موني ..صار فيها التهاب معوي.. =(

[الشــيرازيــه]

اهلين ياجماعه..

اليوم رحت لواحة الحيوان..علشان قطقوطه مدحتلي دكتور عندهم كويس اسمه سيد..بس للاسف اليوم جمعه وعنده اجازه..ومافيه الا الدكتور قاسم..اظنه اردني..وماشاالله عليه امبين عليه شاطر..شرحتله بالتفصيل وش صاير لموني..من طق طق لسلام عليكم..وكشف عليها ياعمري دخل فيها حديده زي مقياس الحراره..وتعورت المسكينه..على العموم قالي انو الامعاء عندها فيها فيروس او تعبانه ..وانو التشنجات اللي جتها ابدن مو كويسه وحتأثر فيها لآكبرت..وهالشي اللي فيها يافيروس ياماكله اكل متسمم..ياداخلها برد ..وشاورني وقالي انصحك ترجعينها او تبدلينها ..لانو حرام من جد يلعبو عليك..يكفي كذبو عليك وقالو انها مزكمه..وهي ابدن مو مزكمه ويكفي انها ماعطست..
وقالي لاعاد تعطينها اكلها الاول..وعطاني اكل جديد لها يكفيها ليومين..وبرضو عطاني دواء ..وقالي لآخر المساء اذا ماصارت كويسه ..انصحك ترجعيها..

وش رايكم..!!

هذا أكلها القديم-ريحته جداً معفنه وآلاحظ فيه زي الجلاتين..وهو لحم ارنب وفيه منه سمك(سلمون)


وهذا الاكل الجديد..دجاج طري مع مرق


وهذا الدواء اعطيها فترتين صباح×مساء



وش رايكم ياجماعه ..انا تعلقت فيها بصراحه..وفوق كيذا ابغى اتهنى فيها..موب كل شي رايحه فيها لعياده وادويه وحوسه..!!

والله احترت..

[ثعبان]

الأكل اللي وصفة لك كويس للقطط

والدواء اللي أخذتية عباره عن مضاد حيوي

على العموم الحمدلله على السلامة وتحملي البسس وهي صغيره مشاكلها كثيره

وماعليك الا انك تصبير

وتحياتي لك

[فطوم]

الله يشفيها انشالله لاتخافين انشالله ماكو الا الخير بس انا انصحك انها بعد ماتتشافى ماتعطينها غير الدراي فود(البسكوت) والماء فقط وانا القط مالي هذا نظامه الغذائي صارله 3 سنين والله يشهد انه ولا مره أصابه اي مرض وصحته ممتازه.....


ثعبان ماشالله عليك خبير بكل شي اخاف احسدك ويصير فيك شي ماشالله مااااااااشااااااءالله

[Withered Rose]

ماشاءالله ثعبان حتى انا اخاف احسدك ماشاء الله:d
يا رب تشافيها و الله يقومها بالسلامة ان شاء الله و تصير احسن من قبل

[FAISAL//AB]

الدوا مثل ماقال اخوي ثعبان مضاد حيووي


وانا قد استخدمته قبل ...


واهتمي بقطوتك ولاتاكلينها كل شوووي اعملي لها وجباااات


يعني الكيس مال "ويسكاس" عطيها منه ثلاثه في اليوم صبح وعصر وليل


والماي حطيه 24 ساعه ... وانتبهي لدرجه حرارة الغرفه لاتكون بارده او حاره

وافضل تكون بمكان يكون فيه زل يعني مش رخااام.. ويكون مكان يتبدل الهواء فيه

يعني بين فتره وفتره تفتحين الشباااك والصبح افتحيلها الشباك وسكري الشبك وخليها تجلس جمبه طبعا لاتجبرينها بس هي بنفسها بتروح


والله يشفيها ان شالله ..

ولاتنسين تراجعين الطبين بين فتره وفتره عشان يتاكد من صحتها وتابعيها اول باول

ولاسمح الله لو صار شي او شي على طول اخذيها عنده وخليه يفحصها

[عاشق الحيوانات]

انشاء الله تتعافا وتربى بعزج

[my_der]

انا قلتلك لا تاكلينها سمك اوتونه او حتى سلمون لكن ما سمعتي الكلام

خليكي على الدراي فووود وكمان اكل البيت النظيف يعني تقطعينلها صدره الدجاج حق الغدا الي يكون زايد مو حار ولا بارد ولا بايت (حق امس يعني) وانصحك الاكل المعلب هاذا لا تقربينه منها


حتى النوع الويشيكاتس الجديد الي عطاك اياه الدكتور لا تاكليها منه كله مواد حافظه ويجيب اسهال وريحته جدا جدا جدا خايسه

وتيك كير كل حلاوه ولها نار

[twety]

الحمدلله على سلامتها ..
وماتشوف شر =)

واتبعي اللي قال لك الدكتـور ..

وطمنينا عنهـا =)

[فطوم]

انا اردد واكرر لاتعطون قططكم اكل غير الدراي فود لانه كل الدكاتره والمواقع الاجنبيه تقول جذي لانه في كل القيمه الغذاائيه واكبر مثال القطو مالي صحته فل الفل واهم شي الماء ترا القطط بالذات االشيرازيه تموت عالمااااااااااء

[الشــيرازيــه]

حيا الله كلن بأسمه ..هلا وغلا بكل من رد..بس فطوم بسالك..الحين يعني ااكلها دراي فود ..طيب وش نوع البسكوت..وهل هو مخصص لها..طيب طول حياتها تقعد تاكل فيه..مااغير لها ابد..وانوع بالاكلوعلى فكرة مون ماتشرب ماي كثير ..اشربها برضاعه ..وعلى فكره ماقلتولي ..ابدلها واسمع كلام الدكتور..ولا اتحمل واصبر