البلوفرنتد حقي كأنه عايش في مجاعه

[تراني جديدة]

طيري كل ما شافني اجيب له اكل يقعد يناقز متحمس للاكل مشاء الله تبارك الله ولمن ادخل ايدي عشان اخذ الصحن حق الاكل عشان بحط له فيه اكل.. يقعد يعض ما يبي اخذ صحنه انا اشد الصحن وهو يشد ..طبعا انا خايفه من عضه ويطيح الصحن .. اذا شافني اكل يقعد يناظر يعني عطيني ..

ويا عليه قرصه وعض خبير ما شاء الله .. هو الي روضني على الخوف ..
حطيت له زبده الفول السوداني وعسل عشان ربي يهديه ولا يعض .. مشى الحال واكل من اصباعي بس المشكله سرت كل ما ادخل ايدي يقعد يلاحقها يبي عسل واذا ما لقى يرجع يعض ..

انا ودي يسير اليف واقدر امسد على راسه ويطلع على ايدي بس العلاقه سايره عض في عض ولا تقولون اصبري عليه الاخ مزاجه كويس ويلعب ويتكلم ويحك منفاره في بعض ..
هو ياكل من ايدي عادي بس ما يطلع على ايدي .. في امل منه او لا .. ممكن يتروض .. اليوم 15 يوم من شريته .. يالله السلامه ايدي انواع الجروح والالوان منه .. هييييييلب

[سنايديه]

السلام عليكم

مشاء الله تبارك الله خمسه وخميسه والي مايصلي على النبي ينطحه تيسه

يابنت الحلال احمدي ربك على طير شلوى الي عندك مشالله الله يحفظه لك

انا كنت متابعه مشكلتك مع الطير صدقيني اختي صدقيييييييييني

توه توه توه عطييه فرصه تراك مستعجله واااااااااااااااجد عليه

ابقولك وش سالفتي مع طيري البلوفرنتد الي شريته من شهر

اختي الوالد يوم جابه يقول راعيه يحلف انه يتكلم وانا فعلا متاكده انه يتكلم تخيلي

شهر ما يصفر الا نص تصفيره ويضحك ويعود يتحسف لا وجايني ميت جوع مسكين خف الريشه

والله عظمة صدره طالعه من النحف مسكين وحاولت اغذيه وااكله والله يرفض الاكل واكله قليييل والله

اني ارحمه

ثاني حاجه من ناحية الولافه انا طيري الييف جدااا وخواااف جدا يركب على اليد من خوفه

ولا يلعب ولا يستانس فيه عقد الدنياااكلها عقدني في حياتي واذا جيت امسح على راسه

شوي وينكسر ظهره من الخوف يبني بس ابعد عنه

انا ودي يكلم ويسولف ولا يركب على يدي وهو ساكت وخايف وتوه يولفني من يومين بس

بس قلت اباخذ وجه الله فيه وارعاه


اختي طيرك مشاء الله تبارك الرحمن يتكلم ويسولف ومرتاحه ونفسيته تمام

لاتستعجلين عليه وربي انك بقوه مستعجله 15 يوم بس

انا فيه طير لي ثاني ما ترك العظ الا بعد خمس شهور ياوخيتي

اتمنى اني اكون ماطولت عليك بس حبيت اني اشاركك المعاناة

اختك

[أم كوكو]

هههههههههههههه سبحان الله نفس اللي عندي

شريت درتيين من جبتهم ماتركوا الصحن الا طايحيين اكل

وكل مازدتهم ياكلون خصوصا بالايام الاولى


وعندي درة ثانيه قديمه هذي يادوب تاكل حبيبتي هههههه تناظرهم وكأنها تقول لهم وش ذا المجاعه


مابتصدقين البارحه بالليل كانت وحده منهم بتهجم عليه من الجوع خخخخخخ

حتى لما غيرت الغرفه لحقتني مع انها لسه تخاف منه

والله اني خفت تركت لها الصحن هربت


المهم الطير يبي له صبر مستحيل يتأقلم معك في 15 يوم حتى لو كان أليف


يبي لك على الاقل من شهرين الى خمس شهور وربما اكثر

[sunset]

اختي اعطيه فرصه
انا شريت بلو فرونتد متوحش عطيته للمدرب وقلتله ابغاه ربع ولافه بس المهم بعد اربع ايام اخذت الطير يطلع على اليد وهو يعض الاصبع الثاني قلت حلو المهم بعد اسبوع يأست منه وصرت ما اعطيه اهتمام بس ااكله وشكله بل اكل
المهم اتفاجئ اني مره قربت للقفص قام مدلي رجله يبي يطلع على يدي وصار كل ما امر من جنبه يبيني اشيله
وصار الي صار مره ماشي من جنب القفص ومديت يدي شوي شوي على راسه قام فتحلي ريشه وخلاني العب وحك راسه
من وقتها اقتنعت انو الطير يولف بل معامله والحين الطير ماشاءالله متكلم ولعوب وبأي وقت يبيني اشيله

[تراني جديدة]

سنايديه .. بالفعل انا مستعجله ما ابي اضيع وقت ابي افرح بالطير .. عندي كروان ما حاولت اروضه بس اكلمه في الروحه والجيه وسار يجيني بس ياكل من ايدي وبعدين يروح موب اليف فا ماابي يسير الوضع نفسه .. وبعدين شفته شوي مرتاح ففكرت اجيب استاند وابدا الترويض او اشيله بمشفى وامسد على راسه بالقوه بس يالله بعطيه وقت .. ومن ناحيه الاكل انا خايفه من زيادته يضره ..ثلاثه شهور الله يعين .. واذا كبر الطير وهوا متوحش .. بس يسعدني مرورك وشكرا كثير على مشاركتي تجربتك الحلوه ..

ام كوكو .. اسعدني مرورك .. سته اشهر مره كثير والله لو انه ايش ..في ناس يروضون طيورهم من اسبوعين او اسبوع .. بس انا بصبر على الاخ شوي .. طيب اذا ما كان عنده نيه .. ومن ناحيه الاكل شكله الله يعين اذا ما انتبهنا يسيرون فيله شكرا كثير لمرورك

سنسيت .. وااو ماشاء الله .. اتمنى يجي اليوم ويسير كذا .. بصبر عليه الله يعين .. شكرا كثيرعلى مرورك