انا والببغاوات

[عاشق الحمام والوبر]

هلا شباب كيفكم بس حبيت اقول وشلون عرفت الببغاء ووشلون عرفت منتداكم واقول معناتي وكل شي عني يعني

ندخل في الموضوع واقول
اول ماشفت ببغاء كنت في صف خامس ابتدائي <<<< توك ورع
كنت في بيت جدتي وحنا نلعب كوره في الحوش المهم قلت بروح الحمام دخلت الحمام الا القى ذا الببغاء المهم قلت بمسكه وبطيره في الحوش عشان يروح لاهله جيت بمسكه الا يعطيني ذيك العضه اللي تدوخ المهم يوم عضني رحت الخيمه وانا ماشي مليووووون
واقول لابوي يبه في حمامه لونها رصاصي ومنقارها اسود جيت بمسكه تعضني قال ابوي خلها قلت هي في الحمام وانا ابي الحمام قال ابوي خلها لا تروح ذا الحمام قلت طيب المهم نسيت الحمام انا وجاء في مخي على طول اني اروح اجيب كرتون واحطها المهم ومحاولات كذا وكذا لين دخلت الببغاء في الكرتون واروح لابوي واحطها في الخيمه واقوله شف هذي الحمام وافتح الكرتون ويطير ويجعر ابوي على طول اقرب محل شرا قفص قال ابوي بنروح نبيعه المهم رحت معه بعناه 6000 وخذتها انا بس الحين افكر وين وديتها ماعرفت راحت كلها المهم قلت لابوي ابغا حمامه مثل هذي قال ابوي لا ومحاولات كذا ووكذا وثلاث سنوات 3 لين يوافق يعني صرت في ثاني متوسط وشريت المهم وربيته يتكلم كلام كثير ماشاء الله عليه جابلي 4000 ومابعته وجت المصيبه جتنا عزيمه قلت اذا جيت اطلع احطه في الغرفه المهم جاء بعد صلاة العشاء لبست وحطيته في الغرفه وطلعت دقت امي قالت جو خالاتك شوي وتعال جت الساعه 11 ونص رجعت دخلت الغرفه لقيت الببغاء منسدح ميت وعيال خالتي الصغار معهم علاقات ملابس ويخفسون فيه دخلت واسكر الباب واجيب العقال وجلد وجلد وامهاتهم عند الباب افتح افتح صغار يوم طلعت ربع الحره اللي فيني فتحت الباب وكل واحد ميت من الصياح ثمن من بكره قلت لابوي قال خلاص مات وش اسوي والحين احاول في ابوي ابغا ببغاء يعى ويقول لا تجيب ولا ببغاء
وياليت تساعدوني تقولولي وشلون اقنع ابوي يشتري لي ببغاء ترا انا مو كبير الحين انا رايح ثاني ثانوي

سوري على التطويله

[كاسكـــو]

هههههههههههههه حمامه لونها رصاصي ومنقارها اسود ههههههههههههههههههه

وين جاء ذا الببغاء بالحمام منهو حقه .؟

وبعدين متأكد انه انباع بـ 6000 يمكن تقصد 600 عدل بدل لانه مستحيل تقول يعض ويجعر

وحسب كلامك راح ابوك وشراء قفص وعلى طول للسوق منهو ذا اللي يحط 6000 في ببغاء مايدري عنه اي شي

[عاشق الحمام والوبر]

اخوي ارجع لها واقراها زين هو جعر وعض لاني انا قمت اخبط فيه
انا متاكد انباع 6000 وانا كنت فيه
شرينا القفص وحطيناه فيه وجلس عندنا شهرين ومن اول اسبوع شفناه يتكلم

[مجننهم]

هههههههههههههههههه

قصه حلوه

انا اقلك طفش ابوك وهو يجبلك

[كاسكـــو]

المشاركة الأصلية كتبت بواسطة عاشق الحمام والوبر

اخوي ارجع لها واقراها زين هو جعر وعض لاني انا قمت اخبط فيه
انا متاكد انباع 6000 وانا كنت فيه
شرينا القفص وحطيناه فيه وجلس عندنا شهرين ومن اول اسبوع شفناه يتكلم

خلاص يالغالي مصدقك

[كاسكـــو]

المشاركة الأصلية كتبت بواسطة عاشق الحمام والوبر

وياليت تساعدوني تقولولي وشلون اقنع ابوي يشتري لي ببغاء ترا انا مو كبير الحين انا رايح ثاني ثانوي

سوري على التطويله

اذا ابوك موو موافق

الله ورسوله صلى الله عليه وسلم أمرونا بطاعه الوالدين

اذا قال لا خلاص لا..............لازم طاعتهم

[fawzi]

هههههههههه والله تصلح تكتب قصص الله يعطيك العافيه وشلون تبي ابوك يشتري لك بغبغاء على قولتك حمامه لونها رصاصي ومنقارها اسود حبيبي انا ماالوم ابوك الله يحفظه لك لانه هو ماقصر الله يطول في عمره وخليه لك هو شرالك من قبل بس اعيال خالتك اذبحوه حرام والله بعد يشتري ويذبحونه مره ثانيه

[هامستره صغيره]

روح عند امهات الي موتوه ولا آبائهم

قولهم عيالكم ذبحوا ببغائي وهم الي يشترون لي غيره

وخلهم يتقطاون ويعطونك حقه

----------------------------------------

اجل حمامه منقارها اسود؟

[بندولة حب]

بسيطه

قول لبوك السنه الجايه بشد حيلي باالدراسه وبجيب درجات حلوه

وابي طير تشجعني فيه ويرفع من معنوياتي

او قول للوالد بشتري لك هديه بمناسبة قدوم رمضان ولما يوافق اشتريله طير وخليه قدام الامر الواقع هههههه

[فطووم22]

ههههههههههه
يآزينهآ من حمآمه ههههههه
حرآم والله مآت عليك ببغآء بسبب اطفآل

الله يعينك الحين