من شنو يخاف؟

[الامل]

السلام عليكم ورحمة الله وبركاته
هلا اخواني واخواتي
طبعا راح تستغربون شنو اقصد (من شنو يخاف )
اقصد ببغاواتكم شنو اكثر شي لاحظتو فيها تخاف من شنو
يعني اكيد اكو اشياء تخاف منها او مو معتاده عليها
انا عن نفسي لاحظته يخاف جدا من الاستاند اهو نادرا يجعر لكن من الاستاند اول مايشوفه تسمع جعرته بالشارع
ناطره اشوف شنو يخوف ببغاواتكم الحلوه

[fawzi]

انا عندي اثنين واحد من يشوفني تضيع اعلومه لانه انا مره يوم كنت ادربه عطاني عضه خلى صبعي ينتفخ من قوتها وقمت ومن غير شعور وصرخت عليه وضربته بس مو حيل ماكنت اقصد اسال ان الله يغفرلي ويتوب علي ان شاء الله ومن يومها وصار يخاف مني بس الان الحمدلله صارت بيني وبينه علاقه زينه وان شاء الله العلاقه تطور الي الاحسن ,,,,,,اما الثاني معاي سمن على عسل الحمدلله .تحياتي لكي وتقبلي مروري والف مليون شكر على الموضوع الرائع ومبروك علكي شهر رمضان وكل عام وانتي بخير

[no0La]

وعليكم السلآلآم ..

عندي كأإسو دلوع مرهـ يخاف من اي شي غريب
عليه وجديد اعلقه بالقفص دب صغير مثلا او عروسه صغيره
واذا سمع صوت الباب وهو ينقفل بقوه يفز من مكانه ..

وعندي لولي امازوني طبعه حاإد شويات ويعجبني انه يدافع عن نفسه
ويتحدى كل اللالعاب اللي احطها لها وماشاء الله تبارك الله مافي شي يخوفه

مشكـــوره يالغلا

[كاسكـــو]

انا الكاسكو حقي يخاف من اي شي غريب او مفاجئ بس بعدين يتعود

اما الكوكاتو الاحظها جريئه ماتخاف وتستقبل كل شي لدرجه انها اللي مايعجبها بالبيت تلحقه هههههه

وفيه فرخ كاسكو صيد وفيه امازوني صيد طبعاً يخافون من كل شي لأنهم تحت التدريب والترويض لسه متوحشين

[A7mad|^|]

انا لقيت حل للطيور عشان تشيل الخوف الي فيها
مثل انت ( الامل )
طيرك يخاف من الاستاند
روحي غرفه مضلمه وخلي ضوء خفيف جدا او الضوء الي يدخل من تحت الباب كافي
وحطيه على كرسي اول وشغلي النور
بعدين على خشبه على الارض وشغلي النور وهو فوقها
بعدين حط الطير على الاستاند وافتح الباب شوي شوي عشان ما يرتاع ويطير
اول مره بيرتاع ثاني مره بيجلس شوي بعدين مع الاستمرار يتعود
( ما تخلينها في نفس اليوم )

[كاسكووووو]

انا الكاسكو يخاف من الكوره

[H2ELL]

الحمد لله الكاسيكو
وقف عن جعيره
وادا بخاف من شي غريب ما يجعر يعني يزمجر بس ما يجعر وشوي وبعدا يتعود

[امازون بلو فرونتد]

الامازون الي كان عندي (بس مات الحين)
كان يخاف من التلفزيون ادا كان السوط مرفع

[راينو]

ههههه

انا تقريبا من كل شي غريب و جديد عليه

سواء اشخاص العاب اكل

لكن مني ما يخاف و لو بغيت اخوفه يحاول يدافع عن نفسه

ع العموم موضوع ممتع و تطلع فضايح طيورنا ههههه

بالتوفيق

[الشفق الأحمر]

أنا بغبغائي مكاو يخاف من عدة أشياء مرة جبت له نفس خشبة بيضة نط من الستاند على طول هههههه ، وثاني مرة جبت له حبل ملفوف على بعضه من النوع الوسط وبعد نط من الستاند مع طيران خفيف ، وكذلك أيضاً هالموقف من كم يوم جبت له جوز الهند من غير ماقصها ولا شي وينط من الستاند على طول هههههههه .
الله يعطيك العافية على هذا الموضوع الرائع ، ومبروك عليك الشهر .