قطتي لاتريد صغارها الرضع ابي حل

[آنـــــو]

مرحبا فيك آختي


آول شي نقول الحمدلله آن قططك الصغار تعدوا مرحلة الخطر ,, اللي هو عمر الأسبوع والأسبوعين

3 آسابيع نقول ماعليهم خوووف بأذن الله ,, كل شي يعتمد عليك الحين بتوفير الأكل والعنايه اللي يحتاجونها ..

لكن قبلها تحاولين مع الأم ,, سووي مثل ماقالت الغاليه آصايل بـ منشفه وآمسحهم كلهم فيها عسى الروايح تتوزع وترجع الأم لصوابها

وشيكي على صحتها آو وديها للبيطري آفضل يمكن تعاني من مرض آو آلم بمكان ,, حتى الحلمات شيكي عليها

يمكن فيها تقرحات آو تورمات وهالشي ينفرها من آولادها ..

ولو كل شي آوكي بصحتها فـ نقول الأسباب نفسيه ..


ولو آستمرت برفضها ,, آشتري للكتينز حليب خاص لهم ورضعيهم بنفسك ..

بالنسبه لي كنت دايم آبتدي آوكل قططي بعمر الـ3 آسابيع سيريلاك ساااايل / دجاج مفروووم حيل مع موية السلق

وآكثر المويه بحيث يكون برضو ساااايل وأعطيهم بالسرنجه ..

آما آخر جيل عندي ماآبتديت آوكلهم الا بعمر الـ4 آسابيع دجاج مفروم وسيريلاك .. وجبنه مع توست مبلول بمويه دافيه ..

وآنا آفضل ترضعهينهم حليب على الأقل هالأسبوع حتى يكملوون الـ4 آسابيع وبعدها تقدرين تعطينهم آكل ..

وشي مهم لما تجين تشرينهم وتوكلينهم بالسرنجه آو المرضعه ماتدفعين الأكل بقوه وبسرعه حتى مايدخل شي لصدرهم

ويسبب لهم التهاب رئوي ..


ولاتنسين تحفزينهم على الأخراج مثل ماتسوي آمهم

تجيبين منشفه آو منديل آو قطن مبلول بمويه دااافيه وآمسحي لهم آسفل البطن مع مناطق الأخراج علشان يتبولون بعد كل وجبه

حتى يتمون عمر الـ4 آسابيع ويعتمدون على نفسهم بكل شي ..