الى خبراء الاوسكر الحقونى فى كارثه عندى:eek:

[mohamed_henry_1]

بسم الله الرحمن الرحيم

معلش بأه اقول مشاكه ليا تيجى بكارثه
المهم انا جبت مرتين لحد دلوقتى سمك اوسكار والنهايه تبقى بنفس الطريقه
اول يوم السمك بيبقى نشيط وكويس
وتانى يوم بيبتدى يخمل ويقعد تحت فى الحوض وميتحركش
وتالت يوم بينام على جمبه وكده وبعدين يموت
الموضوع ده حصل معايا مرتين
مع تفاوت الفتره
مع العلم انى براعى انى مبحطهمش على طول فى الحوض وبخليهم ياخدو على درجه الحراره الاول
يا شباب المنتدى ساعدووووووونى من فضلكم
وشكراا
اخوكم محمد

[aak]

قد تكون مياة الحوض ملوثة اودرجة الحرارة غير مناسبة وانا انصحك بالتاكد من المكان اللى بتجيب منة السمك ممكن يكو ن السمك اصلا مريض هناك عوامل كتييييييييير لو ممكن صور للحوض يكون احسن

[mohamed_henry_1]

شكرااا يا اخى على الرد بس انا جبت الاوسكار مرتين ومن مكانين مختلفين ولو على درجه الحراره لو عندك معلومات فدنى بيها او عن اكله او اى معلومات عن هذه السمكه الرائعه

[redshark]

اخي العزيز
فعلا كارثة 000 خلينا نراجع المعلومات السريعه :

1- الاوسكار بيحتاج درجة حرارة مرتفعة 24-27
2- المياه قديمه يعني على الاقل يكون فات اسبوع عليها واحذر ان كنت من الادوار العليا مية الخزان بدون غلي
3 - اي ادويه او ملوثات كيماويه في الميه عند اضافه الاوسكار لازم نبدل المية ونجهزها قبل الاضافه

وراي انه لازم تراجع درجة الحرارة ورد عليا في اي استفسار بسرعه

[marwan]

الاخ الكريم

دي حالة صدمه , ولان السمكه لا تتعود علي الماء و يتم نقلها بطريقه خطاء فالنهايه تكون بهذا الشكل

راجع طريقة النقل و ستجد حتما عنصر اهملته هو السبب

وكما قال لك الاخ سابقا الحراره من 24 الي 27 فمن الممكن انها اساسا اتت من حوض بارد

ومن الجائز ان حوضك قديم وبه نسبة الامونيا اعلي من اللازم

ايضا من الممكن التأكد من درجة ال PH بالماء من 6.5 الي 7.2 تكون متعادله

والله الموفق

[mohamed_henry_1]

شكرااا على الرضوض جداا
لكن معلش ليا سؤال
ايه هو ال ph و ازاى أقيسه
وبعدين دى لوكانت صدمه انا بسيب الكيس الى فيه السمك 10 دقائق فى المياه الى فى الحوض عشان
تاخد على درجه الحراره ده انا الى خدت صدمه
واستفسار اخير
بالنسبه لاطعام الاوسكر ايه افيد حاجه ليه؟
وجزاكم الله خيراا على هذا المجهود

[aak]

يجب ترك الكيس فى الحوض على الاقل 20 دقيقة
اما الطعام الافضل للوسكار فهو الطعام الحى او الفلاك والدود الحى او المجفف ودة عن تجربة

[saxs]

اخى انا احترم ري aak
بس فى حاجة بالدؤد لانة فى داديدن تتغدى دم الاوسكار

[mohamed_henry_1]

مشكورين يا اخوه على الردود وربنا يبارك فيكم بس اضافه كده الاوسكار لما كنت بحطله دود مكانش بيرضى ياكله خالص وكان بيتفه من فمه تانى ليه بقى؟؟؟؟؟؟؟؟؟؟

[البتار]

أنا بحترم كل الآراء بس كل هذا الكلام فاضي ومبالغ فيه
أنا عندي ثلاث أوسكرات ولم أفعل شيء بس أحطهم في الحوض فقط و أنا بتكلم عن تجربه كثيره
يمكن يكون من صغر الحوض أو قلة لأوكسجين أو الماء ملوث كيميائين.
وعن الطعام لأوسكار تقريبن بتاكل كل شيء
آسف إذا قلت كلام خطء