استفسار عن تدريب الجرمن شيبرد

[Musab Pro]

السلام عليكم .. اعتذر اخوي عن تاخر الرد .. يالغالي المواضيع المثبته مفيده جدا وكلنا نقراها ولكن يفوتنا منها معلومات قيمه لذلك نحتاج الى التركيز او التذكير .

اللي يحصل معاك طبيعي جدا في عمر جروك ولازم تعرف ان من المحال انك توصل الى مرحله طيبه
اذا ما مشيت خطوه تلو الخطوه .
في سن جروك يجب الاهتمام فقط ب 3 اشياء
1 التغذيه الصحيه
2 بناء التركيز (باللعب بالكوره وتحبيبه فيها) مهم جدا بالمستقبل
3 بناء علاقه بينك وبين الجرو و شخصيه قويه للجرو.

في سن 4 شهو تبدا تمارين الطاعه العاديه وليست المتقدمه.. يعني لا تتوقع منه بارك ان هولد او حراسه او او وهو صغير .. علمه على
سيت - ستاند - داون
كم - قو - ستي
شيك هاند والاشياء الخفايفه وكلها موضحه في المواضيع المثبته مع الحرص على اللعب بالكره او التق

في سن 6 شهور تركيز في مواضيع الطاعه و تمارين عض وشوية دفاع وما الى ذلك ..
الهدف الان ليس اعطائك جدول تمشي عليه .. الهدف فهم فكرة العمر والتمارين المناسبه

اللي عليك الان عدم ظرب الكلب مهما كلف الامر يكفي انك توضح له انك زعلان منه بكلمة نوو وحبسه لعشر دقائق بالكثير واحسب حسابك ان الكلب مو دايم يفهم اللي انت تبيه.

اذا كان لديك استفسار زياده لا تتردد بالسؤال فعن نفسي ونيابه عن الشباب كلنا بنكون يد وحده ونوصلك للطريق اللي يكون فيه كلبك بالقمه

تقبل تحياتي