اشترك في نشرتنا البريدية ليصلك كل جديد

ms7ms · 02-04-2010, 09:14 PM

السلام عليكم

في البداية انا من زمان وخاطري اشتري لي ببغاء

حق البزران

وودي انها تتعلم الكلام بسرعة

لكن كل مارحت السوق القاها بأسعار خيالية

واكنسل واغير رايي

أمس كلمني واحد من الشباب

وقال ايش رايك نروح القطيف نتمشى

قلت له قدام

والله وطلعنا من الخبر العصرية

ورحنا نتمشى في سوق واقف

ياهي افلام وديفيديات تتعبون معها

ونرجع لمحور حديثنا

بعد ماطلعنا من سوق واقف

مرينا على محلات طيور وقلت لخووي وقف خلنا نشوف اسعارهم

ولفت انتباهي انواع الببغاء كلها عنده

واكثر شي الامازون فوق 9 ببغانات

و 6 كوكاتو

و 3 كاسكو افريقي

و 1 غيني

و 2 مكاو

طبعا انا اتجهت للكاسكو الافريقي

لأن الباقي كلهم اسعارهم من 1500 إلى 5000

أما الغيني ماعطيته وجه شكله اهبل وازعجنا بالتجعر

عجبني امازوني راعي طرب بس يهز يمين ويسار وفوق وتحت بس غالي 2500

طبعا الكاسكو واحد كبير عيونه صفر ويجعر بشكل خيالي

وفيه اثنين شكلهم صغار ولما سألته قال اعمارهم حول السنة

طبعا فيه واحد نظيف ومرتب بس يجعر على طول واحنا في المحل ولما نقرب منه

وفيه واحد هاااااااااااااااادي مرررررررررره بس الريش مش مرتب ومتقطع شوي وشكله اضعف من الاول

طبعا اثنينهم عيونهم بيضاء صافية

انا ارتحت للهااااادي

وحاولت انزل قيمته مع اللي يبيع

إلى مااخذته بالسعر اللي ارغب فيه

وقال لي ايش رايك اقطع الريش الوصخ المتنتف على شان يستوي بداله قلت له أوكي

إذا مافيه مضرة على الطير

وبدا في التنتيف بس مانتف الا قليل

وصار بعدها يجعر

وقلت له قال هذا بسبب التنتيف

عطيناه الحساب

وجبناه للبيت

بس ازعجني ازعاج مو طبيعي بالتجعر والخوف من يشوفني من بعيد

ينزل تحت في القفص ويجلس يجعر

وإذا رحت عنه ياخذ راحته على الاخر

اليوم الصبح اسمع حديقة حيوان في الشقة

شوي تغريد كناري

بعدها قط

بعدها تغريد كناري نوع ثاني

بعدها صوت جرو كلب

وانواع كثيرة من اصوات البلابل والكناري

وصوت تفلفص حب ( يقلد الصوت مش حقيقة )

واصوات فئران

ومن اجي عنده يكرر نفس الحركة يخاف ويجلس يجعر

طبعا عرفت ان الببغاء يقلد اصوات الطيور والحيوانات اللي في محل الطيور وشكله له فترة طويلة في المحل

حاليا ماأدري كيف اتعامل معه ابغاه يصير طبيعي لما يشوفني

وكذلك هل فيه امل يتعلم الكلام ولا انه كبير وماراح يتعلم

وهل انا اخطيت لما اخذته والمفترض اخذت الثاني المرتب النظيف لأنه اطلعوا اثنينهم يجعرون بس هذا ممثل مخادع

وهذا صور وفيديو له وياليت كذلك تقولون لي كم عمره تقريبا

وهذا مقطع الفيديو له وهو يجعر بس ماقربت زيادة لأنه بيزعج الجيران من صوته البشع

http://www.m5zn.com/files-0402101104227367khvf-caca.mp4

طير جديد · 02-04-2010, 09:48 PM

اول شي الف الف مبروك ع الطير
وانشاء الله يكون عال العال مع الايام الجايه
اخوي الله يعينك على الجعير يمكن ياخذ معاك فتره على مايروح ويمكن مايطول
والطير توه جديد على المكان لازم يتعود
بس شي حلو ان الطير عنده تقليد واصوات
المهم هذا روابط انشاء الله تفيدك
فهرس المواضيع المميزة والمفيدة لمربي الببغاوات

http://www.2zoo.com/vb/showthread.php?t=98031

المواضيع المهمة عن الرمادي الأفريقي (الكاسيكو)
http://www.2zoo.com/vb/showthread.php?t=45945

مواضيع هامة جدا لأي شخص يريد تربية ببغاء
http://www.2zoo.com/vb/showthread.php?t=45940

مقاطع فيديو مسجلة حصرياً لتوضيح كيفية ترويض الببغاء وحمله على اليد وترك التجعير.
http://www.2zoo.com/vb/showthread.php?t=100354

واذا ماستفدت وعجزت من الطير في عضو بالمنتدى يروض
اسم العضو :إتكيت طيور
رابط العضو : http://www.2zoo.com/vb/member.php?u=54678

بالتوفيق يالغالي

طير جديد · 02-04-2010, 09:55 PM

الاخ سكر له مواضيع جدا جدا رائعة في الترويض والتوليف لطيور وهذا الرابط لمواضيعه

http://www.2zoo.com/vb/group.php?do=...scussionid=436[COLOR="Green"

جزيرة الحب · 02-04-2010, 10:33 PM

ما شاء الله تبارك الله
الله يبارك لك فيه

~~ابوعابد 2007~~ · 02-04-2010, 10:45 PM

مشاء الله ممتاز ممتاز انه يقلد :
ان شاء الله ان بيتعلم الكلام بس انت لاتستعجل في توليفه وعطه وقت وتقرب منه "
بالتوفيق ان شاء الله "

كاسكوه · 03-04-2010, 12:02 AM

ماشاء الله الف مبروك
الله يخليه لك
شوف الموضوع هذا يمكن يفيدك

300 سؤال وجواب عن الكاسكوhttp://www.2zoo.com/vb/showthread.php?t=70494

OUT · 03-04-2010, 01:33 AM

ما شاء الله

مبروك طير

يعني ذحين صار سوق واقف عندك بالبيت انواع التصفير والتقليد

القناااص · 25-04-2010, 07:43 PM

اذا تبيني ادربه ما فيه مشكله بعدين عمره 8 شهور تمام التمام

NAHHAS · 26-04-2010, 12:11 AM

الف مبروووك عل الطير وانشالله يتربى بعزك اخي الكريم....
بالنسبه للجعير اخي اهم شي تحطه بمكان مرتفع على ارتفاع مترين تقربيا.... وانشالله بتلاقي الفرق بعد اسبوعين
وكما لاحظت من كلامك ان الطير يقلد كل شي تقريبا من انواع الحيوانات
ماشالله عليه باينه ذكي
هذه نقطه في صالحك
وانشالله تسمعه عن قريب يتكلم...