ابي مساعده في عدة اشياء واهمها نوع القطه الي جوا

[مخمليه]

هاي السلام عليكم

كيفكم انا تقدرون تقولن مبتدئه بتربية القطط

وترها مو لي لي واحد مسافر ومخليهم عندي

وحبيتهم مره مره وافكر اربي قطط

بس ودي اعرف وش نوع هذي القطه طبعا هي ام ل 5 كتوات اعمارهم يمكن شهر كذا













بنتها مدري ولدها




..



ودي اسئل اذا حطيت اكل لامهم طبعا الدراي فود يكون عيالها ياكلون معها وهم يرضعون

عادي يكلون هالاكل ولا لسى صغار لان يمكن اعمارهم بحدود شهر شهر وشوي ماني متاأكده

انتو شوفو بنتها واحكم على العمر

وغير كذا تعاطس اوديها الطبيب ؟

والصغار تعادو من امهم صارو يعاطسون

وعادي انا اروشهم في البيت ولا لازم عند محل عشان ينظفهم صح

<< سوري على البربره الواجده

وانتظركم

وموفقين


نسيت اقولكم ترى ابوهم بلدي

[Octopus]

سوف أجوابك على أسلئتك كلهم
الام نوعها شيرازي
القطو الصغير ولدها بيطلق عليه رومي وهو نتيجة زواج الشيرازي بالبلدي
ودي اسئل اذا حطيت اكل لامهم طبعا الدراي فود يكون عيالها ياكلون معها وهم يرضعون
يقدرون يالكلون بما ان عمر الصغار الحين ثلاث شهور

وغير كذا تعاطس اوديها الطبيب ؟
والصغار تعادو من امهم صارو يعاطسون

لو حسيتي أنها وايد تعطس هي وعيالها وديها البيطري

وعادي انا اروشهم في البيت ولا لازم عند محل عشان ينظفهم صح

لازم في المحل

<< سوري على البربره الواجده
المهم أن ساعدنكي

و تاكدي من تطعيهم

وحبيتهم مره مره وافكر اربي قطط

لو وافق صاحبهم واهلك

تقدر تاخذين واحد من الصغار الحلوين بعد ما يعتمد على نفسه

وأنا شاء تشوفين أحفاد أبوهم

[مخمليه]

مشكوووور خيووووووو

بجد نفعتني

صاحبهم اصلا يقولو اختارو وحده بما اننا خليناهم عندنا عربون صداقه ههههههه

واهلي ماعندهم مشكله

والله يعطيك العافيه يالغلا

ماقصرت والله

[Luis]

وااااو...كيوتين بصراحه..

والاخيره الصغيره مررره حلوة..

بالنسبه للدراي فود..تأكدي منه اذا للبالغين

مايصلح تخلين الصغار ياكلون منه..لأنه ممكن يكسر اسنانهم

وهم توهم صغااااار..اما اذا كان للكيتنز فعااادي..

وبالنسبه للعطاس..حاولي تخلينهم في غرفه مش مكيفه مررره...

يعني الجو في الغرفه يكون معتدل...وان شاء الله يروح العطاس..

كذلك اذا كنتي حاطتهم بغرفه تأكدي تزيلين الغبار اذا الغرفه فيها غبار..

وبالنسبه للاستحمام...عااادي مايحتاج تودينها محل..الا اذا كنتي خايفه

مثلا من تحميمهم...وماعندك خلفيه كيف يكون...فالطريقه سهله..

اول شي تخلين درجة حرارة الماء معتدله..لا بارد ولا حار..ومايكون

مررررررة داااااافي..يعني درجة الدفئ تكون معقوله..

وتكونين شايله القط بيد .. واليد الثانيه تبتدين تاخذي فيها مويه

شوي شوي..وتمسحين على القط..ولحسيتي انك بللتيه..

حطيه في الحوض اللي فيه المويه...واخذي مويه وبلليه زياده..

والشامبو..سمعت ناس ينصحون بجونسون للاطفال..وسمعت

ينصحون بهيربل اسنسز...وناس تقول نيزورال هو الافضل..

والافضل طبعا شامبو خاص لهم..

ولما تحممينه انتبهي للعيون والفم..وكذلك الانف..والأذان لا يدخلهم المويه..

وبعدين اخذيه بفوطه ولفيها عليه مثل الطفل..

ووديه غرفه دافيه..واذا توفر فوطه ثانيه غيري الفوطه الأوليه..

ونشفيه مزبوط..والغرفه تكون مش مكيفه طبعاً..وفيه خيارين للتنشيف..

اما تخلينه بالغرفه ساعتين او 3 ينشف لحاله...بدون مكيف..

او تجيبين سشوار..وتنشفينه.. وديري بالك تقربي السشوار..

خلي بينه وبين جسم القط مسافة ذراع تقريباً..

لأني انا كنت مقربه من قطوتي..وطاحت خصل منها..

وبالأخير..التحميم يحتاج صبر ووقت..

فإذا انتي فاضيه..وما عندك مشكله انه يمخش يدينك اشوي ..حمميه..

بس تقدرين تخلين حد يساعدك فالتحمم عشان تتجنبين التمخيش..

انتي تمسكينه..واللي معاك يرش المويه عليه ويمسح المويه والشامبو..

وأخيراً..أتمنى أفدتك بما عندي..

تحياتي,,

[sisi_moon]

هلا حبيبتي .. منوووورتنا

القطوه الام نوعها شيرازي لكن مهجنه .. بس حللللوه الصرااحه مرره

والقطط الصغيره من عمر شهر تبدأ تااكل .. ومدامها قامت تاكل دراي فود خليهم ياكلون مو مشكله

وبعد جيبي لهم جبن مثلثااات او جبن سلايس واكليهم مرره يحبووونه

وبعد الدجاج المسلوق مع الخضاار .. روعه لهم وللأم

وبالنسبه للعطاس

لو كمن مره بس باليوم .. عادي طبيعي

اما لو بكثرررره ومصاحب معه سيلان في الانف وقله في النشاط في هالحاله ممكن معهم برد

لالا روشيهم انتي في البيت أحسن

ممكن أول مره تخافين لكن بعدين تتعودين ويصير أمر عادي

لان المحلات بعضهم قبل لايحممون القطوه يعطونها بنج !..! عشان ماتتحرك عليهم

عادي حمميهم انتي بالهدااااوه وخلي يد عند رقبتهم من فوق عشان لو بدوا يتحركون امسكي الجلده الزايده عشان تتحكمين نوعا ما في حركتهم ..

بس الصغار طبعا مو الحين تحممينهم .. خليهم يكملون شهرين وحمميهم .. لساتهم صغاار

وبالتوفيق ياقلبي

[مخمليه]

مشكوون وربي مااقصرتوووو

بالنسبه للتحميم انا خفت ووديناهم محل حيوانات

والاكل غصب ياكلون اشيلهم يرجعون احسهم جوعانين وارحمهم

ومدام مافيه مشكله الحمدلله عليهم بالعافيه

صلحت لهم بطاطس مسلوق وجزر مسلوق وهرستهم وحطيت دجاج مسلوق معه ماكلوه ابد ابد مدري ليه

بحاول بالجبن للصغار واذا امهم كلت خير وبركه

الله يعطيكم العافيه وربي ماقصرتوو