يقول فرخ يلو ناب بس أنا محتار ؟؟؟

[كريزي]

بسم الله ورحمة الله وبركاته

اخواني أعضاء تو زوو أخيرا شريت ببغاء أمزوني يلو ناب ( فرخ ) حجل 2009 بس بصراحه محتار من شكله وحجمه
( لا يوجد لدي خبرها فيها )

بس صاحب المحل يقول فرخ يلو ناب ع الشرط وتأكد بنفسك عند أي واحد ومعك ثلاث أيام اذا ما طلع درجه اولى رجعه

وابي فزعتكم يا اهل الخبره

وانا اللي اعرفه يكون في مؤخرت راسه ريش اصفر وهذا اللي شريته في مقدمة راسه ريش اصفر خفيف
ولا يوجد في مؤخرت راسه

أترككم مع الصور و أرجو الافاده

[Eclectus]

اخوي اولا مبروووووووووووووك علىيك الطير ويتربا في عيزك

وجواب لسؤالك فروخ اليلو ناب ما يكون فيها الاصفر وراء الرقبه انشاءالله راح يبدا يطلع من عمر سنه الى سنتين ويكتمل نمو الون الاصفر بعمر 5 سنين

واليلو ناب في نوع يجي اصفر في مقدمه الراس وراء الرقبه وفي نوع بدون صفار في مقدمه الراس بس ورا الرقبه

[ابو سفر]

ماشاءالله

يلوناب من الدرجه الاولى

[احبك موت]

ماشاء الله تبارك الله

بكم شريته يالغالي ووين المحل لا هنت

[المقبل]

مبروك عليك اليلو ناب
يعطيك خيره ويكفيك شره

[kaznofa]

ماشاء الله تبارك الله

طائر رائع

بس اعتقد والله اعلم انه درجه ثانيه وليس درجه اولى

وهذي الفصيله اسمها auropalliata ochrocephala

وسبق تحدث عنها احد الاخوان ( مجنون الامازون )

[كريزي]

اشكركم جميعاً على المرور الكريم

وانا محتار بين كلام

ابو سفر , يقول انه من الدرجة الأولى

وكزنوفا , يقول يعتقد انه من الدرجة الثانية

الافادة ياشبـــــــــــــــــــاب


( لا استطيع مراسلة احد ع الخاص لقلة المشاركات )

[مجنون فلته]

اخوي مبروك عليك الطير يتربى بعزك

والدرجات ماتهم كثر ماتهم صحة الطير وتركيزه

[kaznofa]

المشاركة الأصلية كتبت بواسطة كريزي

اشكركم جميعاً على المرور الكريم

وانا محتار بين كلام

ابو سفر , يقول انه من الدرجة الأولى

وكزنوفا , يقول يعتقد انه من الدرجة الثانية

الافادة ياشبـــــــــــــــــــاب


( لا استطيع مراسلة احد ع الخاص لقلة المشاركات )

هلابك ياغالي

ترا مره بالنسبه للمربي مايختلف الدرجه اولى عن الثاني وكل فصائل اليلو ناب ممتازه بالكلام خصوصا هالنوع لان اكثر مقاطع الفديو ماشاء الله فيها نفس النوع

ولا تشغل بالك بالمسميات درجه اولى ودرجه ثانيه

هذي تصنيفات خاصه بالطيور بناء على اللون والحجم والندره وتهم المربين الي يحالولو انتاج الطيور

ولا تهم كثير المشتري والطير الي عندك ممتاز ماشاء الله اهم شئ التدريب


موفق اخوي ان شاء الله

[حب استطلاع]

اليلو ناب يجي ثلاث أنواع
جميعها متكلمة
والفرق فقط في توزيع اللون الأصفر في ريش الطير

النوع الأول: اورباليتاتا يلوناب
يميزه الصفار خلف الرأس فقط
والجبهة صافية ( لا يوجد ريش أصفر بها )

النوع الثاني: اوربالياتا بارفيبيز
الفرق بينه وبين النوع الأول
هو بالإضافة إلى الدقة الصفراء خلف الرأس
وجود الصفار في مقدمة الرأس ( الجبهة )

النوع الثالث: اورباليتاتا كاريبا
بالإضافة إلى الدقة الصفراء خلف الرأس والجبهة زي النوعين السابقين
يلاحظ اللون الأصفر تحت الرقبة في المقدمة

وبنهاية تبقى المسألة أذواق

شخص يفضل النوع الأول لأنه يشوف أنه مميز بخلوه من اللون الأصفر في المقدمة
وشخص ثاني يقولك لا والله أنا عاجبني اللون الأصفر في مقدمة الرأس

بالتوفيق لك في إختيارك