سوال مهم عن الدجاج

[صمت الأمل]

المشاركة الأصلية كتبت بواسطة فنيو

طيب عندي سوال اخر وشاكركم اجمعين على المساعدة. بعد تفقيس البيض افكر اسوي حضانة للصيصان. بحيث نتحكم بحرارة وبرودة الجو حتى نقلل من الوفيات بسبب تغير الجو وتسلط الدجاج الكبير على الاكل او حتى الشراسة بالتعامل

العفو ,,



لازم تسوي حضانهـ للصيصان حتى تمنع كثرة الوفيات والشراسة بالتعامل مثل ماقلت ,,



وحتى أحسن تعطيهم بعض التحصينات الخاصة اذا تقدر عليها مثلا لمرض السالمونيلا .. لكن واللهـ ما ادري اذا البيطري يبيع هالتحصينات ولا لأ ..!!



لكن لازم تستمر بهالحضانهـ حتى لو بلغوا وباضوا حتى مايتغير عليهم الجو ثم تتفاجأ بكل يوم أو يومين تموت عندكـ كميهـ من الدجاجات ,,



وايضا ضروري تلاحظ الصيصان وتشيكـ عليهم كل يوم كم مرة في هالحضانهـ ,, لأن لاااازم تشيكـ اذا أحد منهم مريض أو لأ ..!! اذا أحدهم مريض وما أبعدتهـ من القطيع راح ينتشر المرض ويتأثرون كلهم ,,



وطريقة التشييكـ عليهم اذا هم سليمين أو لأ لازم تمشي وراهم !! وتخليهم يهربون منكـ .. عرفت قصدي ؟؟



لأن المريض أو اللي تعبان ماراح يركض مثل الطبيعي ,, أو مشيتهـ تكون غريبهـ وبطيئهـ ..



وأي اسألهـ ثانيهـ أو اذا تبي إستشارهـ أفضل مني تدور لكـ بيطري سبق لهـ العمل في مجال مشاريع الدواجن ويعرف كل شيء عن أدويتهم وأنظمتهم ..



أما اذا كان هدفكـ في هالتفقيس كهوايهـ الأفضل تفقس الأنواع الجميلهـ وتشتري لكـ جوز غريب وحلو وتفقس فيهم .. أو تجرب في البلدي الى ان تاخذ الخبرة وتثق في نفسكـ أكثر بخصوص تربيتهم ورعايتهم .



اللهـ يوفقكـ في أموركـ ويسهل عليكـ .



تحياتي لكـ .