مجموعه استفسارات بخصوص البلوفرنتد
انا شريت بلوفرنتد سارله عندي 9 ايام الحين .. يتكلم وياكل من ايدي بس لمن ادخل ايدي للقفصه يجعر ويعض اول شي بشويش واذا ما وخرت ايدي يعض بقوه .. كم مره نزل الدم من ايدي .. المهم طلعته مره على ايدي وهو يحرك اجنحته بقوه وكأنه موب عارف يثبت نفسه زين على ذراعي يمكن من الخوف المهم الاخ لمن اخليه في القفص يتكلم ولو طلعته يلهى بالعب ..ماني عارفه ابدأ الترويض واطلعه او اخليه جوا القفص عشان الكلام ..
ومن ناحيه الاكل معليش اعطيه بطيخ والشمام والتمر وعظمه الدجاج المطبوخ او لا .؟
انا اعطيله خضار مشكل الي تجي مجمده اسلقها واعطيه وياكل منها بس افكر اعطيه غير مسلوقه وش رايكم لأن الكروانات عندي ياكلونا غير مسلوقه ؟
حطيت له عضمه الحبار شالها ومسكا بأيده وقاعد ياكلها .. خفت عليه وشلتها منه كان بيخلصها مره وحده .. يعني كل انواع والخضار مسموح فيها ؟ الجزر عادي او مرشوش بمواد تضره .. ؟
التحميم .. انا من اسبوع رشيت عليه مويه بس من امس احس ريحته طلعت .. الطيور تطلعلهم ريحه ؟ وهل اسبوع كفايه او لا .. انا مفكره ادخله الحمام واعطيه شور جامد وهل معليش احط نقطه شامبو اطفال ؟
ذيله فيه ريشتين او اكثر شوي يقول الي شريته منه انها كانت مكسوره فا شالها .. هل راح تطلع مره ثانيه ؟
ذبحني بأغنيه بابا فين .. وتعبت القنه اسم ما اشوفه قاله ..
الصراخ .. لمن اطلع من الغرفه يصارخ بقوه يخوف .. ههل في امل ان الصراخ يروح او بيقعد كذا على طول ..
العض وش اعمل فيه .. معليش اضربه باصباعي على منقاره وانهره اقوله لالا .. او بتخرب العلاقه .. ؟
معليش كثرت اسأله .. بس جديده في البلوفرنتد ..بليز كل اسألتي مهمه لا تهملون اي سؤال ..
وشكرا كثير لكل من يحاول مساعدتي ..
__________________
سبحان الله وبحمده سبحان الله العظيم
|