بعد أسبـوع من امتلاك الكاسكو !

[Al shamisi]

السلام عليكم ..


بعد مروور اسبوع وكمن يوم على حصولي ع الكاسكو ..

الصراحه مستـانسه معاااااه .. بـس له حركاااات تطفش الصرااااحه ..

اذا طلعته من القفص يجنني !!!!!!!!

مستحيل يدخل !!! مستحييييل ؛ واذا حاولت ادخله بالقوه .. واشيله !! يقرصني ويعظني !!!

اللي يشوف ايدي ! يقول عندي كاسكو متوووحش!!!!

وسالفه البراااااااااااز !!!

الوالده الله يحفظها بدت تفقد اعصابها والسبة ان الكاسكو من يطلع من القفص وهو شغال بس يتبرز ( اكرمكم الله ) .. واصرخ اعليه عسب يعرف ان هالشي غلط .. بس ابد ماكو فايده !!!


واول ما جبته ماكان يطيير ومستانسه .. بس الحين !! يطيييييير !! ويشرد مني !
الصراحه تعبت ! فكرت اني اقص جناحه بس حرام بيتشوه منظره ..

وووو ممكن احد يقولي تقريباً متى اعطيه اكل؟ يعني كم ساعة لين ما يجوع !!


وبإنتظااااااااااااار حلووولكم

( عمـرهـ تقريـباً 5 او 6 شهوور )

[شايب حائل]

انا الببغاء حقي اعطيه الصباح وبعد المغرب بي كاسه شاهي اعطيه حبوب مخلط وبا النسبه لذورقه حطي شي تحته

[جداااوي]

هلا والله
ماشاء الله عليك
ومبروك عليك الطير
يا غالي انت تطلع الطير في البيت وتخليه يتمشى بروحه
هادا شي كويس
بس انو ترفع صوتك عليه وتعصب عليه هادا غلط
كدا بتجيب للطير حاله نفسيه
يا غالي لا تعود الطير برا القفص كتير لانو بيتعود وبعدين رح يكون صعب عليك تصيطر على الوضع
مو مشكله تطلعه ساعه او ساعتين برا القفص
بس خله فوق القفص او على الأستاند
هادا الشي ما يأثر عليه

وبخصوص ترجيعه للقفص
خليه يطلع على يدك
وروح انت واهو الى باب القفص ودخل يدك شوي الى الأستاند داخل القفص ولا تعطيه فرصه انو ينقز من يدك
كدا رح يتعود حبه حبه على الدخول للقفص
ولا تخله يتمشى في البيت
خله فوق القفص او على الأستاند
اما بخصوص القص انا انصحك انو تقص ريشه
في خبراء قص بطريقه احترافيه
من دون تشويه منظر الطير

موفق يا غالي

وان شاء الله اكون اعطيك الفائده

[وليد كاسكو]

اختى الكريمه اذا كان الطير مقصوص والطير اليف ممكن تضعين سفره تحت القفص والطير يقف فوق القفص والبراز يسقط على السفره والحل الامثل هو الاستاند لان الطير تعود على الخروج والاستاند يريحك مع تمنياتي لكي بالتوفيق

[ام ماجد]

الله يحفظه لك الله يعافي الفرشاه يوسخ وانا انظف وراه بس اهم شي يستانس ويفرفش ^^

اول شي لاتصارخي عليه قولي عيب بنبره حاده اذا عضك حاولي تدخلينه القفص بالطريقه اللي قالها جداوي
هاديه وماتكره الطير فيك

الوساخه لا تصارخي عليه شوفي مواضيع من الاخوان الخبرا
انه لما بيتبرز الله يكرمك تقولي كلمه وبعدها بيربط الكلمه بهالشي
كل ساعه تشيليه ستانده وتقولي هالكلمه ويعرف انه يسويها بمكانها

ان شاء الله ببدا مع طيري موال النظافه ^^

[عبدالعزيز1]

اتفق مع الاخ جداوي

لايتعود يطلع كثير برا

وهالشي انا عانيت منّه

او تجيبله ستاند

الطيور طبيعتها على الاغصان وماتمشي على الارض

وبما إنك تحب طيرك يكون برا جيب استاند

[trend]

انا شريت قفص سعره الأصلي 1200 ريال
اخدته ب400 مستعمل بس كأنه جديد

وسيع وبعدين فيه طريقة لتصريف البراز ممتازة


يمكن مشكلتك بالقفص


لكن مشكلتي اللي عندي للحين ماياكل الا دوار الشمس ويكون لحاله مايشوفه احد علشان ياكل

[Al shamisi]

تسلمووون اخواني على المرووور

انزين عندي مشكله ثانيه وهي ان ريحة الكاسكو قضيييييعه .. مو متحملتنها ! مع اني انظف القفص مرتين باليوم ! شو الحل !

[alsindrella]

روشيه بماء دافىء من بخاخه للماء
ترويش الجسم فقط بعيد عن منطقه الرأس
و ضعيه فى مكان دافىء او مكان بد دفايه
يتروش بالشتاء مره بالاسبوع و بالصيف مرتين بالاسبوع او 3
و بالتوفيق