لسه مبتدئه ..بليز ساعدوني

[عصفورة الحب]

السلام عليكم
انا عايزه اشتري زوج بادجي استرالي لقيت محل بيبيع طيور الزينه وكمان احواض سمك وسالته عن اسعار الاسترالي الصغير قالي ب40 والقفص 25 جنيه والكبار الزوج ب70
استفساري عن صحة الاسعار والاقفاص وهل الاقفاص بتيجي بمحتوياتها يعني المسقاه وكل حاجه ؟ اصل بيني وبينكم اتخنقت من الراجل اللي بيبيع وشاكه فيه هههه

انا شفت الزوج دول وعجبوني وقدرت افرق بين الجنسين بالمعايير اللي كانت موجوده هنا ف احد المواضيع وكانو نشطا وتمام
هل فيه حاجات تانيه اخد بالي منها ؟
ياريت نصايحكم عشان انا لسه مبتدئه ف الموضوع ده

[the master2010]

اول شي السعر رخيص جدا



لازم الطائر ينظر فيكي ويراقبكي لو قربتي من القفص


ويكون نشيط ويغرد ويلعب


ومنظقة المجمع (مكان نزول البراز) لو كانت وسخه ابعدي عنه ممكن يكون معاه اسهال


ومايكون في اماكن خاليه من الريش


والريش يكون مرتب ونظيف

ومايكون يلهث يعني عطشان

وتكون طريقه تنفسه عاديه يعني ما يتنفس بقوه او بشويش

تأكدي من شكل الاصابع


والصغير الذكر يكون لونه كيره صغير جدا وردي متوسط ازرق فاتح كامل بالغ ازرق غامق


والانثى صغيرا جدا ابيض وسط ازرق وحول فتحة الكير(الانف)دائرتان لونهم ابيض والبالغه بني محروق او بني غامق وكل مازادت القشور على الانف يزيد العمر للجنسين


والبالغ يكون على جبهته الخطوط مو باينه فوق عينه واذا صغير مره تلاقي الخطوط تبدأ من الكير(الانف) والقدم ناعمتان ومافيهم اي قشور او تجاعيد واللون للقدم وردي للجنسين والبالغ مقشر ولونه يميل للرصاصي او الازرق الفاتح لكلا الجنسين

وارجو ادخول المواضيع المثبته وزيارة مواضيع الاخوان

[الباشق الغريب]

الاخ الماستر ذكر كلام طيب , بس انتِ حاولي تشوفي الوانهم اذا براقة وجداذة والطير بنيته ممتلئ وطوله جيد يعني انه الطير مُعتنى به , ابتعدي عن الطيور الضعيفة او الهزيلة ذات الجسم الناعم او الريش الغير مرتب احتمال يكون الطير تعبان ,
اما بالنسبة للاسعار فبصراحة معندي فكرة عن الجنيه المصري شكد يعادل باليورو .. احنا هنا باوربا الزوج الاسترالي يصل سعره من 40 - 50 أورو ... وبعد ما اعرف شلون تحسبيه للجنيه .

موفقة ان شاء الله .

[peruche]

اختي مشكلة الاسعار تم حلها في هذا الموضوع و بالتوفيق:

من هنا

[عصفورة الحب]

جزاكم الله خيرا "ماستر" و" الباشق الغريب" باذن الله انا هجيبهم بكره ان شاء الله وهاخد بالي م كل اللي قولتوه ومبدئيا متهيالي النتيجه باذن الله مبشره.. بالنسبه لسعر اليورو اعتقد بيعادل حوالي 7 جنيه تقريبا

وشكرا لك "peruch" قرات الموضوع ان شالله خير

[shahy]

انا بنت من مصر من اسكندرية .. و اشتريت العصفور الواحد منهم ب 20 جنيه .. يعنى الزوج ب 40 جنيه .. سواء كان بالغ او صغير .. و القفص كان يعنى فى حدود 25 جنيه برده ..

و القفص يكون كامل بمحتويانه ( مجثم و ارجوحه و مسقاه و اطباق للاكل ) و ما تنسى تشتري ليهم حبوب اكل و بعض الفيتامينات من عند البائع ده .. بالاضافة الى البقدونس و الشبت و الجرجير .. من عند اي واحد بتاع خضار .. و اتبعى كل النصائح اللى قالوها الاخوان و ان شاء الله ينتجوا احسن انتاج و ما تنسى تحطى الصور عشان نشوفهم بقى .. و بالتوفيق يااااارب ..

[عصفورة الحب]

شكرا ليكي ياشاهي انا بحب اسكندريه اوي واهلها
جبت البادجي انهارده الحمد لله بس ماادانيش المجثم وعالعموم هما لسه صغيرين ومش فيه تزاوج دلوقتي بس انتي بتقولي مفيش فرق بين البالغ او الصغير يعني نفس السعر اوك هروح اكسرله المحل هههه
بس بجد شكلهم يجنن لحد دلوقتي شكلهم خايفين مش عايزين ينامو ... ان شالله احاول انزل الصور

بس ليا سؤال معلش هو ممكن م دلوقت اطلعهم شويه بره القفص ولا استنى عليهم
وكمان قص الريش ده بيكون امتى وليه
معلش بقى اول يوم واسالتي كتيره

[كرم العراق]

مبروك عليكي الطيور

لازم تركبيلهم مجثم عشان يناموا عليه

[xkiller]

بالنسبة للأسعار فهذا الرابط سيفيدك

http://www.2zoo.com/vb/showthread.php?t=123860

و بالنسبة لكيفية شراء طائر سليم فهذا الرابط سيفيدك

http://www.2zoo.com/vb/showthread.php?t=4335

تحياتي

[shahy]

المشاركة الأصلية كتبت بواسطة عصفورة الحب

شكرا ليكي ياشاهي انا بحب اسكندريه اوي واهلها
جبت البادجي انهارده الحمد لله بس ماادانيش المجثم وعالعموم هما لسه صغيرين ومش فيه تزاوج دلوقتي بس انتي بتقولي مفيش فرق بين البالغ او الصغير يعني نفس السعر اوك هروح اكسرله المحل هههه
بس بجد شكلهم يجنن لحد دلوقتي شكلهم خايفين مش عايزين ينامو ... ان شالله احاول انزل الصور

بس ليا سؤال معلش هو ممكن م دلوقت اطلعهم شويه بره القفص ولا استنى عليهم
وكمان قص الريش ده بيكون امتى وليه
معلش بقى اول يوم واسالتي كتيره

يستحسن ان تصبري عليهم لانهم زي ما بتقولى هما خايفين و حتى مش بيناموا .. اما للريش فاحنا بنقصه عشان مايطرش بعيد و متعرفيش تجبيه .. فيستحسن ان الاوضة اللى حتدربيه فيها تكون خالية من الحاجات الضارة له .. (كالدلاب او النيش او كده يعنى ,..) عشان انا مجربه و بيوقعوا وراها و بتجن عقبال ما اجبهم ..
و بالنسبة لطريقة القص فالاول كتكونى خايفة لكن بعد كده حتتعودى .. و ان شاء الله حبعتلك شاكوش عشان تكسريه على دماغه ..هههههههههههههه .. بالتوفيق يارب
http://img105.herosh.com/2010/06/03/250130560.jpg