حالتي مع عسول ( الرمادي )

[F9o0oL]

السلام عليكم ورحمة الله وبركاته
قبل فتره طرحت موضوع عن مشكلتي مع الرمادي أنه يجعر و يخاف و يعض و ... المهم كنت يائس منه كنت ناوي أبيعه لأني شفت نفس مشكلتي مع ناس بس مب لهذي الدرجه أنا قلت لا هذا متوحش بالفطره مر علي ألحين شهر و أسبوعين والحاله في تحسن منذ أسبوع والفضل لله ثم للأخ كاسكو البحرين و أعضاء المنتدى الغالي لدرجه قبل أسبوع كان يكرهني لأبعد حدود أما ألحين فالحاله تتحسن أمس جوعته شوي ثم عطيته حبة فول سوداني من يدي و قبلها من دون تردد حبه ورى حبه اليوم الثاني كان شبعان و حاولت أوكله وكانت النتيجه أنه قبل ياكل من عندي اليوم عطييته شور ( روشته ) على خفيف بخاخ مويه رشيت على كل انحاء جسمه طبعا حاولت أتجنب الرأس قددر المستطاع بدون اي تجعير و مشاكل لكن هو باقي يخاف من كل الأهل ألا أنا لأني معطيه وجه زياده و أسولف معاه ( ماسولفت مع أخوي علشان أسولف معاه ) أبتسم له في كل الأوقات يراقبني أنا بالذات دايما و يحاول يحلل تصرفاتي وبدت عليه بوادر كلام مرات يحاول يتكلم و يطلع أصوات غريبه و من بينها كلمه بصوت مبتدئ <<< عطنا الزبده
يعني ألي عنده ببغاء يجعر و يصارخ و يخاف صدقوني يتبع التعليمات ألي في المنتدى ولكم من عندي كلمه أنه بيتحسن

أعتذر على الأطاله لكن من فرحتي