[Luis]

وااااو...كيوتين بصراحه..

والاخيره الصغيره مررره حلوة..

بالنسبه للدراي فود..تأكدي منه اذا للبالغين

مايصلح تخلين الصغار ياكلون منه..لأنه ممكن يكسر اسنانهم

وهم توهم صغااااار..اما اذا كان للكيتنز فعااادي..

وبالنسبه للعطاس..حاولي تخلينهم في غرفه مش مكيفه مررره...

يعني الجو في الغرفه يكون معتدل...وان شاء الله يروح العطاس..

كذلك اذا كنتي حاطتهم بغرفه تأكدي تزيلين الغبار اذا الغرفه فيها غبار..

وبالنسبه للاستحمام...عااادي مايحتاج تودينها محل..الا اذا كنتي خايفه

مثلا من تحميمهم...وماعندك خلفيه كيف يكون...فالطريقه سهله..

اول شي تخلين درجة حرارة الماء معتدله..لا بارد ولا حار..ومايكون

مررررررة داااااافي..يعني درجة الدفئ تكون معقوله..

وتكونين شايله القط بيد .. واليد الثانيه تبتدين تاخذي فيها مويه

شوي شوي..وتمسحين على القط..ولحسيتي انك بللتيه..

حطيه في الحوض اللي فيه المويه...واخذي مويه وبلليه زياده..

والشامبو..سمعت ناس ينصحون بجونسون للاطفال..وسمعت

ينصحون بهيربل اسنسز...وناس تقول نيزورال هو الافضل..

والافضل طبعا شامبو خاص لهم..

ولما تحممينه انتبهي للعيون والفم..وكذلك الانف..والأذان لا يدخلهم المويه..

وبعدين اخذيه بفوطه ولفيها عليه مثل الطفل..

ووديه غرفه دافيه..واذا توفر فوطه ثانيه غيري الفوطه الأوليه..

ونشفيه مزبوط..والغرفه تكون مش مكيفه طبعاً..وفيه خيارين للتنشيف..

اما تخلينه بالغرفه ساعتين او 3 ينشف لحاله...بدون مكيف..

او تجيبين سشوار..وتنشفينه.. وديري بالك تقربي السشوار..

خلي بينه وبين جسم القط مسافة ذراع تقريباً..

لأني انا كنت مقربه من قطوتي..وطاحت خصل منها..

وبالأخير..التحميم يحتاج صبر ووقت..

فإذا انتي فاضيه..وما عندك مشكله انه يمخش يدينك اشوي ..حمميه..

بس تقدرين تخلين حد يساعدك فالتحمم عشان تتجنبين التمخيش..

انتي تمسكينه..واللي معاك يرش المويه عليه ويمسح المويه والشامبو..

وأخيراً..أتمنى أفدتك بما عندي..

تحياتي,,