وضعيةالبيض في الفقاسة

[AHMAD55]

اهلا وسهلا اخي

ان شاء تتوفق بهالتجربة

بالنسبة للبيض كيف ما وضعته بيفقس المهم التقليب وانا جربت كل الطرق

اذا بدك تمرر ايدك عالبيض بشان يتحرك لازم تكرر هالعملية من 4 مرات وفوق

اما اذا بدك تحط البيضة وتحط عليها علامة بامكانك تقلب البيضة كل 12 ساعة يعني مثلا مثلا

الساعة 7الصبح العلامة الى الاعلى الساعة 7 المسا العلامة الى الاسفل اذا التقليب يدوي

اما اذا التقليب اتومتيك

خلي الطرف العريض الى الاعلى

ليش؟؟؟؟؟

الصوص لما بكون بالبيضة بكون رأسو باتجاه القسم العريض ولما بيبدأ بكسر البيضة بشق الغشاء الداخلي

وبيعمل بالقشر ثقب وبعدين بصير يسحب راسو على قشرة البيضة من الداخل وبيعمل عالقشرة متل دائرة

بيدفعها وبيخرج

واخر الشي بيطلع من البيضة هية موخرة الصوص عشان بكون الدم انقطع ونشفت العروق الي على جدار البيضة

ممكن كون طولت بالحكي بس اذا عرفت كل هالمعلومات ممكن تصير تعرف شو السبب وكيفية وضع البيضة

يعني القسم العريض الى الاعلى لان عند الفقس رح تكون القشرة قطعتين وحدة كبيرة والتانية صغيرة

والقطعة الصغيرة هية من الجهة العريضة من البيضة

ومن خلال تجربتي اكتشفت انه وقت الفقس اذا كانت البيضة واقفة القسم العريض الى الاعلى الصوص بيخرج اسرع

من اذا كانت موضوعة بشكل افقي

وبالتوفيق

واي شي بيلزم انا بالخدمة