تعالوا ابيكم بسالفه ... ترا فيه صور ;)

[كاسيكو أليف]

وينك يابو محمد تعال سيّر علينا يالغالي
ترا الذبيحه معلقينها وعلى وشك نشب القدر
هع هع

[مجنون الامازون]

عزيزي (كاسكو اليف) .. بالنسبة للطير الي عندك .

ما شاء الله تبارك الله طير رائع .. وحجمه حلو (لكن ما يصنف من ضمن الجامبو) ..

العمر تقريبا 17 شهر والله اعلم (سنه ونص) .. لان حدقة العين فاتحة ..

الحجل يعتبر قريب من الاصلي لكن مو شرط يكتب عليه سنة الميلاد .. اهم شئ الحجل مو كبس.

بالنسبة للكلام .. الامازونيات بصفة عامة تحفظ فترة طويلة .. وبعد كذا تبدأ تنفلت .. وخصوصا (الدبل هيد و البلو فرونتد) ..

ويبغالها بال طويل للتربية .. استخير و توكل على الله ..

[كاسيكو أليف]

الف الف شكر اخوي مجنون الامازون على تشريفكـ ... والله ينور عليك دنيا واخره
وشاكر وممتن لتواجدكـ اخي الكريم

[naasooh]

إن كان
سعره مناسب
توكل على الله
وأشتر
بعد ألستخاره

[كاسيكو أليف]

لاهتن اخوي naasooh
وان شاء الله اذا لي نصيب فيه شريته

اكرر شكري

[ابو محمــد]

السلام عليكم ورحمة اللة وبركاتة

الطير جميل ورائع ولا ازيد ع كلام اخوي مجنون الامازون,,

واستخير وتوكل ع الله وسعره بين 3000 الى 3500 ريال,,

وغض النظر يتكلم او لا الطير نفس وروح تبي من يراعيها,,

وما دام الطير له اربع ايام وسمعته يتكلم هذه بحد ذاته بادره طيبه,,

واسف ع التأخير بالرد وشارع بن خلدون يسلم عليك والحين فيه نفقين والزحمه مثل ماهي.

[كاسيكو أليف]

لافض قولك يابو محمد ... ولاهنت على المعلومات اللي انرتنا فيها
وانا توكلت على الله ثم على رأيك الاخوان اللي سبقوك وانت أكدتها
وربي يكتب الاجر قبل كل شي ويعطيني خيره ويكفيني شره


وبن خلدون هذا كل يومين ثلاثه ... لازم امر عليه وانا اخوك
والزحمه هي هي .. وربك يعين

[بندولة حب]

ماشاء الله تبارك الرحمن طيرك جدا جميل ونظيف

وعندك كلام الأخ مجنون الامزون مابعده كلام لأنه ماشاء الله

خبير باالامزون ونصيحتي لك

قبل كل شي اذا انت انسان عندك هواية تربية الطيور وخص الببغاوات

وعندك طولة بال ومتفرغ له اشتريه وقبل كل شي استخير واستخير مره ومرتين

وربك يكتب لك الصالح انشاء الله ومن ناحيت الكلام الطيور اذا تغير عليها المكان

يبيلها فتره لحد ماتتأقلم عليه وبعدها تظهر مواهبها وهذا اللي يخلينا نتخربط اول مانشتري اي طير

يكون طول الوقت ساكت ونقول اللي باعه علينا نصاب

والسبب يكون من تغير المكان واذا كنت سمعت منه لوكلمه

هذا دليل على ان الطير جريئ ويستاهل من ياخذه


ومع الوقت وتدريبك له راح يبدع انشاء الله

واذا كنت تفكر باالخساره

الامزوني بأذن الله مافيه خساره اذا كانت صحته قويه وسليم وسعر الطير بالسوق عندنا يبتدي من 3000 الى 4500

وللمعلوميه

الامزوني يعطي البيت جو ثاني بسوالفه

وطيرك بأذن الله له مستقبل وواضح عليه ودامه طلع على يدك هذي بادره طيبه

وبقولك كلمه اخيره

الأمزوني فيه صفه واحده موحلوه انه يتعود على صاحبه ويتعلق فيه

ولما يبيعه صاحبه

ياخذ له وقت لحدمايتعلم على اللي اشتراه

وموفق يارب

[kaznofa]

العمر حول السنه والنص كما سبق وافاد الاخوان

والجرم طيب ماشاء الله

بالنسبه للسعر يتراوح من ( 2900 الى 3500 ) حسب العمر ومستوى الالفه

تحياتي

[كاسيكو أليف]

الله لايخليني منكم ولا من استشاراتكم
وانا توكلت على الله وشريته من راعيه وانا مقتع بكل كلامك عن الطير والله يوفقني فيه

واليومين اللي راحوا بدت تطلع منه يصفيرات وتمتمات غير مفهومه وان شاء الله راح اخبركم بكل
ماهو جديد عن ضيفتنا الجديده : لمى
لمى .... هو اسمها من ايام راعيها

منورين ولاهنتوا