اشترك في نشرتنا البريدية ليصلك كل جديد

Dominique · 15-10-2006, 03:55 AM

احنا عندنا بالبيت دوبرمان نثية أمريكية عمرها 7 أشهر .. حليوة وتلعب وتونس بعد صج انها كلب لشخص واحد بس أخوي عودها علي وعلى أختي علشان لما يكون مو بالبيت ما تنبح على الرايح والراد .. أو لما تكبر تصير شرسة .. تعرفت علينا كلنا وقامت تسمع كلامنا بس بره حدود بيتها، لما نقرب يم غرفتها تنبح وما ترضى غير أخوي بس يدخل ..

السالفة وما فيها ان أخوي ماكان يخلينا نوكلها أو نعطيها أي شي بس الحين رضى لأن صار وايد يطلع بره البيت ومشغول والأخت كريستل بعد ماتقصر بالغرفة تنتف اللي أكو واللي ماكو الألعاب والكور وتعفس الغرفة على كيف كيفك وتصب الماي وتقلب الصحن اللي فيه الدراي فود ..

آنه سمعت انه الدوبرمان لما يكون بعمر أقل من ال6 أشهر لازم ياكل مرتين باليوم، ولما يتعداها ياكل مرة باليوم ..

هل هالكلام صحيح باعتماد انها كلبة حراسة أو انها مالازم تتعود على الأكل الوايد علشان لا تثقل ؟

اخوي يوكلها حاليا مرتين باليوم بس كمية كافية ، يعني علبتين في كل وجبة وحطلها الدراي فود ما حبته قام وخلطه مع المعلب قامت تاكل اللحم مثلا وتطيح الراي فود بره . فهل أوكلها مثل ما يسوي أخوي ولا أوكلها زيادة من وراه ؟

Jameel2006 · 15-10-2006, 04:32 AM

افضل شي الاستمرار على برنامج ونظام اخوك لايكون هو يبني وانت تهد لا وبعد من وراه كمان لو اني اعرفه كان علمته عن سواتك

Dominique · 15-10-2006, 04:41 AM

أولا شكرا على الرد ..
ثانيا آنه بنت مو ولد ..
ثالثا يعني مو حرام تقعد كريستل على وجبة أو ثنتين باليوم !! يعني ما تصير يوعانة ؟

Jameel2006 · 15-10-2006, 05:07 AM

افضل شي الاستمرار على برنامج ونظام اخوكي لايكون هو يبني وانتي تهدين لا وبعد من وراه كمان لو اني اعرفه كان علمته عن سواتكغيرت الصغية لمؤنث والمضمون نفسه ماتغير وجبتين كفاية جدآ للأنسة كريستل عشان تكون رشيقة

q8-pitbull · 15-10-2006, 03:53 PM

عطيها وجبتنين والبنص عطيها وجبه خفيفه مثل الدراي فود ولا كورن فلكس