ممكن استفسار عن عاده غريبه جداً في قطتي

[gold hourse]

مســــاء الخير


انا من فتره لاحظت في قطتي الذكر عمره شهر و15 يوم عااده غريبه ..!


والعاده هي ان القط حتى لو كان شبعان يجي بجنبي ويرضع ايدي او رجلي او رقبتي لين يصير فيها بقعه حمرا من المص

سؤالي هو ليش بيعمل كذا ؟
وهل فيها ضرر لو رضع ايدي ؟

أفيدوني إذا ممكن الله يجازيكم بالخير

[أفنان]

اول مرة تمر علي هالحالة !!
بس يمكن متعلق فيك زي امه ويبي يرضع ؟؟ الله اعلم ..

[صاحبة وفا]

يمص الصبع لانه يظن حملة أمة ومن كثر ماهو متعلق فيك ويحبك يظن انك انت امه

وحتى قطاوتنا الصغار من بعد ماياكلون يروحون يرضعون عند امهم .. شي طبيعي

حاولي توفرين له مرضاعه وحليب قليل الدسم

نحن سويناها لين ماصار قطونا اسد ماشالله عليه متييييييييين وكله شحم ههههههههههههههههه

[تاليه]

لا تشيل هم شي طبيعي وأغلب القطط ترضع حتى لو شبعانه مثل ماقالت صاحبة وفا

قطوتي لما كانت صغيره كنت أنومها مع دبدوب وكانت دايم ترضع منه وأحيان وأنا نايمه اصحى

أسمع صوت غريب فاألقاها ماسكه بطن هالدبدوب وتمصمص منه:d مدري وش لاقيه

الين صار عمرها شهرين ونص الى ثلاث شهور وبطلت هالعاده..

بس لاتنسى تغسل أيدك أو المكان اللي أرضعه...

[قطو_Q8te]

قواكم الله شباب عالردود الحلوهـ ..
انا سوسي كان يلحس ايدي اذا كنت معرقـ .. مادري شيبي بالعرق -_= !
بس الحين كلهم على مص جياس النايلونـ ..
الظاهر في ماده زينه حقهم او شي ..

[passposse]

السلام عليكم ..

هذا الي يصير للقطو شي طبيعي ممكن من حبه لك او حنينه للرضاعه من امه ..

ومثل ما قالت اختي صاحبة وفا وفر له رضاعه افضل له ..

واخوي قطو_Q8te .. ترى الاكل من النايلون هب زين للقط تحمل اخوي ترى يأدي انه يستفرغ الله يعزكم لانه ما ينهضم في معدته وممكن يسممه تحمل ع قطاوتك وانهره من انه يعض النايلون ..

تحياتي ..

[قطقوطه]

مثل ما قالوو لك الاخوان
انت اشتري لها رضاعه خاصه للقطط الصغيره
وحليب خاص للقطط الكتن تلاقيه بمحلات بيع الحيوانات او بالصيدليات البيطريه

وصير شربها منه

[gold hourse]

مســــاء الخير


شكراً للمرور كلكم دون استثناء
لكن انا ارضعه وااكله لاكن اخته الي بنفس عمره ماتسوي كذا

أطيب التحيا

[CaTTy]

هاوشه عشان يبطل هالعاده

نفس قطوتي فطريه من كثر ما اخوي معطيها وجه صايره تلحس وجهه لوووووول

بس العكس معانا لاننا مانسمح لها تسوي جذي

فلا تخليه يتعود على هالطبع

وبالنسبه لاجياس النايلون " قطو كويتي "

حتى فطريه من تشوف خيط او جيس تركض تبلعه قبل ما نلحق ونشيله عنها

وصج ترى هذا يضرها مره بلعت قطعه مطاط صغيرونه وبعدين قامت ترجع

وماظن فيه علاج الا اننا نشيل عنها اي شي ممكن يجذبها وتبلعه نفس الجهال لما يبدون يحبون شلون يلقطون اللي بالارض وكل شي بالفم على طول لووول

[سـارة]

أظن إنه أمر طبيعي من فطرة القطط الصغيرة..

و معظم يصير لهم كذا لو تم فصلهم عن أمهم في عمر أقل من شهر ..
(خاصة بعد تناولهم لوجبتهم فما له علاقة بالجوع)

و مو بس مص الأيدي و الأرجل..

فيمكن لو منعتيها بتلاقينها تمص أي شي تلقاه من الملابس إلى البطانيات ..

و أظن إنه من الصعب تركه لهذه العادة حتى لو وصل للسن إلي تتوقف فيها القطط عن الرضاعة .

وما أدري ليه أخته مو زيه بس هذا بالتأكيد أفضل لك و لها .