بخصوص الدجاجة الراجنة و قدرتها على حضانة البيض

[صمت الأمل]

وعليكم السلام ورحمة اللهـ وبركاتهـ ..


أهلا وسهلا فيكـ أخي الكريم .


اول شيء مبروكـ عليكـ رجن الدجاجهـ ,, ان شاء اللهـ تفرح بفقس البيض .


طيب هل تعرف من متى والبيض موجود عند الدجاجهـ ؟؟


اقصد من متى والبيض متجمع ؟؟ لأن ممكن اذا كان من فترة طويلهـ تكون جالسهـ على بيض فاسد أو احتمال تموت الصيصان داخل البيضهـ بسبب نقص الرطوبهـ والغذاء اللازم .


وهل عند دجاجتكـ دجاج ثاني ؟؟ لأم ممكن في هاليومين تنتشر عندهم حمى الرجن .


وحمى الرجن يعني تجتمع دجاجتين أو ثلاث ويرجنون على البيض معها .


فهنا تقدر توزع البيض بينهم بدون ماتاخذ منهـ شيء .


لكن اذا ماصار عندكـ هالحمى لازم تتأكد من صلاحية البيض اللي تحتها .


خذ سطل فهـ ماء .. وحط البيض داخلهـ .


اذا طفى البيض فهو فاسد .. اذا نصها طافئ والنص الثاني غاطس معناهـ انها قديمة شوي لكن ممكن تفقس .


اما اذا غطست بالكامل فهي جديدهـ ,, ولها الأولويهـ تكون تحت الدجاجهـ .


ان شاء اللهـ أفدناكـ ,, وفي أمان اللهـ .