ممكن سؤال لو سمحتو.......؟

[Withered Rose]

و عليكم السلام و رحمة الله و بركاته
مرحبا توزان

عادي لو جبت همستر واحد عشان يصير صديقي ويلعب معي ولا لازم زوج؟؟(اذا كانت الااجابة عادي اي احسن ذكر ولا انثى)

ممكن تأخذين واحد و يفضل أنثى .. و تأخذينها صغيرة و لكن مو صغرة وايد يعني بحدود 3 أشهر (تقريبا) لان اصغر من جذي تكون حساسه تجاه الاأمراض و قد تجدين صعوبه في علاجها و لما تكبر ممكن تشترين الذكر و ممكن لا .
و مو مشكله اذا زوج و لكن راعي شراء قفصين اذا كان الهامستر من النوع السوري .

واذا جبت زوج كم ياخذون وقت علشان تولد الانثى كم شهر تقريبا الزواج والحمل والاولادة؟؟

الهامستر السوري تأخذ فترة الحمل من 15 - 17 يوم
و الروسي 18 - 19 يوم

والهمستر اكركم الله فضلاته ما تطاع رائحه مزعجة او يصعب التنضيف وهالامور لان بيتنا شقه وما عندنا حوش او بلكونه(شرفه)

الهامستر الروسي نظيف جداً و نادرا ما تطلع من قفصه رائحه حتى بدون تنظيف و حتى السوري و لكن السوري بحكم حجمه الكبير نسبياً قد تطلع منه رائحه ..
و لكن فرش نشارة الخشب بالقفص و تنظيفه اسبوعياً تزيل الروائح .

والهمستر كم سعرة هو وكم سعر القفص والاكل وهالامور علما باني من جدة بالسعودييه..

والله ماعندي فكره و لكن أسعاره و مستلزماته رخيصه بالمقارنه مع الحيوانات الاخرى .


و حاضرين لأي استفسارات