوله كذا..والمشتري مسكين قعد يسمع بهالمواصفات وانخدعوانت برضو زي ماقلت الدكاتره بياعين حكي زي ماقالي هذا الدكتور بيعيها او استبدليها واحنا عندنا من جد خلاني احقد عليه ..بس مو قهر اول شي انك تتمنى شي ويجيك ويوم يجيك يضيع منك بسبب مو منك من المحل نفسه اللي لعب عليك وغشكوثاني شي من جد خساره على اللي يشتري ولا تنسى اسعار القطاوه غاليه عندنا في السعوديه من 3000 آلاف وفوق حتى لو هي بالمهادوانا يااخوي ماقصرت والله اني معها لدرجه ماصرت انام كل عشان اراعيها لاني من جد تعلقت فيها وابيها تشفى ..وشي طبيعي تمر بضغط نفسي ..لو اني مكانها بنفجر بس المعامله الزينة والمكان والبيئه هي اساس كل شي

[قطو_Q8te]

لاتيئسين
كان عندنا قطه حاشها فايروس هوا و سقووط شعر بالهبل
اعتنينا فيها وحبيناها وماشالله سبحان الله اتحسين انها حست بحبنا لها وعنايتنا لها يعني صج كنا نشوفها تتئلم لككن ستل عايشه
والحين عطيناها خالي وماشالله عاشت وخلفت 4 كتاكيت

[الشــيرازيــه]

<< النفسيه دمار



ياناس شورو علي


ارجعها وووووووولا .. ولا اصبر كود انها تطيب

[قطقوطه]

انا اقول رجعيها احسن ما صار لها 4 ايام عندك وصار فيها مرض مره خطير

تحياتي

[my_der]

مير دير..المحلات لها اكبر ذنب..لانها هي الاساس تبيع وتكذب على اللي بيشتري وترفع فيه وهذا مافيه ازين منه وجاي من الدوله كذا..والمشتري مسكين قعد يسمع بهالمواصفات وانخدعوا

شلون المحلات لها نب هو ماكب عليكي بالمواصفات هو عطاك المواصفات زي ما هي و انتي قبلتي بيها لكن كان المفروض تشرطون عليه انو تفحصها خلا 24 ساعه واذا طلع فيها شي ترجعونها له على طول يعني مو عد 4 ايام او اسبوع

الادمي يموت في لحظات ويمرض في لحظات ما بالك بقطوه يا جماعه فكرو بمنطقيه شوي لا تاخكم العاطفه والحرقه على الفلوس في الحكم على الشي

ثانيا الا لو كل القطط الشيرازيه الي انولدت عاشت وكبرت وخلفت كان ما لقينا مكان نحطفيه رجولنا لكن هاذي حكمة الخالق في كل شيء

ثالثا ارجو انك تكلميني اذا بستك لسه عايشه ضروري جدا جدا جدا علشان استفسر ايش ساير فيها بالضبط وافيدك بطريقة علاجها وانشالله انها ازمة وتعدي

(0567808507) محمد

[قطقوطه]

اخوي ماي دير المحلات عندنا لما تشتري اي حيوان يعطوك ضمان لمده اسبوعين اذا صار فيها مرض او ماتت لها احقيه استبدالها علشان كذا انا اقول لها بدليها قبل لا يصير شي
والقطوه مرضت بعد ثاني يوم من جابتها يعني احتضنت الفايروس عندهم وكلنا نعرف ان الفايروس لما يصيب يقعد فتره احتضان وبعدها باسبوع او اسبوعين تطلع اعراض المرض وهاذي طلعت من ثاني يوم

تحياتي

[LuCkY gIrL]

قطقط احسن انك حدا الدكاترة الللي بواحة الحيوان :confused:



شيرازيه

روحي لحق فيفا ولا حق غرائب الحيوانات اللي عند الفيصليه

[قطقوطه]

لكي قيرل مو حدي دكاتره الواحه بس انا دايره على اغلب البيطرين اللي بالرياض وهم احسن شي بشهاده الجميع
حق فيفا الهندي انا رايحه له وربي ما عنده ما عند جدتي

[ابووو^القطاوة]

انا من راي ترجعينها احسن واستبدليها بوحدة غير واول شي تسوينا تفحصينها عند البيطري بسرعة عشان تتاكدين واللة يساعدك ويوفقج انشاللة

[الشــيرازيــه]

مشكورين يالغالين على الرد ..وانشالله بشوف حل للموضوع ..دام السالفه في حضن فيروس

[LuCkY gIrL]

قطقط مب اقصد حدك =)

يعني انتي شكلك حدا الدخاترة