بشتري قطو .. بس محتار وش يصلحلي ؟!!

[#بوجاسم#]

السلام عليكم ورحمة الله وبركاته

أحب أولاً أشكر الإداريين والمشرفين والأعضاء النشطين على تعاونهم و إبداعاتهم في هذا المنتدى

الرائع .. وأتمنا تقبلوني صديق جديد لكم بالمنتدى ^^ المهم ما أبي أطول عليكم .. وبصراحة

عندي لكم طلب ياليت ما تبخلون على بالإجابة .. وطلبي هو :

بصراحه أنا هاوي طيور ودايماً أربي طيور .. لكن هذي المره حبيت أغير و قلت بشتري قطه و أربيها

لكن أنا مثل كثير من الناس .. ما أعرف عن عاداة القطط ولا عن طرق التعامل معهم ولا عن أنواعهم

ولاشي .. أنا خبرتي في القطط شبه معدومه .. علشان كذا بغيت منكم مساعدة ..

أبي نصيحتكم وشوركم في القطو الي بشتريه ..؟ و أنا بصراحه سمعت وشفت عند ناس كثيره

أعرفها أن الشيرازي محبوب و أكثر الناس تقتنيه لأنه جميل .. طيب أنا أهم شي عندي في القطو

الجمال .. أتمنى تنصحوني بقطو بالمواصفات التالية : ^^

1- أنه يكون جميل جداً ^^ ( وهذا اهم شي عندي )

2- يكون من النوع الودوووود جداً جداً لأني أحب القطط المتواددة ^^

3- أشوف في بعض المواضيع مثلاً يقولون ميزة القطة أنها صياد ؟!! مدري وش صياد بس شكلها

صفه حلوه يعني يصيد و خبير .. أي أبي القطو يكون صياد ^^

4- وأبي القط يكون هادء جداً وغير فوضوي ^^

بس هذا كل شي ^^ أدري كثرة المواصفات بس شسوي ما عندي خبره بالقطط أخاف بكره

أشتري واحد و يسويلي مصيبه بالبيت +__+!! علشان كذا أنا محتاج مساعدتكم ...

وآخر طلب عندي .. نوع القط ( ذكر -أنثى) أتمنى بعد تقولون لي مين الأقرب للمواصفات الي

طلبتها الذكر او الأنثى لأني بصراحه أتوقع أتوقع الأنثى تكون أكثر موده وهدوء من الذكر .. مدري بس

أبيكم تطمنوني ظني في محله ولا لا ؟

ويعطيكم العافية .. أنا بنتظار ردودكم الحلوه ..

تحياتي أخوكم الجديد : محمد

[TOTA CAT]

اهلا بيك اخى معانا
ومن الموصفات اللى انت كاتبها للقطه اللى انت عاوزها يبقى الشيرازى النوع المطلوب وكمان الانثى هتكون افضل من حيث الهدوء لكن متنساش الحمل والولادة وخلى بالك من طيورك والقطة
والافضل انك تجيب قطة صغيرة وافضل عمر هو3شهور بالنسبة لانك اول مرة تربى قطط وكمان علشان تعودها على طريقتك وطباعك بالشكل اللى تحبة
ومبروك مقدما على القطة الجديدة
واى سوال تحبة كلنا موجودين

[Lonely Hunter]

ياهلا فيك معانا بو جاسم
و نورت المنتدى

و ان شاء الله انشوف قطك المستقبلي معانا ^^

1- أنه يكون جميل جداً ^^ ( وهذا اهم شي عندي )

الجمال يختلف من منظر كل واحد , بس الاغلبيه يتفقون على الشيرازي و الانقورا

2- يكون من النوع الودوووود جداً جداً لأني أحب القطط المتواددة ^^

الشيرازي مايتودد على صاحبه كثير , بس وقت الاكل , و لمه يكون عمره صغير
اما الانقورا و القطط اللي شعرها قصير تكون حبوبه وودوده

3- أشوف في بعض المواضيع مثلاً يقولون ميزة القطة أنها صياد ؟!! مدري وش صياد بس شكلها صفه حلوه يعني يصيد و خبير .. أي أبي القطو يكون صياد ^^

يعني اذا شاف فار او طير بيحاول ان يهجم عليه و يصيده
و هذه الصفه موجوده باغلب القطاوه

4- وأبي القط يكون هادء جداً وغير فوضوي ^^

اذا ابتعد عن القطط الصغيره لانها بتعبك اذا ماكان عندك وقت لها
و ابتعد عن القطط ذات الشعر القصير و الانقورا و السيامي لانها قطط نشيطه و تحب اللعب و التعبث بالبيت

الشيرازي اهوه القط المناسب لك .. اخذلك انثى عمرها بين 7 اشهر و سنه
بترتاح معاها نسبيا و تستطيع تعليمها على اللي يجوز و اللي مايجوز

و هذا موضوع بيفيدك في الحصول على كل المعلومات اللي تبيها عن القطط

http://www.2zoo.com/vb/showthread.php?t=24466

[رعوود]

اخوي لونلي

ما قصرو وجاوب على كل شي


لكن بضيف على كلامه شي بسيط


انت تبي قط هادي خذلك الشيرازي زي ما قال لكن يكون بيكي فيس هالنوعية خموله وهاديه مره ما تحوس واجد

اما الموت والفلات فهذولي يلعبون مو هاديين زي البيكي

وبالتوفيق

[Lonely Hunter]

فعلا

البيكي اهو اخمل نوع .. و كل ماكبر كل مازاد خموله

و هذه صور له

http://images.google.com/images?gbv=...&q=persian+cat

[الصوري]

الشيرازي

[#بوجاسم#]

مشكورين اخواني على ردوودكم الحلوه .. وأنا إن شاء الله بتفق مع الي نصحوني بالشيرازي

وراح ادوري واحد صغير بعمر 3-5 شهور ^^ تحية طيبة للجميع و أشكركم مره ثانيه على الترحيب

فيني ^^ جزاكم الله كل خير ..

تحياتي : محمد

[نوني]

انسب شي لك الفارسي او الهملايا


وبالعكس الشيرازي مرره ودود اتوقع كل واحد وعلى حسب تعويده لقططه يعني يلعب معها ويتقرب منها ويمسح عليها الخ

[عاشق الازرق]

شف اخوي
الشيرازي شكله حلو بس فيه مشكله
يحب التسدح والتبطح يعني كسول لاخر درجه
ومو لعوب وثقيل طينه

ودمت بحفظ الرحمن