شريت بلوفرنتد لكن مدري كم عمره ! ياليت تساعدوني احسني مغشوش :(

[الملكي 937]

اذا انت في القصيم
تعال بس ومرني وخله يقول لا مافيه
افتح في وجههههههههههههه ورشة
قال ايش قال لا

[ابو محمــد]

صحيح مكتوب ٢٠١١ لكن الحقيقة غير ذلك ولو صحيح كان عمره ٤ شهور بالعربي المفروض الى الان

ياكل من السرنجة وايضاً ياكل حبوب وبنفس الوقت الجلد حول المناخير تبدأ تتغير من الوردي الى الاسود

وسلامتك وبشرنا بالتغيرات ولا تستعجل في التبديل

[عادل عبدالله]

حسآم الله يرضى عليك

انت روح للمحل وخلك شديد معه ولاتعطيه مجال يتكلم

وقول له هذا موفرخ و و وووو و وانا اقول لك دور لك معلومات عن الامزوني وشوف كيف تعرف الفرخ من الكبير وخله يبدله لكـ ووو قبل لا تبدله صوره وحط الصور عشان نشوف البديل
واذا مارضى يبدله او يرجعه اشتكي علييه ....

تحيآتي.. ... .

[xX7oSaMXx]

يصلح هذا بديل حجله 10 يعني 2010 تنصحوني فيه ؟ يعني الطير أخر 2010

[كاسكـــو]

^^

هذا الطير مضبوط ماشاء الله

اواخر 2010 يعتبر من 2011 توكل على الله

[ابو محمــد]

هذا اللي يقال له فرخ شوف الفرق بين عيون هذا واللي قبل

الف الف مبروك اخوي حسام

[xX7oSaMXx]

المشاركة الأصلية كتبت بواسطة ابو محمــد

هذا اللي يقال له فرخ شوف الفرق بين عيون هذا واللي قبل

الف الف مبروك اخوي حسام

ههههههههههه لاتقهرني يا ابومحمد توني الحين باخذ رايكم وبعدين ببدل هذا اذا ماقالي زد على السعر

لكن ان شاء الله ان الرجال بيوافق والحمد الله الطير هذا قلت للبنقالي الي بالمحل طلعه لي


وهو ماسكه يصارخ وبنفس الوقت كأنه يغاغي يعني صغير على العموم الله يكتب الي فيه الخير

[ماعلينا]

السلام عليكم اخوي حسام

بعد اذا لاخواان صحيح الثاني افضل بس نصيحتي

تمسك الطيور وتنطلها بوجة الي شريت منه لانه ماايستاهل من يشتري منه هذا غشااش

واذا على الطيور بتلقا كثير وضمن لك بقل من سعر هذا راعي التلااعب على الناس الي مايعرفون


قله ماابي طيرك وبي فلووس واذا لكلك معك اقرب شرطي بالشارع جبه له ويجره على وجهه
ورح الي محل ثااني

هذا اذا يغش الناس اكيد ماهو مهتم من الطيوور ولا فكر في صحتها

هذا رأيي

والله لو عندي طير مثل طلباتك لقولك خله وتعال شله


بس الحمد لله ماعندي ولا كان تخسرت ههههههههههههههه

واذا انت خاش براسك الثااني قله يبدل لك ولا تزوده ريال اذا عند قله هات فلووسي صدقني مايجيبها بيعطيك الطير

وسلاامتك

[عادل عبدالله]

بسم الله ماشاء الله

صحيح هذا الطير احسن من اللي قبل 100%

نصيحتي توكل على الله وبدل

عسى الله ان يكتب لك الخيرر فيه

مبرووووووووووووووووووووووك

مقدمآآ




تحياتي.........

[xX7oSaMXx]

المشاركة الأصلية كتبت بواسطة عادل عبدالله

بسم الله ماشاء الله

صحيح هذا الطير احسن من اللي قبل 100%

نصيحتي توكل على الله وبدل

عسى الله ان يكتب لك الخيرر فيه

مبرووووووووووووووووووووووك

مقدمآآ




تحياتي.........

امسك قردك لا يجيك الي اقرد منه

هذا المثل طبقته لأن الثاني صحيح انه فرخ لكن للأسف فتحات خشمه متسدده كلها

يعني الطير مريض مو طبيعي وعلى فكره ترا حقي على حسب الناس الي سألتهم

يقولون لي من 9 شهور لسنه يعني ان شاءا لله مقدور عليه والله يعينا

وياليتني متأكد من المزرعه قبل لا اشتري كان افضل لأن الحجل الي في رجله ما اتوقع ان عمر

الطير مكتوب فيه لأن الرقم الموجود 110 مو 011 حتى اني اجيب ناس واقولهم الرقم الي بالحجل

110 يقول راعي المحل لا ماعليكم من الصفر الصفر بعيد مره ! وحتى قلتله اسألك بالله كم تعطيه

عمر من عيونه خل الحجل الرجال وقف شوي ماقدر يتكلم ^_* وللأسف كلتها على قولتهم

مع اني قايله ابي طير بعمر 8 شهور 6 شهور حولها لكن عطاني واحد اكبر من كذا

وحسبي الله عليه والله لا يوفقه لا في طيوره ولا في حياته قايله انا ابي فرخ يعطيني واحد بحدود

السنه ! والله يسامحني اذا انا غلطان